牛気 (The ONE)

Open Now

Now Closed

難得可以平日休息，約了很久沒見的老友敍舊，約了在尖沙嘴區午膳；方便她之後上班。她推介到這裡午餐，還未待我回應便叫我放心，因那裡也有牛以外的選擇呢。這裏的午餐有豚肉及海鮮套餐供應，雖然只限時60分鐘，但以午餐來說是足夠的了。我們叫了「北海道昆布湯」做湯底，味道清清甜甜，襯海鮮就最適合不過了。A. 特級美國豚腩肉（$78）～豚腩肉簿薄的，只要輕輕一燙便可，脂肪不多，可幸仍帶嫩滑，醮上麻醬就更加美味了。E. 海鮮套餐（$128）（大海蝦、青口、帆立貝、廣島蠔和日本魷魚）全部俱是意想不到的新鮮，大大隻的海蝦，鮮甜彈牙；青口雖然小巧，但海水味濃；碩大豐滿的廣島蠔鮮度十足。自取食物款式多樣而吸引，有冬菇蟹肉素翅、紫米露、蘿蔔蓉、中華沙律、芝麻八爪魚和壽司。沙律菜選擇也不少，有車厘番、粟米粒、青瓜、菠蘿等。可配意式香草油醋汁或凱撒沙律汁各種火鍋調味料：七味粉、辣椒、炸蒜、豉油、麻醬、辣蘿蔔蓉。豐富多樣的菜蔬：油麥菜、娃娃菜、京蔥、唐生菜、銀芽、南瓜、翠肉瓜、蓮藕、秀珍菇、番茄、豆腐、冬瓜片、芋頭和金菇等。鱈場蟹腳棒、芝士腸、鳴門卷、黑墨魚丸、粟米、粟米心...等等。拉麵、公仔麵、手打烏冬、芋絲、綠茶

繼前兩星期行完薄扶林水塘家樂徑，今次再同老友入粉嶺行流水響郊遊徑，天清氣爽，行山真喺好正、好舒服。友人揸車，直達起點，減少交通、轉車時間，麻煩晒！所以，午餐就出返尖沙咀食，而依幾日天氣凍咗，真正有番啲冬天嘅感覺，故一於食番鋪涮涮鍋。選址The One嘅牛氣，一來食過有信心啲，二來商場有兩個鐘免費泊車。餐廳鋪位幾長幾深，一室木啡，柔和舒服，卡位佔多數，而卡位背做得偏高少少，唔使同隔離枱你眼望我眼。午市有多種套餐選擇，「午市精選套餐60分鐘放題」就最抵食，由$88到$188，指定肉類或海鮮（約100克），再加配菜、飲品、甜點自助放題，唔喺食肉獸嘅就啱晒，不過只限星期一至五（公眾假除外）。星期六、日、公眾假嚟到，就可以揀「午市90分鐘放題優惠」，由$128-$288共5款價位選擇，質素就一分錢一分貨啦，餐內全部肉類或海鮮無限制添加任食，其他配菜、飲品、甜點自助放題照有，唯一注意同枱所有人要點同一價位套餐。先睇睇有咩湯底，分別有7款，北海道昆布、蕃茄濃湯、博多豬骨湯、昆布辛口地獄湯、韓式辛味泡菜湯、三文魚味噌湯及壽喜燒甜醬油湯，款款都各有特色。原來，依家仲可以加$10變成鴛鴦湯底，划算到極，結