牛市 (Changed Hand)

經過灣仔見到呢間新開嘅牛腩河就即刻沖咗入去，一入到去已經超香牛腩味 😍 搞到我地仲更加期待，更加肚餓 🤤 係等緊嘅時候仲要見到啲細細地嘅文宣，低調又好食嘅黃店，附近嘅朋友記住去幫襯呀特色牛腩濃湯拉麵 📍$60Fusion 日本 * 牛腩湯底，老闆話拉麵比較多後生嘅鐘意食 😳 咁我地好難唔試呢個喎 🤪 估唔到佢地又幾夾喎，拉麵軟硬適中，配個濃濃嘅牛腩湯，好特別，仲希隻流心蛋架陳大哥牛坑腩河 📍$78個湯真係好正 👍🏻 牛味濃得黎又無味精，火喉控制得好好，牛肉份量都幾多，肥瘦亦適中，筋肉分明， 連蘿蔔都炆到好入味好淋身 我地夜晚6:30pm去到已經無哂咖哩，大家想食真係要襯早呀

鋪面唔大，只設三張枱，容納12人，疫情期間更只坐六人，店員服務親切。✨食物80分，服務80分，環境75分。.🔸咖喱牛腩飯($68)可選河粉米粉都得，不過個人好喜歡咖喱汁撈飯。咖喱好香，夠味，少少辣，有椰香，非常惹味。內有牛筋，牛腩，蘿蔔，薯仔，全部好稔，又好入味，牛味都好濃郁。如果再俾多啲飯我都食得到，好想撈晒佢啲汁嚟食。.🔸特色牛腩濃湯拉麵($60)好特別，好fusion，有創意，平時食開牛腩河/麵，配拉麵真係未試過！湯底十分濃郁，厚身而不油膩，沒有味精。拉麵軟硬剛剛好，個人喜歡比較硬身，牛腩嫩滑，同樣口落好軟稔，牛味濃。.🔸洛神花雪梨茶(跟餐$10)酸酸地，好啱食完濃味野飲，好清爽。.🔸金羅漢果花旗蔘茶(跟餐$17)飲落甘甜充滿整個口腔，清熱潤肺，好養生。