101手工涮涮鍋 (Closed)

今天是白露，晚間開始有點秋風送爽。所謂美食慰衷腸，秋意解情懷。已經急不可待來到厚福街這間101手工涮涮鍋打邊爐了！食店是樓上舖，裝修雅致，一排飾櫃將樓梯分隔，坐下來就舒服得多了！餐牌一目了然，二百幾元的極上吃到飽套餐包括九個項目，每項都有不同的選擇，有特別收費的都寫得清清楚楚，絕對均真！前菜有麻辣麻醬手撕雞，少少辣，另外還有麻辣木耳，爽脆可口。店主真細心，讓客人在等待火鍋期間，都有點東西落肚！主菜有九款湯鍋，有辣有不辣，我們當然選擇了不辣的冬瓜卜卜蜆海鮮鍋，基本上是一個湯，湯料充足，未放生料之前，我們已經吃了不少蜆肉、蔬菜和菇菌了，再加上湯底清鮮，和一向打邊爐的風味完全不同，今次的湯是可以飲的！肉類已有三款選擇，我們選了安格斯prime grade 牛頸脊肥牛片，肉質肥瘦適中，肉質嫩滑，肉味香濃，極具嚼勁，不錯👍跟著揀了101特選手工火鍋拼盤，內裏包括了不同的手工肉丸和餃子。最值得推介是這個墨魚汁鳥結糖，望落只估到是加了墨魚汁的墨魚膠，原來它是混入了雞軟骨和冬菇，吃落淋滑之餘又爽脆，好有趣，店員還提醒我們只要淥20秒即可品嚐！。另外太極冬菇，黑松露蟹子海鮮軍艦，名字和賣相令食物生色不少

見到幾本飲食雜誌都有推介呢間野嘅任食火鍋，今日特登黎試下。綜括黎講食物嘅質素幾好，同價錢相符。配料款式多且夠特別，但係有部份無想像中咁好食。餐廳環境乾淨，裝修有少少似酒吧，燈光比較暗，不過都坐得幾舒服。今次我試嘅係店舖推介嘅極上吃到飽套餐，湯底揀左台灣紅燒牛肉涮涮鍋。牛腩份量夠多，而且軟嫩入味，食落仲有微微嘅辣。蔬菜吸左湯底嘅精華，非常滋味。呢個係套餐包埋嘅西班牙伊比利亞玫瑰豬頸肉，厚薄剛剛好，脂肪同肉嘅比例適中，肉味十足。同樣都係套餐內嘅海鮮拼盤，種類繁多，有海蝦、鮮魚片、蠔、蜆等等，每樣都非常新鮮，食得出唔係一般貨色。再黎嘅係特選手工火鍋拼盤，一共9款。值得一讚賞嘅係黑松露蟹肉餃同黑松露芝士豚肉餃，呢兩樣餃嘅共通點都係黑松露味好出，一咬落口即刻感覺到香濃嘅黑松露。至於墨魚汁鳥結糖，算係店舖其中一樣特色產品，但偏偏令人感到失望。呢款墨魚滑口感平平無奇且單一，佢嘅製作過程有加入其他材料，但係完全食唔出。至於三重芝士系列嘅三款丸，芝士味道唔突出而又令丸嘅味道變得偏鹹，令人感到失望。呢個火鍋拼盤廣被人推薦，雖然佢嘅配料真係幾特別，但係我就覺得非常一般，下次都係散叫比較好。呢杯係盆栽香芋珍珠