奔之食堂 (Closed)

犇之食堂，咁多隻“牛”，睇個名都知要黎食牛啦🤣呢間係台灣菜黎既，平日有午市套餐，今日星期六晏就黎食，就有假日套餐。除左飯麵呢啲主食之外，仲有好多唔同既小食好似台式香腸、甜不辣、鹽酥雞、大腸拼小腸咁，仲有好多台式特飲揀添！掛住台灣都可以黎試下😀 1⃣️眷村紅燒牛肉麵（$98） 呢個係假日既午市套餐黎，包埋肉燥青菜同埋飲品。湯底香濃，微辣，麵係偏粗身既，但係食落覺得如果再煙韌啲會更好😛牛肉用左牛𦟌，幾厚幾大片，唔錯😋  2️⃣犇之滷肉飯（$50）有滷蛋、醃過既青瓜，同埋滷肉。滷肉肥瘦均勻，食落夠油脂感🤤但係未去到入口即化，同埋唔夠濃味同漿口🙈滷肉汁唔會太鹹，都夠撈飯既，但係略顯偏稀身。  3️⃣眷村牛肉捲蔥餅（$56）成餐我最滿意呢個🤩呢個真係一定要嗌！做法係類似蛋餅，但係用左蔥抓餅黎包住入面既餡料。雖然食落會比蛋餅既皮厚啲，但係更加有蔥油香！入面包住牛𦟌、酸菜、青瓜，餡料滿滿，而且食落一啲都唔會乾身，牛𦟌算厚而且煮得夠淋，有蒜香味，青瓜又可以中和翻其他食材既濃同膩！好正！ 

朋友推介 仲要有下午茶💛台式餐廳成日出尖沙咀都係cafe & cafe 而且到咗下午茶時段 唔想食🥐🥯🥨🥞今次帶咗我去試間台式野 有下午茶set 除咗台灣野之間，竟然仲有中式點心選擇🤣不過食台灣野 點可以唔試牛肉麵同滷肉飯⁉️傳統清燉牛肉湯麵 $80 包熱飲湯底夠清 不過唔係指無味🤣牛肉好嫩，不過個人鐘意有返少少根 口感好啲蘿蔔有餣過 味道唔太濃 清我嚟夠惹味犇之滷肉飯 $50 包熱飲下午茶份量細碗啲 滷肉同飯嘅份量配搭剛好滷肉唔會好重味 青瓜口感夠爽脆另加 $10/$15 可升級做台式熱/凍飲難得台式飲品可揀甜度 甚至可以走甜 姐姐仲好主動問定需唔需要 夠貼心❣️奶粉夠順滑👍🏻

犇之滷肉飯第一次食時就咁倒晒洛去，偏多汁用油。今次只拎起滷肉放上飯，香味十足， 半肥瘦比例都剛好！只是想比起台灣 這個實在偏貴！但位於tst 來說也無可奈何， 加上米是日本新瀉米。飯粒圓潤飽滿同滷肉好夾。對得起這個價了。份量對女仔來說ok, 但男士恐怕是不夠了！

香港網絡唱作歌手龍小菌同朋友新合作之新店「奔之食堂 Pun's Food」剛於尖沙咀力寶太陽廣場開設分店，身為朋友嘅我緊係要去支持支持，而「奔之食堂」嘅總店響於約2年前進駐銅鑼灣至今，店舖主要大部份沿用返台灣食材及由台灣聘請返廚師等員工，所以係響香港經營台式餐廳非常難得、真真正正嘅台灣直送。由於其中一個合夥人係做建築行業的，所以店內環境之設計同擺設都整到好有古老台灣嘅特色，牆上更可見到有幾幅台灣嘅舊式電影海報，而小菌亦都為「奔之食堂」作咗首新歌，但由於疫情關係，所以團隊未能遠赴台北拍攝MV，等完成MV後便能面世。雖然只新開幾天，但午市時段係坐無虛席的，入門口量體温加酒精搓手液，呢個時勢係少不免，見到枱與枱之間有隔1.5米或用分隔措施，我影呢張相係等中間2座枱嘅客人一走先影的，一坐低我哋先點幾款前菜及台式小食，包括有前菜話梅小蕃茄($38)、南投竹山雲筍($38)、台式小食有宜蘭鹽酥鷄($48)、士林炸花枝丸(5粒，$38)及滷蛋(1顆，$8)。話梅小蕃茄，酸酸甜甜又多汁，令人開胃又醒神；南投竹山雲筍，台灣筍係我最愛台灣食材其中之一，雲筍脆嫩可口，微辣惹味。宜蘭鹽酥鷄，外皮金黃酥脆，裏面