Video
Read full review
2020-05-22
310 views
香港網絡唱作歌手龍小菌同朋友新合作之新店「奔之食堂 Pun's Food」剛於尖沙咀力寶太陽廣場開設分店，身為朋友嘅我緊係要去支持支持，而「奔之食堂」嘅總店響於約2年前進駐銅鑼灣至今，店舖主要大部份沿用返台灣食材及由台灣聘請返廚師等員工，所以係響香港經營台式餐廳非常難得、真真正正嘅台灣直送。由於其中一個合夥人係做建築行業的，所以店內環境之設計同擺設都整到好有古老台灣嘅特色，牆上更可見到有幾幅台灣嘅舊式電影海報，而小菌亦都為「奔之食堂」作咗首新歌，但由於疫情關係，所以團隊未能遠赴台北拍攝MV，等完成MV後便能面世。雖然只新開幾天，但午市時段係坐無虛席的，入門口量體温加酒精搓手液，呢個時勢係少不免，見到枱與枱之間有隔1.5米或用分隔措施，我影呢張相係等中間2座枱嘅客人一走先影的，一坐低我哋先點幾款前菜及台式小食，包括有前菜話梅小蕃茄($38)、南投竹山雲筍($38)、台式小食有宜蘭鹽酥鷄($48)、士林炸花枝丸(5粒，$38)及滷蛋(1顆，$8)。話梅小蕃茄，酸酸甜甜又多汁，令人開胃又醒神；南投竹山雲筍，台灣筍係我最愛台灣食材其中之一，雲筍脆嫩可口，微辣惹味。宜蘭鹽酥鷄，外皮金黃酥脆，裏面
香港網絡唱作歌手龍小菌同朋友新合作之新店「奔之食堂 Pun's Food」剛於尖沙咀力寶太陽廣場開設分店，身為朋友嘅我緊係要去支持支持，而「奔之食堂」嘅總店響於約2年前進駐銅鑼灣至今，店舖主要大部份沿用返台灣食材及由台灣聘請返廚師等員工，所以係響香港經營台式餐廳非常難得、真真正正嘅台灣直送。
由於其中一個合夥人係做建築行業的，所以店內環境之設計同擺設都整到好有古老台灣嘅特色，牆上更可見到有幾幅台灣嘅舊式電影海報，而小菌亦都為「奔之食堂」作咗首新歌，但由於疫情關係，所以團隊未能遠赴台北拍攝MV，等完成MV後便能面世。
雖然只新開幾天，但午市時段係坐無虛席的，入門口量體温加酒精搓手液，呢個時勢係少不免，見到枱與枱之間有隔1.5米或用分隔措施，我影呢張相係等中間2座枱嘅客人一走先影的，一坐低我哋先點幾款前菜及台式小食，包括有前菜話梅小蕃茄($38)、南投竹山雲筍($38)、台式小食有宜蘭鹽酥鷄($48)、士林炸花枝丸(5粒，$38)及滷蛋(1顆，$8)。
話梅小蕃茄
$38
8 views
0 likes
0 comments
南投竹山雲筍
$38
7 views
0 likes
0 comments
話梅小蕃茄，酸酸甜甜又多汁，令人開胃又醒神；南投竹山雲筍，台灣筍係我最愛台灣食材其中之一，雲筍脆嫩可口，微辣惹味。
宜蘭鹽酥鷄
$48
9 views
0 likes
0 comments
士林炸花枝丸
$38
5 views
0 likes
0 comments
滷蛋
$8
6 views
0 likes
0 comments
宜蘭鹽酥鷄，外皮金黃酥脆，裏面鷄肉細嫩；士林炸花枝丸，外面微脆，內裏足料入味又彈牙；滷蛋滷得夠入味，有少少肉燥放咗響蛋面，可能我無同麵或飯撈埋一齊食，所以覺得少少鹹。
愛文芒果沙冰
$52
5 views
0 likes
0 comments
食完前菜及台式小食，飲返杯愛文芒果沙冰(季節限定，$52)，愛文芒有幾出名我相信唔需要再多講，沙冰微酸透心涼，杯頂嘅芒果肉香甜扎實，仲要係季節限定，所以大家唔好錯過。
自家製鹹酸菜
12 views
0 likes
0 comments
枱上面有自家製鹹酸菜同辣椒油提供，更加能感受到台灣嘅風味。
犇之三寶麵
$86
20 views
0 likes
0 comments
點了店內名物：犇之三寶麵(牛腩、牛筋、牛肚，$86，如星期一至五午餐時段：11:30am-2:30pm，$96包普通熱飲一杯)，食麵通常先飲啖湯，湯頭夠清甜，麵條係我食開嗰款台灣粗身麵，牛腩肥瘦適中，算腍又好嚼口，牛筋好咬口又有韌勁，牛肚又夠軟腍，真心係幾高水準嘅犇三寶。
犇之滷肉飯
$48
8 views
0 likes
0 comments
犇之滷肉飯($48)，我開頭以為滷肉飯係用台灣米，點只原來係用日本新潟米，新潟米號稱全日本第一位嘅米，黏性強同甜味十足，滷肉鹹度同份量適中，重本有誠意之作。
其實呢度除咗「奔之食堂」，隔離鋪位仲有一間「恆之茶居」，係同集團的，主打港式小食、點心，我哋亦都有點同試到一啲食物同飲料，會響另一篇食評介紹。
Post
