牧羊少年與他的浮萍

Open Now

Now Closed

「牧羊少年咖啡館」於2012年10月誕生，座落於太子與深水埗交界的白楊街；是香港第一間以旅遊為主題的咖啡店，之後陸續擴張的分店也堅持這個主題。細心留意一下，同時也會發現「牧羊少年」積極地向文化集中地進駐，所選擇的分店地址都與文化牽上一點關係。今日就去了位於香港文化中心的最新概念店「牧羊少年與他的浮萍 Lemna」。英文名字「Alchemist」解作煉金術士，同咖啡烘焙有異曲同工之妙。既然是煉金術士，偶爾也要歇息一下；正好配合這間香港本地咖啡店品牌的新分店名字「Lemna (浮萍)」。「Lemna (浮萍)」概念店綜合了餐廳、酒吧及文化展覽區，三位一體，與「牧羊少年」旗下的其他咖啡店走不同路線。雖然室內空間三尖八角及不規則，但設計師就利用這個弊端轉化成優點；通過細心規劃，將三個主題區佈置於餐廳不同位置。裝潢以優雅格調為主，配合落地大玻璃，感覺休閒。如果碰巧餐廳正舉行文化活動，就可一邊品嚐美食、一邊欣賞藝術作品。無論平日或週末假期，餐廳皆供應相同的兩道菜 / 三道菜午餐及早午餐。午餐（$158）可以選擇「頭盤 + 主菜」或者「主菜 + 甜品」，亦可以揀三道菜午餐「頭盤 + 主菜 + 甜品」

星期六，難得黎到尖沙咀，梗係搵啲好野食下，今次就黎左牧羊少年既副線Lemna，雖然用GULU拎左飛，但都要等半個鐘先有位。建議食lunch set，抵啲，可以揀要前菜或甜品，包野飲，都係158加一。我叫左2個sets，一個要前菜，一個要甜品。前菜係柚子醋糖潰小蕃茄藜麥沙律 配蕃茄清果凍味道清新，有蕃茄果既果凍，好特別，賣相一流，好岩打卡。主菜 燒鷄瀵堡 配日曬蕃茄蛋黄醬 伴海鹽薯條薯條香脆，燒雞juicy，推薦叫呢個黎食下，好味。主菜 獨子蒜蕃茄蓉意大利辣腸肉醬扁意粉呢個意粉味道中上，唔算好突出，唔辣，份量偏少，下次未必會再叫呢個，會試下其他野。甜品 焦糖忌廉蛋糕細細舊，濃濃既焦糖味，上面係焦糖啫喱，中間有層cream，下面係蛋糕加啲焦糖脆脆。好多口感，味道偏甜。飲品 檸檬特調唔甜，酸酸地，幾開胃。飲品 藍橘子乳酸個樣好靚，又係打卡之選，不過味道冇咩特別，似汽水加乳酪，細杯。今餐都食得好飽，每人約200蚊，呢個價錢食到呢個質素，算係幾抵。

LUNCH SET 挪威煙三文魚配温泉蛋 ｜⭐️ 5/10相信這兩個配搭不會難食，但也沒什麼特別，中規中矩。燒雞漢堡配日曬蕃茄蛋黃醬伴海鹽薯條 ｜⭐️ 3/10 ① 雞醃得不夠味，乾到每食一啖雞就要飲兩啖水，促進胃部消化。② 麵包質素差過嘉頓麵包，不夠鬆軟飽滿，好快淋到爛。③ 薯條幼身又炸得淋，吃落似M記。獨子蒜蕃茄蓉意大利辣腸肉醬扁意粉 ｜⭐️ 5.5/10 ① 獨子蒜薄片為意粉帶來口感，而且食不出有蒜味，與蕃茄蓉幾夾。② 意粉掛汁能力較差，與蕃茄汁分離，麵還麵，汁還汁。④ 辣腸份量較少，而且切得偏薄，大概每人食了2-3塊就沒有了。覆盆子雜莓奶油蛋糕｜⭐️ 3/10 覆盆子加雜莓，不酸也不甜，蛋糕質素似美心。白桃烏龍茶｜⭐️ 1/10 極伏！水一杯，沒有味☕️Macchiato ｜⭐️ 6.5/10 ① 要加$14的咖啡，竟然沒有任何特別。② 6分是給予拉花的手藝，十分有心思，打卡一流。

平日大約兩點嚟到，因為係我個friend攞位所以我唔知佢有冇等位，但係去到出邊冇人排隊我估都唔使。叫咗個3 course meal，$158 +10%首先就係呢個柚子醋糖潰小蕃茄藜麥沙律配蕃茄清果凍 （個名好長😅）味道都唔錯，都幾得意，幾開胃。獨子蒜蕃茄蓉意大利辣腸肉醬扁意粉，個人來講冇乜辣味，味道係好食嘅，蒜味好重。明太子奶油龍萵大蝦扁意粉唔算好特別但係都OK嘅，有啲明太子嘅味道，隻蝦好大隻，幾爽口彈牙。焦糖蛋糕唔錯，唔會太甜又有焦糖嘅香味Mocha 拉出嚟嘅羊仔幾得意，味道我就唔知啦因為冇飲。至於Iced Americano，淡咗少少。連埋個環境同埋間舖頭嘅裝修其實係唔錯嘅，價錢都算係合理。你話使唔使專登去食呢就未必，但係經過可以食下。