達摩元祖麵屋 (Closed)

雖然set lunch有各式飯類，不過嚟呢度梗係食拉麵啦，所以散叫返~玄端達摩 黑蒜油湯拉麵 ($82)落單時再寫埋多蒜多蒜多蒜！！！卒之，加埋個湯底嘅黑蒜味，真係超級重蒜味，啱晒蒜魔！湯底唔算油膩，唔係一味得個黑字；我要咗粗曲麵，掛湯能力不錯，而且唔係煮到好淋身；豚肩叉燒肥瘦適中，就算唔食肥膏嘅都好易咬得開，口感滑溜唔嚡口；隻雞蛋黃呈流心效果，蛋白半熟狀態，好味到忍唔住再叫多隻嚟食！白河達摩 北海道3.6牛乳湯拉麵 ($88)好得意，湯底有杏汁豬肺湯嘅味道，上面有蟹子及黑松露醬，加少少落個湯度更加香甜；豚角煮細啲肥啲，我自己鍾意食豚肩叉燒多啲。最後飲晒個湯，好耐冇試過食拉麵會飲晒全部湯！服務好好，而且裝修得不錯，非常值得一試個杏汁豬肺湯拉麵哈哈！

在寶勒巷當中，有一拉麵店新開張，這間達摩元祖麵屋門口有一個大大的不倒翁公仔，相當突出。店內燈光柔和，座位闊落，門口還有一個小鳥居做裝飾，頗有日本居酒屋的氣氛。店內有9款拉麵選擇，拉麵的麵質可選幼麵及粗曲麵, 配料亦有4款可選(豚腩叉燒、豚肩叉燒、豬軟骨、豚角煮)，每碗拉麵已配有一隻流心蛋及紫菜，唔夠食就可以加錢追加配料。除了拉麵，還有多款一品料理選擇，送啤酒一流。我選了一個白河達摩($88)，白河達摩是一個北海道3.6牛乳的拉麵($88)，第一次食牛乳配拉麵，幾特別幾夾，用3.6牛乳用作湯底，令湯底好幼滑好香，配上蟹子及黑松露醬，令湯底的香味更加提升。麵質我選了粗曲麵，因為粗麵係會比較掛湯的。而配料選了比較瘦的豚肩叉燒，岩晒怕肥的女士，再配上一隻流心蛋，好味。老公就選了玄端達摩($82)是一個黑蒜油拉麵，湯底比較濃，好香的蒜香味。配上幼麵，雖然無粗麵般掛湯，但就比較幼滑。配料都一樣揀了豚肩叉燒。老公話食拉麵要配上啤酒，所以就叫了一杯自家製黑啤($68)，他很滿足啊!我就要了白桃梳打，餐廳的梳打全部都係樽裝上的，每樽的包裝都好吸引，特別係招財貓梳打。