麺屋武蔵 (MOKO新世紀廣場) (Closed)

黑武骨豚角煮拉麵($79)黑蒜油幾香了(唔係剩係得個顏色🤣)，唔會過份肥膩; 燒過嘅蔥都好香，有加分；豚角係招牌，好厚身，而且煮得非常淋同入味，醬油味好出，雖然黑蒜油都係屬於濃湯底，都冇蓋過豚角嘅味道；另外，拉麵爽口彈牙👍🏻👍🏻👍🏻赤武骨叉燒煮沾麵 ($79)湯底幾重麻油味，少少辣(唔食得辣嘅朋友都接受到)，店員話如果食得辣，落單嘅時候要講加辣；驚喜地方：叉燒！慢煮叉燒非常柔軟，而且好香，食一啖就開始後悔點解落單嘅時候冇加叉燒🤣🤣；沾麵係呢間店嘅特點，麵條上特製左坑紋，更掛汁芝士年糕($22)味道正正常常，唔太多花考，不過上枱後盡快食，唔係年糕會變硬玉子鰻魚磯邊揚($42)天婦羅紫菜鰻魚蛋卷，甜甜地，好香口，配南瓜&茄子天婦羅，我幾鍾意，值得試試👍🏻👍🏻👍🏻巨峰葡萄椰果特飲($15)蘋果椰果特飲($15)特飲實在太甜，我再加冰都覺得好甜🙈🙈🙈Overall，性價比非常高，食物質素幾好之餘又唔會好貴(lunch set 超級抵食)，以上一個人嘅價錢就係某一啲拉麵店一碗拉麵嘅價錢😝

是日於商場活動, 9點半過後, 商場店舖陸續關上, 又不想走出街頭覓食, 幸而麵屋武藏尚在營業, 即時入內來個宵夜。白武骨叉燒拉麵 $78湯底濃郁, 即使以湯代茶也不覺口渴。拉麵份量充足, 質感中規中矩。半熟玉子軟綿滑溜。叉燒只有薄薄2片, 略嫌不夠。玉子鰻魚磯邊揚 $42玉子鰻魚磯邊揚以手提籃子盛載, 頗具特色。內有3件鰻魚, 1件南瓜和1件茄子。茄子形狀如扇, 沒有過軟, 口感不錯。南瓜質感結實, 充滿南瓜香氣。鰻魚肥美肉厚, 頓時心感滿足。

小弟好耐無去旺角新世紀廣場，講緊都有成年啦今日同女友人無聊行旺角行行下去左嗰度。 嘩呢度真係唔同左好多，到店舖變晒連neway都無埋。 行到攰想揾d野食下。。 但d餐廳閒閒地都要幾百蚊個人跟住咁岩比我地見到呢間麵屋武藏睇睇個餐牌又唔係話好貴，咁我地就二話不說入左去醫肚啦, 我地兩個人分別叫左個蕃茄赤燒豚拖羅拉麵， 一個辣味既赤沾麵， 和風藜麥沙律， 藥膳雞，玉子鰻魚磯邊揚 同兩杯特飲..我想講叫咁多野兩個人都係幾百蚊炸女友好滿意佢個蕃茄湯既燒豚拖羅拉麵，佢話個湯正合佢心水，唔太酸又夠濃,而我個赤沾麵辣得黎夠爽夠惹味.我最後連汁都飲晒.. d小食都不錯的說由其係個玉子鰻魚磯邊揚.. 口感有如鰻魚天婦羅外脆內冧.. 估唔到係新世紀廣場都可以比我揾到間會再encore既餐廳.