炑八韓烤親子餐廳

Open Now

Now Closed

👧🏻😋👅🍽✨新鮮感再現 音樂主題 -🇰🇷 我地同BB最鐘意黎食飯, 除左有得邊食邊玩遊戲室, 食物方面仲成日有新主題餐牌, 今次係音樂主題, 飲品有音符圖樣既曲奇, 連甜品都用音樂盒上!🇰🇷 店員一如以往地好好服務, 會幫手燒肉, 亦好主動地加爐邊蛋, 加前菜同收碟-🔥 燒肉 🥩 💯王者牛肋骨: 一大條骨燒到一半就剪開一塊塊, 再燒到自己鐘意既熟度, 油脂同肉味好平均, 包生菜同泡菜食係一流💯雪花厚切五花肉: 五花夠晒肥, 用板燒香到金黃色, 油香味重但食落都唔會太膩-🧒🏻 兒童餐 🍱 ✨繽紛兔仔造型飯團: 除左飯團仲有煎蛋卷, 炸雞翼, 士多啤梨, 蕃茄仔同西蘭花, 每款食一件都已好滿足! ✨韓國公主烏冬: 用甘筍薄片做公主裙好可愛! 裙下係甜甜既燒汁牛肉同冇小朋友可抵抗既湯烏冬! -🎶 甜品 🍮💯旋律甜品饗宴: 成個音樂盒咁上菜! 裝住五件甜品好滿足! 最愛焦糖布甸好滑, 另外主要都係有果醬夾心慕絲蛋糕, 唔會太甜有多款口味-🎼 飲品 ☕️✨花漾音符焦糖鮮奶特飲✨韻律朱古力狂想曲

之前嚟過一次嘅韓燒親子餐廳，今個月新推出春天期間限定menu有幾款甜品好吸引！就連兒童餐menu都有新款式，似乎每個月嚟都有新嘢👍🏻上次食過✨王者牛肋骨同✨雪花厚切五花肉好好食，所以encore牛肋骨份量大兩個人食夠晒滿足，醬汁偏甜醃得入味五花肉因為好厚切所以要慢慢燒，有店員幫手燒，我哋去咗playhouse玩值得一讚係店員燒得好靚，每件表面金黃色而且唔會太乾兒童餐有靚靚便當✨繽紛兔仔造型飯團，除咗造型可愛，炸雞翼、煎蛋卷同飯團都好啱呀b食✨春天協奏曲全日早餐有勁大條炸魚、紫薯條同芝士火腿三文治，大人細路都會鍾意食✨旋律甜品饗宴以旋轉木馬音樂盒上枱，係打卡之選😆音樂盒係播生日歌，生日嗌呢個啱晒一共有四件mousse蛋糕同日式焦糖布甸，焦糖布甸好好味，其他都唔錯飲品揀咗春天menu✨花漾音符焦糖鮮奶特飲同✨韻律朱古力狂想曲，兩款都好靚好有心思，而且唔會太甜

第一次帶呀B去親子餐廳Playhouse有好多玩具玩仲有波波池 啱晒呀B放電😆食物方面選擇好多，有韓燒、熟食，亦有兒童餐嗌咗韓燒肉✨王者牛肋骨✨同✨雪花五花肉✨有啲擔心唔得閒燒，原來店員會幫手燒，我哋去咗playhouse玩住等食就得😂牛肋骨好濃牛肉味，係我鍾意嘅甜醬油口味，豬五花燒得表面金黃色啱啱好，夾埋生菜食入口唔覺油膩熟食揀咗✨辣炒泡菜豬肉✨、✨韓式烤牛肉✨同✨醬油白切肉生菜包✨，三款都幾好味，當中最鍾意辣炒泡菜豬肉，偏甜辣口味唔會太辣呀B食✨新年公主賀歲蛋包意粉✨，賣相好可愛蛋煎得好靚夠熟啱小朋友食，裡面係茄汁扁意粉，呀B食晒全部意粉😌甜品有✨熱情洋溢的柑橘窩夫伴雪糕✨同✨LOTUS焦糖脆窩夫✨窩夫新鮮整起，外脆內鬆軟帶蛋香，兩款嘅配料都同窩夫好夾新年特飲✨大橘大利柑橘奶昔特飲✨同✨暖意洋洋朱古力✨面頭有塊龍曲奇幾得意，柑橘奶昔比較似沙冰，清新解渴好啱食韓燒飲總括嚟講，食物選擇多質素幾好而且價錢合理。韓式前菜小碟、泡菜同爐邊蛋都係無限追加，性價比高。值得一讚係服務好好，店員主動幫手烤肉同換鐵板。見張枱太多食物唔夠位擺，就另外加張枱仔放，幾貼心👍🏻