西門町台灣麵食 (Closed)

旺角平價台式小店💁‍♀️去到旺角肚餓食呢間就岩哂分量超級大而且價錢都唔貴😋我地叫左一個二人套餐 $248 已經有兩碗飯/麵 三個小食 同兩杯野飲小食可以轉menu上其他野 彈性好高偏食症人士都唔洗擔心😎最後仲送左個甜品 非常抵食👏.🎈北投怪味雞味道有小小似口水雞🤔酸酸辣辣幾開胃！而且一份都好大份啊 好適合大胃王👏.🎈鹽酥雞每一件都超大件😍😍分量又係超級多啊雞件炸得夠脆 肉質唔會太鞋係性價比之選👏.🎈皮蛋蝦米榨菜肉鬆豆腐食左甘多油膩野 又點小得要d清爽小小既涼菜😋豆腐超級嫩滑 加埋肉鬆一齊食幾特別👍.🎈主食我地要左一個擔擔麵 一個肉燥飯係滿滿既一碗啊😍大份到差d食唔哂！擔擔麵既湯底非常濃 好惹味啊😋.🎈總括而言係旺角既小巷裏面真係超多餐廳可以話係臥虎藏龍🤣🤣🤣呢間台灣小店就勝在性價比高每一樣野既分量都超有誠意👏

每次喺旺角諗唔到食乜都會想黎呢度呢度嘅擔擔麵同肉燥飯真係好好味！擔擔麵唔會因花生醬過多而難入口濃稠度剛剛好，微辣加上肉燥，有口感！一點前埋單，有得減5蚊，更抵食！忍唔住又要叫埋小食呢度嘅涼拌苦瓜，又係必食完全無苦味，但就甘甘甜甜令平時唔食苦瓜嘅我，都可以一個人食晒一碟👍👍叫午飯有得優惠價減10蚊我成日都誤會左係10蚊小食😂😂午餐時段，加4蚊可以揀台式特飲叫左杯珍珠奶茶室溫😂😂侍應仲識幫我做個微暖不過上果個杯就搞鬼啲，又無飲管俾我食珍珠😅希望呢度可以一直維持落去保留呢個港式台灣風味Ps 與時並進喎😂

早去到有卡位座... 過左一陣就開始不停咁有客... 好旺場喎~珍珠奶茶實在太耐無係香港飲過珍珠奶茶... 呢間唔會甜到嘔... 奶茶幾好飲... 珍珠都好煙韌~香芋雪香婆仔唔飲香芋野既... 所以無試唔會亂評~香辣牛筋併紅燒牛肉麵圖示係兩隻辣椒仔... 最初食都唔算辣... 但食食下... 就覺得牛筋都幾辣下喎... 牛筋細細舊都有六七舊既... 好淋紅燒牛肉就有三塊左右... 無留意到原來係呢種麵... 婆仔唔愛食呢種麵... 但都盡食唔想咁浪費既...紅燒牛肉擔擔麵婆仔個碗都係紅燒牛肉... 而婆仔麻麻地擔擔麵... 無試唔會亂評~臺式燙青菜份量唔算少幾好味唔算油... 撈埋肉燥食唔錯喎~

本來打算去貓cafe，不過母親節休息，我便提議去西門町吃台灣菜，一來我未試過，而朋友們去過也覺得不錯值得再去，還好午飯時間還有卡位入座。本來打算散點，商量後覺得4位套餐菜式多之餘又經濟，希望不會眼闊肚窄吧。蝦仁玉蘭中卷： 一個凍頭盤，白色外皮似是魷魚，沒有味道，而內裡的菜、蝦仁也是淡味，要靠有少少芥末味似的醬汁來調味，整體味道還可以。北投怪味雞：看到大量蒜蓉、少量辣椒在雞上，味道少少辣帶酸，幾開胃，不過我只吃到小辣，要將蒜蓉撥走，不然會太辣太鹹。腐皮蚵卷：腐皮包得太厚，端上檯看到幾油膩，因為上菜速度很快，所以放了一陣子會變得硬，味道普通。香芒沙律鳳尾蝦：最特別是芒果醬汁，炸蝦點了甜甜酸酸，中和炸物油膩感，味道不俗。香鹵併盤：豆腐好滑好正、鹵水蛋也不錯，至於其他內都少內臟也少食，加上之前吃得太多飽了。台式燙青菜：連菜也有肉燥，是否正宗台式就不得而知了，但有肉燥令清菜變得不單調。最後的肉燥飯，肉燥調味適中，伴飯很美味，雖然之前吃很多很飽，最後還是將整碗吃完。飲品是珍珠奶茶，不算甜但茶味算濃，還有煙韌的珍珠，每次到台灣食店必點。而甜品似是黑芝麻雷沙湯圓，粉皮煙韌、有花生芝麻，內裡是黑芝麻幾香

openrice聞名已久已台式餐廳, 總覺得必要黎試一試~都算易搵, 沿女人街行人路行入去就見我地2點幾去, 等一兩個位就到, 座位係有少少迫, 不過敞算舒服坐低見到menu分飯 & 麵兩行, 我一見到有蟹籽包心丸麵即叫! 男友叫左紅燒牛肉飯...我地仲叫左珍珠奶茶 & 茉香珍珠本來想叫小食, 可惜價錢都真係有d貴, 加上望到隔離檯既份量唔多, 放棄了...先黎兩杯飲品, 男友都話好味, 一試, 咦, ok喎! 無諗到奶茶味咁似台灣個d, 珍珠都好QQ呀...不過就略嫌甜左d...紅燒牛肉飯算細碗, 男仔食一定唔夠 (所以先會放埋小食個list係度...有少少衰既...)不過牛肉份量算多, 而且好稔, 好入味, 又唔算好重味蟹籽包心丸麵好開心有4粒咁多!雖然唔係好大粒, 不過入面既蟹籽真係好好味, 而且都幾彈牙~麵就一般, 無嘜特別...最值得一讚係waiter全部好nice, 有個叔叔仲好搞笑, 我問佢其中一款小食既丸有幾大粒佢笑笑口兩隻手圍個圓圈then好誇張咁講「有咁~~~~~~~~大粒」然後就整左個普通丸size出黎...證明佢地係度做野係覺得舒服, 至少佢地舒服, 招呼客人個

某晚，與眾食友打籃球後，沒有跟大隊去蘋果綠新店，反去了旺角閒逛。鬧市人多車多，運動後的疲累感漸漸浮現，心只想吃個快飯迅速回家，想起了近三百笑臉的西門町台灣麵食，反正從未試過，懶得再考慮，遂甘心在街上當一次「等候的人」。西門町的客人流動性大，約等了十分鐘就能入座，但內裡地方淺窄，更出現茶記「搭檯」情況，環境充滿壓迫感。人累食慾減，與女友二人共享「花蓮鹽水雞餐」 ($46)，再另叫一客雞絲粉皮 ($30) 便成。「花蓮鹽水雞餐」雖是一人份量的，但包括了鹽水雞，台式燙 A 菜，肉燥飯及飲品，頗為豐富。先來的是珍珠奶茶 (套餐加 $2)，份量當然不及鄰近的一眾台式奶茶店多，粉圓也比較少，但味道尚算可以的，亦沒有過甜的情況。名堂響噹噹的花蓮鹽水雞，賣相普通，不知是選用了雞的那個部位，骨多肉少，肉質既不滑溜，味道也未夠鹹，不過爾爾。台式肉燥飯上的肉燥少之有少，完全是「將貨就價」，鹹鹹的肉燥送飯一流，但份量再一次「到喉唔到肺」，實在教人失望。台式燙 A 菜則不過不失，油麥菜不當造，未算爽甜，幸加上肉燥仍是惹味的，只是有點油膩罷了。最後是散叫的雞絲粉皮，粉皮厚度恰到好處，配合雞絲、青瓜絲，以麻醬拌勻後

西門町依間野,排o係旺角區第二位..係旺角女人街咁近..點都要同男友去試一試..去前都上網做過下Research..睇下有咩係值得一試GE..食物雞絲拉皮: 真係好好味..個汁係食過最好食GE!牛筋擔擔麵: 牛筋反而無咩特別.但係個擔擔麵GE花生味都算香濃肉燥炒A菜: 肉燥都幾多.個汁唔錯珍珠奶茶: 珍珠有咬口.但奶茶麻麻地芝麻奶茶: 唔夠芝麻香**食物GE水準係幾高,不過飲品方面可以再改善一下**環境出面等位個度已經好逼.入到去唔係好多位.一張細細ge卡位都要坐四個人,所以都係快快食完快快走

之前去過呢度食ga la, 不過未能比食評佢地因為已經隔左太耐了, 唔記得自己食過咩。食既時候都見佢地都未有咁多食評, 果然進步神速喎..........一間鋪仔細細既食店已經有咁多好評, 真的唔話得, 緊係要自己也來湊熱鬧啦~!拉個friend黎一齊食dinner, 等左3,4張枱, 唔算好耐, 店仔細細不過都算坐得幾舒服架喇~ ~~我點了1個香鹵雞翅擔擔麵, 朋友叫左個牛肉麵, 我地仲加左碟雞絲粉皮, 兩杯凍珍珠奶茶。先黎個珍珠奶茶, 好飲喎, 總之好飲啦, 唔識講。朋友讚個牛肉麵好正, 睇見佢d牛肉真的好大舊woh! 雞絲粉皮超好食, 有花生醬撈落去, 雞絲, 粉皮都好正, 有d黑芝麻, 仲有青瓜絲拌碟, good. (其實我好像未食過雞絲粉皮...... XD )香鹵雞翅擔擔麵 (少SPICY), 雞翅原來係雞亦, 一碗兩隻, 好多鹵肉, 真係好好味, 雞亦唔算大隻, 不過成碗麵食唔晒, 超飽~~~朋友話因為擔擔麵有花生, 會好易飽。叫佢地少D SPICY,, 真的少SPICY, 合乎我既受辣程度, 不俗呢!食物水準好, 難怪咁多生意啦~

當日同0左係舞台劇上認識的嫲嫲出0左旺角食飯, 之前因為同她談及過Happpeace的概念, 而且她表示有興趣, 因此我地就相約在旺角的No. 1<西門町台灣麵食>食晚飯. 1. 雞絲拉皮 ($28) ~ 嫩滑的雞絲+有質感的粉皮配上味道適中的花生醬, 而且是一個凍食的頭盤, 食完之後, 都會令你更加開胃的!!! 2. 腐皮蚵卷 ($32) ~ 個卷皮脆而有咬口, 正正正!!! 不過跟之前0既食家的感覺一樣, 就係會比較熱氣. 卷中的蚵仔大小適中, 且沒有腥味, 仲有個醬甜甜辣辣, 好惹味的, 因此係必試之選!!! 3. 臺灣花枝丸擔擔麵 ($34) ~ 其實個麵真的不錯, 至於花枝丸及湯底我就麻麻地. 4. 金香奶茶 ($18) + 珍珠及胚芽 (各$2) ~ 因為跟餐的關係, 所以可以減$10. 珍珠奶茶來講, 其實味道都有一定的水準, 珍珠有咬口, 加上近排必加的胚芽也沒有令我失望, 值得一試!!!P.s. 依家用0既手機, 影相0既質素都唔係咁好, 睇0黎都要想一想辦法先!!! 整體評價：環境較迫, 但質素不錯!!!

八月十七日(星期日)同好友睇完早場過泥食lunch,太好,唔使等位仲有卡位坐我地點左兩個set share,各自配飲珍珠奶茶>>廟口魯肉飯($29)+酸辣粉皮($17)果然魯肉跟糭的味道相近,無想像中的好;粉皮爽口且滑溜,開胃也>>肉臊豆腐飯($29)+脆樂雞塊($18)肉臊味道算香濃,比魯肉較討好;豆腐夠厚實雞塊點甜酸醬食,味道尚可>>珍珠奶茶(+$4)我個人覺得略甜,但奶茶味不減,珍珠亦有口感好好咬p.s.13:00前結賬lunsh set減$2,如配搭小食每款減$10