渝味曉宇重慶老火鍋 (太子集團中心) (Closed)

午市火鍋免鍋底，上來吃個火鍋也不過份。最近意識到健康的重要性，先來三份蔬菜，唐生菜及皇帝菜分別$32，都夠新鮮好吃。竹笙（$59）吸收了蕃茄湯的精華，非常鮮甜。現炸豆皮（$59）我也是比較喜歡放蕃茄湯底，非常有咬口又吸收湯的精華。特色迷你燕餃（$62）惹味又口感好，麻辣火鍋一流。鮮活海蟶（$78）夠新鮮輕甜，一般很快就打開了。珊瑚蚌（$129）足料新鮮又好吃，我很欣賞。牛心椗（$59）也保持了一貫的水準，出色！這裏的環境真的很好呢！

渝味曉宇係一間由國內開過黎嘅連鎖重慶火鍋店，香港人鍾意打邊爐，喺香港主打重慶火鍋嘅食店唔算少，不過好多時哩類重慶火鍋店都為左迎合香港人口味保留返少量香港人成日食嘅火鍋料，所以當我睇倒渝味曉宇個menu竟然冇香港人必點嘅炸魚皮、炸響鈴同出前一丁都感到有啲意外，不過咁樣唔代表食店火鍋料選擇少，反而係佢地嘅食材真係似返地道嘅重慶火鍋，雖然對香港人黎講可能會有啲唔慣，不過個人覺得係個唔錯嘅體驗。渝味曉宇店面幾大，我最鍾意佢嗰排窗口位。因為見佢午市鍋底免費，加上食到飽都仲有大把時間消化，所以就揀左假日黎個打邊爐做午餐。一座低仲睇緊點咩食，侍應先黎每人一碗糖水(免費)暖下胃，可以邊食邊慢慢睇。番茄配大骨滋補鍋哩度嘅湯底選擇雖然唔算多，不過最正係湯底係斷位計，每位$38，就算人少都唔怕要share個貴湯底。因為朋友唔係好接受倒麻辣，所以我地就揀左唔辣嘅番茄湯同大骨滋補湯。番茄湯底入面有番茄同金菇，番茄酸味好出，好好味。大骨滋補鍋入面有粟米、紅棗同豬骨，味道較似味精湯，冇番茄湯咁好飲。茶芥$20/位，留意哩度嘅醬料唔多，只有豉油、醋、蒜蓉、蔥花同麻油，係冇辣椒嘅，如果真係想食辣嘅，就一定要點麻辣湯底。

同非常鍾意食辣嘅朋友食團年飯，朋友話帶我去食舌尖上的重慶火鍋，雖然我唔好食辣，既然朋友介紹到就一於去試下。餐廳唔算大但勝在座位夠闊落，兩個人都安排咗卡位，坐得舒適。入座即送上雪耳紅棗糖水滋潤一下。點咗雙拼鴛鴦鍋，山珍菌湯鍋湯底清菇味濃，鮮菇份量多。普通辣大紅鍋，花椒八角味濃，辣油香不算太辣。美國安格斯肥牛牛味濃，肉質嫩滑。凍豆腐豆味香濃，蜂巢效果出色，吸盡湯嘅精華。牛丸有陳皮味、墨魚丸有墨魚粒夠鮮甜、蝦丸彈牙，但份量少。鵝腸爽脆有油香味但唔夠肥。白鱔片肉質爽脆，但份量少。現炸豆皮炸得香脆，質地唔似魚皮及響鈴般一浸湯就淋，既吸有湯嘅精華又有脆嘅口感，值得一試。紅糖糍粑外脆内軟，口感輕韌，甜味適中，黑白芝麻香口。

有番梘店推出回收月餅盒換洗面皂，加上廣東道有大品牌開倉，所以順道在這區午餐。　看到這家熟悉的名字，是那有名的重慶火鍋。在清邁食了數天火辣辣的泰北美食，現在又想食辣了！幸好小米記得這家紅色火鍋店！來到火鍋店，才知道推出午市火鍋優惠：每位免38鍋底，抵左！　下單後，小米竟然自動穿上圍裙。看來小米記憶力很強呢！　看到這個維港景觀，小米就問IFC & 天星碼頭在何方。不就是在那個摩天輪附近。　紅白的銅盤鍋底先到，再慢慢等其他食材呈上。自己先調校醬料：醋＋芝麻油＋蒜＋蔥花！  麻辣牛肉　早已經提醒小米，麻辣＝好辣。小米卻堅持點這款牛肉！灼熟後，小米覺得好辣，要馬上飲雪耳糖水來解辣。　既然是小米點的，就交由小米一人負責 : 食曬佢。牛心椗　　本身是没有味道，表面平滑難以掛汁，所以放在紅湯裡。　重慶炸酥肉　外脆內軟炸酥肉，可即食，也可用作火鍋。肉條伴有粒粒花椒，但花椒味道不大明顯！ 大刀牛肝　　本身很喜歡肝臟的食物，無奈近期生豬供應有限，豬膶也受影響。而看到餐牌的牛肝，馬上雙眼發光了！　牛肝，我來也。　切成一大片。難怪叫做＜大刀牛肝＞。　把大大塊牛肝跟蛋黃拌勻，然後調至細火，以慢煮來浸熟牛肝。　浸熟

我同朋友最鍾意就係食麻辣嘢，所有嘅麻辣嘢我哋都好鍾意食。咁啱我哋有幾個人喺度，於是就上網搵到依間重慶火鍋，見到佢有幾間分店，之前仲喺內地火紅嘅電視節目「舌尖上的中國」揀咗依一間做重慶火鍋嘅代表，我哋都十分期待。 佢都係用單點嘅方式叫食物，每樣食物都有分大、小兩種份量。喺未叫食物之前，店員先送上一碗紅棗雪耳冰花糖水，除咗可以清潤喉嚨之外，仲可以為接落嚟嘅麻辣火鍋打底。我地點左全店最出名嘅九宮格麻辣大紅鍋，$38/位，見到啲辣椒就知道幾惹味啦！其實九架都係同一個辣度，不過因為每樣食物煮熟嘅時間都唔同，所以九格可以方便客人擺放唔同嘅食物。我哋叫咗孝禹十味，包括稻田毛肚（水牛嘅胃）、嫩牛肉、極品鵝腸、重慶耗兒魚、現炸豆皮等等呢度有生蒜、麻油、蔥花、芫荽俾我哋自己混埋一齊，再配埋唔同嘅食材，更加惹味。紅糖滋粑佢嘅外層炸到金黃色， 再係上面淋上紅糖，咬落去好煙軔，唔會太乾，有少少甜味好好食。毛肚、鵝腸稻田毛肚同埋鵝腸好爽口，口感相當唔錯，再吸收埋麻辣湯底嘅味道更加惹味。肥牛嘅肉質鮮嫩，咬落去好甘香，唔會太軔。特別推介依度嘅萵筍片，佢嘅賣相已經值10分，捲到好似一朵花咁。唔使淥好耐就已經可以食，相當

此乃久仰大名的麻辣火鍋，一直都好想去試，因為一直都只係獨愛老鍋，但呢間聽好多人講好好食，咪試下囉～麻辣都係我最愛！先來前菜紅棗冰糖雪耳糖水，好清甜好好味，但我真係唔知點解要食正餐之前就係甜品哈哈～仲有就係糍粑，好似日式年糕咁，甜甜地好好味呀！（不過好似食完呢個會飽左哈哈）呢個鍋同台式真係好唔同，我地叫左鴛鴦鍋，係麻辣的大銅上面有個大骨湯，等你辣到快飛起的時候可姒過下冷河～成件事個辣真係好重慶好內地既食法，因為好多內臟食，首先係招牌菜牛骨髓、王牌牛肝、我最愛的豬紅，就連唔係好多地方有得食既豬天梯都有得食，同行朋友真係好中意食豬天梯，成碟食晒～好中意個苕粉，感覺就係薯粉，放落麻辣湯入面，好吸湯好入味呀，我食到停唔到口～不過食完真係有點油。我地仲有叫耗兒魚、炸豆皮、墨魚滑、秋葵、鮮菇等，全部都話咁快清晒，證明個湯底有幾惹味！肥牛好靚～好柔軟而且加埋店家秘製麻油，真係好好味！店員好熱心咁推介個甜品南瓜餅，中間有一點點豆沙，食落好似豆沙鍋餅，炸到好香口，成完咁重口味既野有啲甜野中和下個口都係好事。