人人和平小飯店 (Renamed) View

每款食物都好好味，雖然住得比較遠，但隔一排都會再來。叉燒店舖用上高質的豬肉來製作叉燒，令叉燒肉質口感一流，叉燒邊燒到有燶邊，同時肉質又夠淋，一點也不韌。味道香口惹味。琵琶豆腐食落味道口感及味道都好有層次，感覺材料很多。鳯梨咕嚕肉每次必點的小菜！咕嚕肉做到有點拔絲的效果，加上新鮮菠蘿，好好味。花膠雲吞雞湯的味道很濃很香，食落感覺應該沒有任何味精，飲完很舒服。花膠、雲吞及雞的份量都唔少，好抵吃，性價比高。

之前一直只幫趁外賣,最愛雲吞雞湯, 從未飲過如此鮮甜的雞湯, 鮮蝦雲吞好味. 惟現在已沒有了. 今日特地約朋友惠顧堂食。先預留羊肉煲套餐,包括羊肉煲,糯米飯和瘦叉燒.  掛住食, 最後忘了為羊肉煲拍照留念😅😅😅😅😅. 其羊肉大件軟淋,除附送生菜和麵(幼身米線)外, 配料豐富,包括有馬蹄,冬菇,冬筍, 炆得入味, 吃得出用心製作, 十分推介.  相信羊腩煲更正👍有機會必試. 星期日中午12時,居然要等位. 幸好較早前已訂位(訂位要求每名客人最低消費$150). 飯店燒味出名, 眼見檯檯都點燒味😋😋😋😋😋朋友怕肥叉燒肥,我因個人喜好則至愛肥叉燒 (愈肥愈愛), 滿以為瘦叉燒會較硬,原來不! 非常香口,一點也不硬, 十分推薦,一定要再吃!糯米飯吃時絕不肥膩, 不錯不錯. 看見左鄰右里均叫干炒牛河. 也叫一碟, 朋友讚唔錯. 因我不吃牛, 沒能吃.至於琵琶豆腐, 不過不失. 備註: 我另一名好友推介黑松露雞超正, 下次必試!

同屋企人兩個人食，分別嗌咗晚市套餐嘅燒味雙拼、琵琶豆腐、皮蛋一客。服務唔錯，佢啖茶值得一讚，唔係普通嘅普洱茶佢係帶啲陳皮味，我覺得比起一般小菜餐館呢一點解係優勝嘅。先講燒味雙拼飯，燒肉拼燒鵝。聽屋企人講佢嘅燒鵝出名，但係有對比之後覺得燒肉反而更加出色，超級脆皮唔會話太多肥膏而油膩，咬落去肉係鬆軟唔會實的的。 燒鵝正常，睇你要同咩舖頭比，個同好出名嘅燒鵝店比可能佢冇咁出色，但依然做到皮脆有鵝香。琵琶豆腐，原本見到menu上面寫要預訂，所以本身想叫鵝汁浸鵝肝，但係平日嘅晚上反而佢冇，一問之下發現原來今晚會做琵琶豆腐當然要試一試。外皮炸得香口，但係裏面依然嫩滑，個汁的調味亦好好，送飯好。皮蛋裏面有啲流心，本身我唔係特別好皮蛋，至少我放落口佢冇嗰陣可怕嘅石油味。據屋企人話皮蛋都唔錯。呢間餐廳我會encore, 會同屋企人去試午市同晚飯，因為其他嘅小菜同埋佢砂鍋飯我都有興趣。