Read full review
2023-09-19
4645 views
📍地址: 大圍積福街92號地舖✿😋味道😋:4/5✿🏙️環境🏙️:3/5✿🤵🏻服務🤵🏻♂️:4/5✿👀賣相👀:4/5✿💰價位💰:4/5↠⏰時段: Dinner 20:15 ↞ ✦✧ 第二次幫襯呢間大圍小館,根據上次食頭輪6點鐘嘅總結,覺得服務質素麻麻,食物質素中上,招牌勾魂叉燒的確係好食,其他菜式係普普通通……✧✦ 所以決定比多次機會呢間米芝蓮必比登推介嘅「大圍小館」,而今次就食八點三呢個時段,雖然都依然喺滿座,而且枱同枱之間都喺咁迫,但今次嘅服務態度的確好過上次,而且叫返啲比較出色嘅嘢食,的確對呢間餐廳改觀。—————————————————————🔥🥓❝勾魂叉(5件) (只限晚市)❞ $188☞ 呢碟勾魂叉必叫,第二次食都去依然保持到嘅水準,不愧係米芝蓮推介,佢用咗梅頭肉,加上麥芽糖烤製,所以佢嘅肉肥瘦均勻,而且每一舊都係厚切,而佢上枱嘅時候,會搽埋15年嘅新會陳皮整嘅陳皮南乳百花蜜醬,加上即場用火槍燒一燒,會有烤焦嘅效果,食落會好軟腍,加埋外表有香脆嘅感覺,又唔會好膩,食嘅時候加埋佢嘅脆米,令到口感更加豐富有層次,而且香氣都好夠,仲有少少溶化嘅感覺。——————————————————
✿😋味道😋:4/5
✿🏙️環境🏙️:3/5
✿🤵🏻服務🤵🏻♂️:4/5
✿👀賣相👀:4/5
✿💰價位💰:4/5
↠⏰時段: Dinner 20:15 ↞
✦✧ 第二次幫襯呢間大圍小館,根據上次食頭輪6點鐘嘅總結,覺得服務質素麻麻,食物質素中上,招牌勾魂叉燒的確係好食,其他菜式係普普通通……
✧✦ 所以決定比多次機會呢間米芝蓮必比登推介嘅「大圍小館」,而今次就食八點三呢個時段,雖然都依然喺滿座,而且枱同枱之間都喺咁迫,但今次嘅服務態度的確好過上次,而且叫返啲比較出色嘅嘢食,的確對呢間餐廳改觀。
—————————————————————
🔥🥓❝勾魂叉(5件) (只限晚市)❞ $188
☞ 呢碟勾魂叉必叫,第二次食都去依然保持到嘅水準,不愧係米芝蓮推介,佢用咗梅頭肉,加上麥芽糖烤製,所以佢嘅肉肥瘦均勻,而且每一舊都係厚切,而佢上枱嘅時候,會搽埋15年嘅新會陳皮整嘅陳皮南乳百花蜜醬,加上即場用火槍燒一燒,會有烤焦嘅效果,食落會好軟腍,加埋外表有香脆嘅感覺,又唔會好膩,食嘅時候加埋佢嘅脆米,令到口感更加豐富有層次,而且香氣都好夠,仲有少少溶化嘅感覺。
勾魂叉(5件)
$188
108 views
1 likes
0 comments
—————————————————————
🦆❝琵琶鵝(一隻)❞ $880
☞ 呢個琵琶鵝都係佢嘅招牌菜,要五日前預訂,聽聞喺接近失傳嘅古早燒味,而『琵琶鵝』因為個形狀似琵琶,所以叫琵琶鵝;佢地嘅做法都幾考功夫,所以先燒得出最理想嘅效果,由於難度高,製作繁複,所以極少餐廳肯做;而『琵琶鵝』皮脆肉嫩,同普通『脆皮燒鵝』會唔同;上枱嘅時候會原隻上,影完相佢會幫你切好。
琵琶鵝
$880
138 views
0 likes
0 comments
—————————————————————
🦐🥬❝蝦醬生啫唐生菜煲❞ $138
☞ 呢個啫啫菜煲一上枱果陣已經有好香嘅蝦醬味,而唐生菜配埋蝦醬嘅咸鮮味真喺好夾,呢而食得出有鑊氣,而且好爽口,食落又唔會太鹹,呢個都真係好出色。
蝦醬生啫唐生菜煲
$138
74 views
0 likes
0 comments
—————————————————————
🫚🌱🦪❝薑蔥炸生蠔 ❞ $258
☞ 呢個薑蔥生蠔出面層炸粉唔會好厚,蠔嘅裙邊小小脆,吸咗薑蔥嘅味,味道算幾濃郁。
薑蔥炸生蠔
$258
72 views
0 likes
0 comments
—————————————————————
🦀🥕🥧❝千煸黑胡椒蘿蔔糕蟹❞ $438
☞ 毛蟹炒年糕喺著名嘅上海菜,加埋自家製蘿蔔糕,以蘿蔔糕取代年糕,變咗有少少fusion嘅感覺,但係又真係幾夾,而且將啲蘿蔔糕炒埋一齊,蘿蔔糕都有一啲蟹嘅香味,而且每一面都有啲香口,做到外脆內軟,粒粒都均勻;而蟹就唔算係好多肉果種,不過就有蟹嘅鮮味。
千煸黑胡椒蘿蔔糕蟹
$438
68 views
0 likes
0 comments
—————————————————————
🍝❝蝦籽豉油壬炒麵❞ $128
☞ 豉油王炒麵個麵底好爽口,食落夠熱又夠香,而且佢嘅汁料都炒得均勻。
蝦籽豉油壬炒麵
$128
52 views
0 likes
0 comments
—————————————————————
⚫️❝特濃芝麻卷❞ $48
☞ 呢個芝麻卷幾出色,晚市都估唔到佢會有,食落煙韌彈牙,不過略嫌無雜芝麻粒喺入面,但佢嘅芝麻味都幾濃郁,而且層次分明。
特濃芝麻卷
$48
65 views
0 likes
0 comments
—————————————————————
🟡❝冰花蛋球(沙翁)❞ $58
☞ 據聞冰花蛋球喺百幾年前已經有,喺廣東一帶嘅手工甜品,而冰花蛋球嘅用料簡單,但喺工序繁複,而且花時間同埋工夫;食落酥香鬆化,層次都分明,加埋沙糖都香甜,而蛋味都濃郁。
冰花蛋球
$58
58 views
0 likes
0 comments
—————————————————————
🥚🥣❝腐竹蛋薏米糖水❞
☞ 呢個糖水喺餐廳附送嘅,食落都清香嫩滑,腐竹好滑而且唔會散晒。
腐竹蛋薏米糖水
37 views
0 likes
0 comments
Post