大圍小館

Open Now

Now Closed

終於都食到大圍小館原來網上訂位都唔係太難尚算輕鬆咁訂到午餐不過就得返1:30好過喺嗰度等位地方唔大，位置唔多，我去左2次，基本上眼見係冇機會Walk in而且嗰個位好熱，喺嗰度等位都好辛苦如果唔係食尾場，都好準時要你走第一叉人人必食既名物，＄188 得幾舊叉燒， 食之前仲覺得有啲貴但其實一嚿超大嚿食咗兩次肥瘦有啲不一但就算佢係瘦叉燒，都係好腍（唔係梅）我都係鍾意食呢啲梅頭叉燒，多個嗰啲咩黑叉燒，嗰啲根本就係燒五花肉邊邊有焦脆，好甜， 每人一兩舊就到頂蒜香九肚魚 ＄188九肚魚好大條， 炸得好好， 超酥脆， 但油膩， 炸粉一啲都唔厚超薄， 調味唔算多，唔會好鹹蛋黃千層糕 小點以為係煙韌韌嘅糕點， 原來個味係蛋黃包入邊嘅味， 好似鹹蛋黃蛋糕， 好食！除咗以上三樣之外，其他嘢覺得正常發揮，不過不失，不過價錢都合理，普通酒樓價灌湯餃＄68價錢都合理，呢一句唔包括灌湯餃呢個好似都係出名嘅嘢可能係出名在於手工？？？我就覺得冇乜特別， 就係一個放大咗嘅灌湯餃…… 但呢個價錢嘅兩三啖就冇咗避風塘蘿蔔糕、 大口金磚＄68兩款都係蘿蔔糕嚟呢度嘅蘿蔔糕切得好大粒大口金磚好好好好好好厚粉， 外層再包咗鹹蛋黃碎

聽講好出名，所以入嚟試吓。望落個點心紙，好多嘢都幾吸引。款式唔算多，斷估係每樣都會做得好精。遞咗張點心紙俾職員之後，三個字之後先入機比單我哋，咁我當佢好多人好忙啦，我哋都唔趕時間。1. 鴛鴦臘腸卷：普，冇乜特別，純粹冇食過，所以叫嚟試吓。同大家樂大快活啲臘腸差唔多，但係佢收我$53，大跌眼鏡。2. 奶皇包：味道正常，口感一般。包皮來略嫌厚，第一啖以為自己食緊饅頭，有成寸都係包，唐記個包都好食過佢。個餡有啲沙沙地，都叫做識流心。蛋黃味唔重，奶味都唔岀，唔會大家搶戲，因為都唔香。3. 金沙豆腐：渣。你炸到皮肉分離俾我，個皮咁厚都包唔實個豆腐，咁你想點？仲要冇鹹蛋黃味。墊底成啖油，都唔知係你揸得唔夠乾爽，定係咩。4. 千層糕：普，個樣黃色白色咁係幾吸引，但食落去就完全唔係嗰回事。都係嗰個問題，鹹蛋黃冇鹹蛋黃味，我當你係糕點想整甜啲啦，但係又唔甜喎，一咬落去碎開晒。中間仲有紅豆綠豆，我個人係幾唔鍾意，影響口感，又唔係特別有味，有1秒以為係老鼠屎。5. 蝦餃：正常，係佢最正常嗰樣嘢。6.辣椒又幾好。

咕嚕肉：呢個係媽咪最鍾意食嘅菜式，我哋覺得佢淨係上都幾好食，因為佢嘅炸粉唔會太厚，而且採用嘅豬肉都應該幾新鮮下，因為咬落去我哋都覺得非常鬆軟，再加埋餐廳自己條配嘅咕嚕肉醬汁，成個我哋都覺得非常開胃，而且味道幾好，可惜份量就唔係太大！蟹肉荷葉飯，用咗原隻嘅本地蟹！我哋都忍唔住即刻攞電話出嚟打卡，而且隻蟹真係非常新鮮佢嘅蟹肉非常鮮甜！鍾意食蟹嘅朋友唔可以錯過，可以返吸收咗呢一隻蟹嘅鮮味，令到佢更加有一種特別嘅味道芝麻卷，都係屋企人最愛，呢個好少喺出邊食到啦而家餐廳係自家製嘅芝麻卷充滿黑芝麻嘅香味，鍾意食嘅朋友都可以試吓

要做一個月book嘅大圍小館，期待咗一個月，終於嚟到大圍小館。見到入邊嘅裝修非常之有特色。每個人坐嘅空間都好好，坐得好舒服，唔會覺得好迫。我哋點咗最出名嘅叉燒，同埋其他一啲特色點心。最後同埋叫咗一個沙翁。叉燒非常之好食，雖然唔係入口即溶，但係都好腍，唔會黐牙。最後見到每台都會叫莎翁嚟食，我都忍唔住叫咗嚟食，食唔晒仲可以打包添。食完呢餐之後我都好想約埋屋企人過嚟食，但係要約好耐我諗都要啲時間計劃一下。

今日嚟到所謂米芝蓮推介嘅大圍小廚, 絕無諗過畀一般嘅廣東小菜店差得肯。絕對喺任何一間酒家食到的畀佢還好！先講個湯, 老雞燉羊肚菌, 其實都唔係特別鮮味。胡椒蘿蔔糕炒蟹, 個蟹蓋刮到乾乾淨淨,未試過食蟹一啲蟹膏都冇, 個蟹蓋只係做裝飾, 蘿蔔糕佔全碟份量三分二。啫啫芥蘭根本味炒熟, 硬到爭啲咬唔開！ 薯仔和牛, 一上枱我個仔仲問係唔係打仗, 細碟得可憐！不過最過份都係個吊桶, 又乾又韌, 食唔到唔想嘥, 但係真係冇辦法比自己帶返屋企！除咗食物之外,服務態度極差！ 茶壺茶葉得少少, 根本唔夠茶味！ 啲嘢未食曬就同你收！啲餸嚟齊食到一半, 就話同你包起, 簡直喺度趕客！再講, 地方狹小, 環境喧嘩, 空氣混濁,當兩三枱客都係嗌啫啫煲時, 煙燻到每一個人身都係油煙味, 十分討厭！價錢貴、食品差、服務劣, 只可說可一不可再, 唔會再有下次！

大圍小館的點心是精心炮製的，絕不馬虎，遠超一般酒樓的水準。每次經過門外，都能看到很多人排隊，這也是人氣的一個證明。其實是可以預先預約的。「天下第一叉」塗上麥芽糖，用火槍燒焦一點，吃起來非常Juicy。灌湯餃的尺寸簡直驚人，大過我一隻手掌，裡面充滿了八、九隻鮮蝦。這麼大份量，我只能和家人分享，才能K.O.一隻。個人最喜歡的宮廷荷花酥，雖然我平時不太喜歡煎炸食物，但新鮮出爐的它，加上外觀美觀，讓我忍不住破戒一口。眼淚奶黃包顧名思義，是流沙的奶皇包，味道非常美味，不過甜度適中，還帶有一點鹹香，讓人回味無窮。這裡的傳統及懷舊點心，明顯可以看出老闆和廚師在菜單設計上非常用心，讓人真的大愛。

大圍小館位於大圍站B出口步行三分鐘便到達第一叉（六件）🍽️招牌菜的叉燒, 名副其實每件梅頭叉燒肥瘦均稱，肉質細嫩待應會在上枱後先掃一層鳳梨醬在叉燒表面然後用火槍再炙燒一次 令叉燒的味道更焦香暖暖的燶邊軟厚叉燒味濃惹味大大啖放入口，非常有滿足感灌湯餃 🍽️這裏是用古法做傳統灌湯餃的上湯和饀料都藏在薄薄的餃皮內外型超級大隻熱辣辣咬開一小口湯汁已經四溢，又鮮又甜再加上有蝦、豬肉花菇、火腿瑤柱等做餡料囗感豐富，非常滋味香茜牛肉腸🍽️腸粉又薄又滑牛肉餡鮮嫩滑口花菇吊魷鮮肉燒賣🍽️原粒冬菇和鮮魷分別放在燒賣上面皮薄餡靚肉質新鮮茶香鮮筍蝦餃🍽️蝦餃皮晶瑩剔透粉粉嫩嫩的蝦球若隱若現外型飽滿蝦餃皮煙煙韌韌配搭上蝦肉的彈牙爽甜味道鮮美爽滑，美味可口

大圍小館真係聽得多，但係真係真係好難book今次我哋book咗食八點先食到一嚟咩都唔好諗，點都要嗌佢個叉燒🥢第一叉一上枱已經feel到佢啲叉燒好腍然後佢會即場用火槍幫你燒到佢外面焦一啲加埋好多蜜糖🍯外脆內軟 又熱辣辣真係超好食一定一定要嗌！🥢煎鹹魚蓮藕肉餅呢個又係好出色因為佢外面真係煎到好脆 入面有蓮藕嘅爽 但係又有肉嘅Juicy送飯一流👍🏻🥢翠塘豆腐本人見識少 其實我未食過翠塘豆腐🤣本身以為佢係炆豆腐點知係呢一款類似蒸豆腐嘅模式不過都幾好食 又係送飯一流🤭我哋仲嗌咗個粟米魚肚羹放上枱嘅時候都真係幾大碟🤣我哋三個人每人起碼都要飲兩碗但都好似仲有剩🤭

真實自費食評今次係第二次食大圍呢間分店，而元朗分店都食過兩次，但大圍分店質素好似真係有啲下滑。今次係訂到8:15pm既時段，店員都知道天氣比較熱，喺8:00pm就已經可以俾客人入去涼下冷氣，至少老人家唔洗好熱咁喺門口等。店員都好好咁問飲咩茶，亦都會問你有啲菜得返一個限額問你要唔要，但因為唔適合所以無要到，但因為知道啲菜式賣哂就可能無，所以落一兩樣先，但呢到啲店員有啲係你未講完佢就轉身走左，所以會諗究竟佢有無同你落到單。呢樣希望佢地可以改進下。今次都叫左唔少菜式，因為多人食可以試多啲。第一叉 $188之前食既時候係叫勾魂叉，底鋪左脆米，又會喺面上搽菠蘿醬再用火鎗喺面到燒一燒。但依家只係好普通咁上菜，但就可能少左佢地想推薦呢個喺屬於佢地signature既賣點。叉燒係好厚切既，雖然舊數比較少，但其實覺得厚再切半都好夠食，都係肥叉既質素，所以好適合食肥叉既人試呢個菜。一口金磚 $78以為個名係豆腐，但食落原來係蘿蔔糕，都幾有驚喜嘅係因為佢個外皮係用鹹蛋黃去炸，所以食落好香口，呢個菜式都好飽肚。鮮山葵海蜇頭 $128因為好鍾意食海蜇頭既關係，呢個菜係我每次黎都必點既，而且配山葵少少辣辣地係一個

這間粵菜餐廳就是做街坊生意做到有米芝蓮加持的, 另一個神奇故事, 現在故事繼續之餘, 也在元朗開了分店, 所以大圍小館不再只在大圍, 而是跳進新界這更大的舞台, 不過希望它能保持服務街坊的初心, 不會像工廠搬流水作業地烹調, 也不會將餐廳賣出去, 畢竟原本的團隊就是最有初心的. 說到最出名的, 就是第一叉, 我最喜歡的第一刀叉燒是南華會來的甘棠, 那一種脂厚肉嫩的邪惡, 就算是星級酒店粵菜餐廳也做不來. 所謂的第一叉, 又或者是第一刀, 就是劏豬的第一刀肉, 是梅頭肉的精華, 帶筋而口感腍中帶爽, 這裏的沒有留有脂肪位, 看起來不是那麼嫩, 但吃起來就是完美第一刀的口感, 肉汁澎湃, 而且醬料的鹹甜美甜得剛剛好, 燶邊脆帶焦香, 不算便宜, 但絕對物超所值.傳統手工小菜也有心思, 像是蘿蔔糕炒蟹, 不是用XO醬, 而是用本土余均益辣椒醬炒起來, 鮮紅顏色之餘, 蘿蔔糕配上辣醬更爽之餘, 也不會因為XO醬而破壞蟹肉本身的鮮味, 大肉蟹配上蘿蔔糕, 就算蟹膏不多, 也夠直接夠爽. 沙薑雞的調配同樣出色, 不會吃起來有一啖沙薑一塊肉的核突, 沙薑完全調入雞肉和雞皮中, 比一般的入味. 大大個

訂咗位，星期六 十二點到，我哋一行 八個人(七個大人一個小朋友)，佢畀咗餐廳最入間房內嘅大枱畀我哋，坐得舒服，同埋房入面有兩部大電視睇吓， 房內相對上冇外面咁嘈吵。食肆裝修乾淨企理，侍應生服務ok， 會主動問你使唔使影相，然後才會用較剪幫你剪開啲麵食 或者大件嘅食物， 仲會數埋人頭幫你 剪啱啱好嘅數量， 細心!👍 同埋佢唔會用同一把較剪完一碟餸菜，再剪另一碟，亦冇外間傳言話寸嘴，只係其中一個阿姐比較勞嘈(不過佢係抱怨其他侍應生冇嚟幫佢手執抬)。我哋點咗 14碟點心 同埋兩個炒麵飯 (羅漢齋炒炒麵$88，大澳蝦醬炒飯$88)， 點心當中沙翁同埋流心煎糯米雞最有驚喜😍😍😍， 沙翁好大size，外脆內軟，甜甜地，值得推介，小朋友好歡喜。其他點心水準不過不失， 腸粉個皮夠薄&滑🤩， 豬筋撈粗麵都唔錯，個汁係沙爹 好惹味， 酥炸魷魚鬚就普通咗啲🤫，炸粉又唔夠香脆😑，又唔多均勻，唔值$68😒。另外，我哋由十二點食到大約一點半， 服務員大約未夠一點已經問我哋啲食物齊未，然後就遞上賬單叫我哋check，跟住就收錢，其實book位顯示12:00-1:30pm，我哋未夠一點半就走人，行到出房，見有4成嘅枱

大圍小館係大圍積福街嘅一間人氣中菜館，早已聽聞佢哋嘅招牌菜「第一叉」叉燒勁出名，終於有機會親身嚟試吓。餐廳裝修古色古香，有一種懷舊嘅感覺，雖然地方唔大，但坐得幾舒服，服務人員態度親切，感覺好好。首先講下佢哋嘅招牌「第一叉」叉燒，其實一開始覺得有啲貴，但食落真係值回票價！叉燒每塊都好大塊，肥瘦比例剛好，肉質超腍滑，加上邊邊有焦脆嘅口感，真係令人一試難忘。即使係平時唔鍾意食肥叉燒嘅我都俾佢哋呢個叉燒徹底征服。另一道推薦菜式係「蒜香九肚魚」。九肚魚炸得好香脆，外層薄薄嘅炸粉唔會太厚，咬落去唔會覺得油膩，魚肉鮮嫩，配搭蒜香調味，真係一流。不過，因為油炸嘅關係，食多咗會有啲膩。總結嚟講，大圍小館無論係食物質素定環境都俾我留下好好嘅印象。價錢合理，份量足，難怪咁多人推介。下次一定會再嚟試其他菜式！

今晚一行7人 安排左房間入面既一席預先早幾日預訂既菜式8寶鴨 手工菜入面好多材料 口感味道豐富 鴨起左骨 食落無肥膩感 可以一試 屋企人都讚唔係度度有得食第一刀叉燒肉質好淋 好厚肉 雖然得5塊但塊塊都好厚身食食下 有d似煲湯肉😂鍾意食淋叉 又唔多肥膏 可以試下鹿筋鵝掌 特式菜 都要訂味道 略濃味撈飯都合適 單食略咸蜜糖薯仔和牛粒呢個 好好食 d牛好軟熟連薯仔都好香 出色啫啫芥蘭蝦干煲不過不失一口金磚本身睇名 以為豆腐原來係羅白糕有驚喜～外脆內軟～要試～蝦子炒麵 食落爽口 少少咸香 唔錯馳名大沙翁 不過不失最後仲有 白果腐竹糖水 好味😋最後打呢篇食評既原因主要係稱讚呢度員工有個叔叔 同 靚姐 服務好好 好細心仲仔細介紹左d菜式 又會去了解客人口味中菜黎講 暫時食過 服務係無得彈靚姐仲幫我地映相 又祝福我地壽星女多謝曬 係一晚好好既晚餐～食到好食既菜式 之外仲有服務～畢竟香港呢個地方 有 用心既服務唔容易～多謝你地～

朋友快將離港 當然要把握時間食中菜 最後決定了試這間長期人氣店 #大圍小館 享用晚餐。這家餐廳以難預約聞名 朋友費了一番功夫才訂到位子 但後來才知道 原來現在已經可以通過網上預約 這一點確實方便了不少有些指定菜式要較早前預訂先有得食 我們最後點了勾魂叉 $188: 叉燒是這裡的signature dish 每塊肉都切得很厚實 口感也不錯 肉質鮮嫩多汁 但沒有人在上枱後用火槍燒個面 不知道是否取消大孖豉油雞 （半隻） $248: 雞肉嫩滑 應該是新鮮雞 豉油汁好味椒鹽白飯魚 $148: 香脆送酒之選 當小食食都可以 都幾大碟啫啫生菜煲 $138: 這道菜有點讓人失望 一打開個煲 生菜的份量非常少 完全不值這個價格差不多食飽時有姐姐捧着大沙翁出來問食唔食 大沙翁好像是另一signature 我以為要中午飲茶才有 可惜令人失望 沒有蛋香味 外皮不算太酥脆至於服務方面 亦只能說只能說是一般 我們book了 8:15第二輪晚飯 過了8時大量人在門口等待 即使入面有位都不會讓人先入 而且即使食第二輪都會提醒你交枱 所以如果一大班人想談天的話似乎不太適合

今日平日諗住12:00大圍小館飲個茶，點知去到門口口個小姐就用的囂張既語氣話有冇book位，如果冇就要等多到12:15乜野book左位既人no show 先有得入。然後15分鐘後入去見到跟本大把位任你坐，所以咩；以上要book 位如果冇book就冇位乜乜乜跟本係虛張聲勢，平日飲個茶都要book位，咪玩啦小姐，入到去大把位任你坐，有鬼人食咩！所以門口個小姐咪虛張聲勢啦好心！跟住食食下大概一個鐘倒已經有的人過黍問叫齊野味，之後就放低左張單，我都吾明點解的員工甘既態度，我食都末食完😅最後又有個侍應過黎話夠鐘要交枱走人，但全場跟本有一半係吉枱，我吾明點解如果有吉枱又冇人既情況下都可以話因為限時個半鐘要趕人走，趕頭趕命飲個茶真係可悲，冇下次，價錢同服務態度完全吾成正比，真係比錢買難受！