AnyMomentCafé

Open Now

Now Closed

今個週末又陪太太周圍搵野食，今次就黎到呢間樓上CAFE，不過想講餐廳嘅位置比想像中搵難要係大廈中間條巷仔轉入去就搵到，入到去老闆非常親切同好健談另外亦見到非常多board game可以玩，啱晒一大班朋友黎玩同吹水，呢類型比你慢慢坐同玩嘅餐廳真係愈黎愈難搵好啦 講返野食先~~♡拿破倫肉醬煙鴨胸♡第一眼佢嘅白飯整左做公仔造型，非常吸睛啱晒黎打卡，另外佢嘅醬汁再加左芝士粉再配埋白飯，非常之好食，夠哂飽肚!!!♡卡邦尼煙三文魚♡醬汁方面唔會話太咸剛剛好，煙三文魚嘅份量都好足夠，但重點想講一般出面嘅煙三文魚都會偏咸，但佢就唔會話太咸，味道恰當，非常推薦呢款比咁多位♡瑞士雞翼♡雞翼口感非常嫩滑同多汁，同埋煮到好淋，醬汁亦唔會話太咸，雞翼愛好者一定要試試佢!!!♡水蜜桃梳打 & 蜂蜜蘋果雪梨荼♡飲品方面分別叫左水蜜桃梳打同蜂蜜蘋果雪梨荼，水蜜桃梳打真係用新鮮水果打碎去整，一滴甜水都無加都已經好甜另外蜂蜜蘋果雪梨荼一樣用左蘋果同雪梨，飲落非常有果香味同好清新，亦好適合解油膩感整體黎講，呢間樓上CAFE除左有個空間比大家慢慢吹水同玩Board game，食物質素亦非常之高，最後唔記得講如果大家有興趣去記

上次諗住walk in去食點知摸咗門釘，餐廳原來一定要預約，於是今次好醒咁電話預約返先去！🥹入口位置都幾難搵，要喺條巷仔入去紅色篷個位上去。上到去地方唔係好大，但係入面有好多唔同嘅board games~🍽️地中海香蒜雞柳螺絲粉 $138雞柳濕潤多汁，螺絲粉帶有口感唔會過腍，每條都吸滿唒醬汁。醬汁除咗有香蒜味，仲有濃郁嘅香料味，甜甜哋好好食！細問之下先知原來香料係老闆自己種嘅，好震驚，超有heart！🫶🏻🍽️韓式牛肋條飯 $139韓式牛肋條醬汁濃稠，牛肋條煮得好腍好容易入口，而且好入味，連埋配料嘅菜同菇超好餸飯。飯嘅形狀原來每客都有機會唔同，我嗰份係貓貓勁得意！😹🍽️瑞士雞翼 $65開party之選！雞翼好大隻但好入味，好容易咬到骨肉分離，甜甜哋好開胃！🍹熱情果茉莉花茶 $59 (套餐升級+$22)花茶好抵，可以添飲三次！熱情果味濃郁，酸酸甜甜飲落好舒服。🍹布拉格浪漫 $64 (套餐升級+$22)朋友杯布拉格浪漫係用咗紅肉火龍果加雪梨製，甜度高嘅紅肉火龍果加埋清甜嘅雪梨好飲又健康。.隔離枱玩住食，我哋就食完慢慢玩，開心！🥰

旺角其實有好多低調但高質嘅樓上舖，呢間就係其中一間~同朋友7pm黎食，舖頭未有人客，但老闆好熱情好friendly，好好計傾。成個環境好舒適溫馨，等起菜期間忍唔住拎左d boardgame玩🃏(舖頭仲有好多boardgame不限時任玩！)特濃朱古力🍫用嘅係黑朱古力底！同出面多數嘅唔同，特別濃郁。鹹檸柚子梳打🍹老闆即整，夠新鮮幾fresh地中海香蒜雞柳🍝老闆話香草係自己種嘅，好犀利！聞落已經好香，好快就清咗盤肉醬煙鴨胸🦆鴨仔飯擺盤好可愛！舖頭入口係巷仔入面，差d直接經過咗🤣。舖頭成個環境好溫馨，聽住d粵語流行歌、同朋友玩boardgame都幾正，不過記得電話預約咗先啊~📞☎️

這店給人感覺很溫馨，店裡的老闆很熱情也很忙碌全店就他一個在打理，廚房侍應收銀一腳踢太厲害晚餐時間基本上都是滿座，建議預先致電到店裡訂座。螺絲粉整體味道好惹味又帶點微辣配料中加入了蒜瓣和薑，讓醬汁除了有香草香氣，還帶有一點蒜香螺絲粉的紋路可以很好的掛到很多醬汁每一口都能吃到濃郁的香味雞肉分量很足，跟粉的比例好差不多一比一，肉嫩好吃雞翼出晒煙熱辣辣地上枱瑞士汁甜甜鹹鹹的好食一碟6隻的分量適合和朋友一齊分享名字很美的特飲～是用蘋果和草莓打成的果汁清新的蘋果味裡帶有香甜的草莓味味道不錯

📍 AnyMomentCafé平日cafe就去得多，但呢間cafe就提供好多board game 俾客人，桌遊款式多🤩啱曬一大班朋友、三五成群過黎玩! 無限時任玩任食♾️️去之前透過電話預約📱同老闆book檯就唔怕無位啦😉🐤地中海香蒜雞柳意粉 地中海香草個味幾特別～雞柳既肉質ok,蒜味好香🧄所以食落辣辣地🥵但又幾惹味🤓中意食辣既朋友呢碟意粉一定好啱你胃口！🍝卡邦尼煙三文魚意粉 煙三文魚鋪滿曬成個意粉面，有好多塊🤤卡邦尼既醬汁好creamy,味道幾濃郁，配埋煙三文魚一齊食個味好match!🫶🐤瑞士雞翼 一共有6大隻，瑞士汁好入味！咬落好腍身，食完又想食多隻😋🍪曲奇朱古力呢杯絕對係邪惡之選😈落左好多朱古力粉，好濃郁～🍌香蕉奶昔好重香蕉味，味道甜甜地比較fresh！✨個人建議：間cafe成日都好full,建議大家黎之前記得電話預約左先🤩⭐️好味指數：7.5/10📍 AnyMomentCafé (旺角)旺角登打士街36號恆威商業中心9樓#旺角 #anymomentcafe #cafe #地中海香蒜雞柳意粉 #卡邦尼煙三文魚意粉 #瑞士雞翼 #曲奇朱古力 #香蕉奶昔 #桌遊 #boardgame #c

💭呢間餐廳真係好適合d 想同朋友仔一齊有個地方玩下boardgame 吹下水catch up 下既朋友😗老闆個人好fun～ 又無限我地時間食野，食食下玩玩下d 時間真係好快過～ 大家記得去之前打電話同老細book 檯，就唔驚無位坐啦😝🌸卡邦尼煙三文魚（意粉）老闆放三文魚既份量真係好佛心😝一份意粉配左超級多三文魚！意粉好creamy！推薦～🌸韓式牛肋條（螺絲粉）呢個螺絲粉都係，牛肋條份量好佛心！味道同份量都好夠😉🌸瑞士雞翼呢個真心係今日mvp！個汁係老闆用冰糖熬製！超級入味！入味得黎雞翼keep 到嫩滑既口感！我真心覺得係必食之選🌸 士多啤梨 x 香蕉 特飲杯野飲完全飲得出有用新鮮水果打出黎既味道👅 好飲！🌸 士多啤梨x 火龍果 特飲用左紅肉火龍果，顏色豐富又健康😉推薦！

以架要搵地方唔限時坐真係好難，朋友好多年前嚟過，今次我地嚟呢到一路食一路玩Board Game ♟️記得打電話訂座就可以無限時食&玩‼️當晚有幾群係大學re-u & 傾應援要行入嚟呢條巷仔先搵到棟大廈⭐️地中海香蒜雞柳意粉雞柳肉質嫩滑，加埋大大粒蒜粒🧄超級香⭐️卡邦尼煙三文魚意粉毫不吝嗇，有勁多塊大大塊煙三文魚，奶油醬汁煮得好好，配埋煙燻三文魚一齊食，好正👍🏻⭐️韓式牛肋條意粉牛肋條好淋加埋韓式辣椒醬汁煮，意外地令人好開胃⭐️瑞士雞翼以架好少地方食到瑞士雞翼，呢間煮得超級入味，我同朋友都係咁讚⭐️伊斯坦堡氣派（火龍果菠蘿果汁）⭐️芒果維納斯（芒果果汁配雪糕）

今次特意嚟到呢一間餐廳，有得食仲有得玩，可以同我好朋友聚一聚！我哋仲發現餐廳老闆好有趣，有講有笑！😆餐廳老闆好nice好健談，自己親力親為，除咗會煮好野食之外，仲會同客人傾計，推薦同教玩board game，多人/人數少嘅board game都有，所以都有幾多人上嚟玩同食嘢！快啲約埋三五知己一班人去玩同暢飲暢食，用電話同餐廳預約時間就得喇！十分推薦佢哋嘅套餐，性價比高，會包熱飲，亦都可升級做其他特飲。呢個夏天咁炎熱，飲消暑嘅沙冰/梳打水就最啱，但如果大家養生的話，餐廳都有幾款養生花茶可以點。✨👍🏻韓式牛肋條。螺絲粉老闆精心炮製嘅韓式牛肋條 配 螺絲粉，牛肋條煮得腍身入味，口感細嫩，吸收香濃醬汁精華，香口美味！而螺絲粉有口感，粒粒都沾上醬汁，好正！🥰卡邦尼煙三文魚。意粉呢個意粉煮得剛剛好，軟硬度適中有口感，而且醬汁也煮得好，非常Creamy，每一口都散出三文魚嘅熏香味，食落去帶有層次感，三文魚與卡邦尼簡直係完美搭配！🤩芝士薯條新鮮炸起金黃色嘅芝士薯條，仲有滿滿嘅千島醬係上面，入口香脆可口，超滿足！瑞士雞翼瑞士汁雞翼煮得入味，色澤均勻，每一口都有香甜嘅味道，絕對係滋味小食！

而家d餐廳多數有限時用餐 同朋友食野吹水耐d都唔夠喉😅呢日就搵左呢間係旺角樓上既cafe同朋友仔坐低食野吹下水 仲有好多board game提供比你玩添 上到Cafe門口 大大個牌寫住「無煙空間」👍🏻入到cafe老闆熱情招呼有禮 好nice仲間中同我地傾下偈有講有笑 感覺好親切🫶🏻🌟提提大家如果想去 記得之前預約定Book位先呀🌟記得係鉄火堂旁邊後巷仔入去（紅色帳篷果度入去就係喇）悠閒套餐🔸意式肉醬意粉 另可選螺絲粉 （$78）所有食物都係即叫即整 肉醬主要由番茄製成 肉醬酸甜度剛剛好碟邊有香草及芝士粉做點綴好別緻 🔸炸雞扒沙律 （$78）雞扒厚又大塊 炸到金黃色 香脆可口外皮香脆 肉質比較嫩滑另有紅蘿蔔 鮮菇 四季豆等配菜伴碟🔸瑞士雞翼 另可選蜜糖 焦糖味（$61）瑞士雞翼一碟有6隻由老闆親自調配及烹調 雞翼煮得入味又嫩滑🔹北海道雪人（🍍+🥭）$61飲品方面有多款選擇 全部都係新鮮水果即製呢款北海道雪人係波蘿＋芒果製成感覺新鮮 唔會太甜很健康🔹佛羅倫斯（🍫+🍪）$61口感似奶昔 曲奇朱古力味好香

一家人週末出外鬆一鬆，上網睇過Anymoment cafe評價吾錯，咁我地帶埋小朋友一齊食lunch。各位記得到場前最好預約，因為cafe由老闆一手包辦所有，老闆招呼好好，好貼心，為小朋友介紹多款適合佢玩既game,另外大人都有好多broadgame可玩，娛樂性十足，真係可以慢慢玩住chill住同朋友吹水飲飲食食！點完餐，老闆好快手，跟手無耐已經上菜，兩碟意粉主菜兩款小食加兩飲品，好快送到，鮮奶仲可以選擇暖暖地送上，對小朋友黎講非常好，天氣凍都可以暖下，芝士薯條好好味又大份tim,瑞士雞翼我小朋友都好鐘意食，肉醬意粉同白汁鴨胸意粉，食物味道覺得岩自己口味，我地都鐘意食，而且老闆無催促我地走，好好人，感覺到係人情味滿滿的小店，要多多支持！餐廳坐得都幾舒服，亦有頗多打卡位，就快聖誕，已經見到有聖誕佈置，有哂氣氛，入口設係內巷仔，地點位處油麻地市區都幾方便！設有靚靚掛畫，岩哂打卡用推薦呢款芝士薯條，岩哂一班朋友吹水慢慢嘆

餐廳有好野食，有board game玩，亦有電視睇，更有一個風趣幽默既老闆。餐廳有5張枱，食飯當日都坐滿左，所以大家去幫襯就記得打電話book枱！boardgame有好多，成個櫃都係，大家鍾意玩咩就自己去攞，不過當然唔好跌左啲食物落去啦。羅勒海鮮螺絲粉聞到好香，食落有濃郁既羅勒香草味，咸咸地，好滋味！海鮮有蜆和蝦。地中海香蒜雞柳意粉聞到好香，食落仲香，我覺得都有香草味。意粉軟硬適中，合我心意。雞肉亦嫩滑。瑞士雞翼有5隻，大大隻，瑞士汁好入味，雞肉嫩滑，整得好好味。所有食物都即叫即做，新鮮熱辣。雖然餐廳得老闆自己一個人做，由招呼，煮野食，上菜，到執枱都係得佢一個人，但佢做得好快手之餘又唔馬乎，煮出黎既野食質素高水準，對食物方向亦高要求，我非常佩服佢，好勁！

意外搵到既一間樓上cafe,空間雖細小，但全部sofa位，所以坐得好舒服。已經去過2次 ，第1次就揀左4人餐，小食同主菜好多選擇，反而飲品選擇唔多。第2次就個人大碟，主菜份量比較少，但飲品更多選擇。總體而言，食物同飲品既質量都唔錯。老板一腳踢，但都會照顧到每一枱既客人，會介紹同解釋唔同類型既board game，而且可以坐好耐（12nn-6pm /6pm-12am），無論係想搵個地方同朋友傾計或者想試玩唔同既board game都值得推薦

正所謂 一不離二 二不離三今日又悶悶地諗唔到做咩最好就係走去cafe hea下玩下🙈—————————————————————中島覺得今次呢間非常適合桌遊愛好者門口個六層層架上面滿滿都是桌遊多到已經放唔落😂重點係老闆識玩曬全櫃board game想玩新但又唔識玩嘅呢度真係啱曬叫埋老闆一齊玩都得😂如果佢得閒嘅話🙈好啦 講番野食先今次主要都係食下小食hea下一拎出嚟嚇死寶寶😯滿滿嘅腸仔全部切好晒煎得又香又脆口咬落勁juicy問過老闆點解唔成條上佢話太大條隻碟放唔落😂觀乎份量其實齋食呢碟都飽死但事前唔知仲叫左雞排薯條同雞翼 大鑊😅瑞士雞翼好上色 帶少少甜味隻隻都飽滿大隻又Juicy雖然飽都忍唔住食曬雞排薯條先大鑊又係好大碟滿滿都係波浪薯條同一塊巨型雞扒基本上細食的人食半塊都飽到嘔再加上一大pat芝士醬脆卜卜又惹味.ρ.ѕ 由於小店長時間都得老闆一個人所以請耐心等待食物飲品同埋請記得一定要вσσк位呀如果唔係好大機會摸門釘架😎—————————————————————◴ 佛羅倫斯星夜 $61◴ 挪威森林 $61◴ 墨魚卷拼芝心丸 $61◴ 瑞士雞翼 $61◴ 香腸拼盤 $94◴ 芝士薯條炸雞排

十幾年前開始已經成日同班朋友上黎食野吹水玩boardgame，連18歲生日都係呢度度過。相隔幾年再黎，食物依然好味😋老闆依然咁好人咁好傾👍🏻我地只係叫左兩個set包意粉同飲品，老闆好好人送兩款小食比我地💛🌟羅勒海鮮意粉 $119老闆種左幾盤羅勒，新鮮即摘啲葉用黎整意粉，意粉煮得乾身，食落甜甜地，蝦仁同蜆肉亦好新鮮🌟韓式牛肋條螺絲粉 $119牛肋條燉左3個鐘好入味好腍，螺絲粉索晒啲汁食到我地lam lam俐，推介！🌟芝士薯條老闆特配芝士醬，濃而不膩，帶點甜同黑椒味，而家份量超多，夠4-6人食🌟瑞士雞翼個汁熬左好耐，甜味有別於一般瑞士汁，令到個雞翼特別好食🌟自家配潤喉飲品老闆聽得出朋友喉嚨有少少乾涸，特意用咗龍利葉、桂花、蘋果、蜜糖沖出一杯獨一無二嘅花茶，咪睇個壺同杯仔細細，可以加添3次水落個壺，沖第3次味道都唔會淡架🌟焦糖鮮奶多年來最愛嘅飲品之一🥛鮮奶順滑細緻，加左焦糖實在令人飲個唔停，一杯唔夠飲呀🙈🌟溫馨提示💁🏻‍♀️上去cafe前必先預約‼️ ☎️訂座電話61306631💁🏻‍♀️大量boardgame任君選擇，記得約埋三五知己上去玩💁🏻‍♀️老闆會因為客人口味/需要微調食物煮法&飲品配方💁🏻

去旺角的樓上Café一定要玩Boardgame，這間Café已於旺角屹立多年，由老闆一人經營。老闆廚藝也算不錯，跟客人們有講有笑，頗有幽默感。跟朋友也有一段時間沒有玩Boardgame了，大部份遊戲也忘了規則和玩法。老闆會按人數推介一些遊戲和簡單介紹一下。假日人流比較多，畢竟這裡可以任坐，看到有些情侶也摸了門釘。自家制豬扒碎三文治 - $54香煎豬扒切成一條條，肉質比較偏瘦，不肥膩，入口頗鬆軟香口。再與生菜、洋蔥等配菜一同釀入烤焗過的麵包中，麵包皮特別煙韌。白汁煙鴨胸螺絲粉 - $56意外多的煙鴨胸約有七八片，肉質頗紮實不乾柴。螺絲粉的坑紋掛汁能力一流，掛滿了帶奶油香味的白汁。瑞士雞翼 - $54有六隻肥大飽滿的雞中翼，瑞士汁醬偏向甜而不膩，雞皮充滿豉油的潤澤。薄荷咖啡 +$21底部有層厚厚的薄荷醬，與LATTE搞拌起來，有少少冰涼的口感，帶點咖啡和奶味，頗順滑。香滑朱古力 +$21用火槍輕輕灼過杯面的朱古力奶泡，帶點焦香味。朱古力味濃郁，有奶香味。