AnyMomentCafé

Open Now

Now Closed

今日同一位好耐無見的外國朋友相聚~ 因為想坐得耐又舒服甘傾計，就搵左一間樓上Café~ 老闆好親切，所有野都係一手包辦，食物同飲品都係一人操作，但係水準一流，飲品方面仲有好多隱藏款~可以問下老闆有大量Board game，可以自由甘玩~真係坐一日都唔怕悶~🥢秘製咖喱炸雞扒超級驚喜!!! 無諗過係樓上Café 可以食到甘特別的一道菜~ 雞扒包裹咗薄薄一層炸粉，外脆內軟，咬落香脆，但肉質保持嫩滑，味道鹹香。第一次食咖喱螺絲粉，但意外地非常夾，咖喱份量剛好，掛滿係粉上，但又不會過稀，超惹味!🥢韓式牛肋條心機之作2~ 有個好可愛的鴨仔飯係旁邊，成道菜以微甜為主，好開胃，牛肋條煮得好軟棉入味，用上新鮮牛肉，先煎再燉，帶有濃厚牛肉香味，口感豐富🍹養生茶疏肝茶加入咗牛蒡、杞子等養生食材，飲落好清香，仲可以疏肝排毒解膩，好中意個水壺設計，可以隔開水同食材，斟茶時都唔怕會有渣，仲可以無限加水~🍹黑朱古力奶昔小店獨有，出面較難會飲到，用大量黑朱古力同雪糕撞埋，做成朱古力奶昔，口感滑溜又帶有粒粒奶昔口感，而且黑朱古力同奶昔既配合甜度剛好，飲成杯都唔會好滯

呢間隱世Cafe唔單止有過百款Board Game任玩，最正係啲主食同飲品都落足心機👇🔥拿破倫肉醬煙鴨胸意粉一上枱就聞到超濃蕃茄香！最驚喜係厚切煙鴨胸，估唔到蕃茄肉醬同煙鴨胸係咁匹配，扁意粉掛汁力亦都非常高，越食越開胃！🐮韓式牛肋條飯牛肋條炆到用叉一篤就散，而且Cafe煮嘅白飯亦都非常之得意，係一個趴地熊形狀，絕對係要先打卡，之後先捨得食。🍹火龍果+奇異果果汁紫紅色漸層靚到唔捨得飲！店長拎出嚟嗰陣，見到兩隻手都紅晒，原來係因為餐廳真係用新鮮火龍果嚟去調製飲品。火龍果天然甜完美中和奇異果酸味，仲要堅持即叫即榨，飲到底仲有粒粒奇異果籽卜卜脆。🌼潤喉茶成壺養生材料睇得到！有紅棗、洋甘菊、桂花等等材料，飲落喉嚨即刻有股暖流，最啱玩返嗌到拆天之後潤返聲帶。🥗黑醋沙律沙律菜十分香脆，再沽上小小黑醋汁，健康首選。✨溫馨提示：記得打去餐廳訂定位！呢度嘅魔力就係食完唔捨得走，人多啲嘅最好包埋場就最開心！

🎯Any Moment Cafe ☕️ 🎮.讀書時代啱啱興起樓上cafe，放學／Re-U去cafe食嘢+玩 board game，畢業之後都好少去喇🙈 今日放工朋友話去重拾童年回憶，一於奉陪😎.Cafe喺旺角恆威商業大廈，入口有啲隱蔽，搭𨋢大堂喺後巷，好似Harry Potter 9又3/4月台咁😆.老闆好nice，一入到去就提我哋可以叉電🔋環境好舒服，又有好多board game 玩🎯.🍟芝士薯條一邊傾計一邊食芝士薯條，好chill😛 粗身薯條好有咬口，上枱時仲熱辣辣🔥芝士醬yummy yummy🧀.🐱韓式牛肋條飯見到貓貓造型嘅白飯笑咗出來，太可愛了吧😆唔係淨係得個樣，牛肋條煮得好稔好入味，超好送飯🍚.🍝卡邦尼煙三文魚意粉份量十足，煙三文魚鋪滿成碟意粉😋意粉軟硬適中又掛汁，滿滿奶油香🤩.🍫特濃朱古力好推薦呢個朱古力熱飲☕️真係特濃朱古力香，最正係唔會好甜，反而係微苦的可可味，大愛❤️.🍵潤喉茶清潤嘅花茶茶，微甜，飲落喉嚨真係舒服咗🌿

今日咁啱喺旺角收工，次次喺旺角諗食咩都覺得好難諗，今日約咗朋友敘舊，佢建議不如去返以前中學成日去嘅Cafe試吓，除咗懷舊之外又可以坐得耐，大家都好同意呢個建議。一上到去呢間Cafe，已經有好多客人，不過以前記憶中全部都係中學生，而家竟然有好多成年人，可能個個都係想上嚟聚下舊。我哋首先叫咗個芝士薯條，一上枱已經聞到好香，而且炸得好脆，入面薯仔熱辣辣，外脆內嫩嘅感覺真係好好食，唔使點茄汁都一流啊。另外我哋仲叫咗個煙三文魚意粉，估唔到咁大碟，而且佢嘅煙三文魚份量好多，意粉嘅醬汁都同意粉好夾，而且意粉煮嘅硬度啱啱好，真係好出色。呢個泰式雞柳螺絲粉又係好值得讚賞，睇佢個樣估唔到佢係酸酸辣辣咁嘅，食落好開胃。而且雞柳好嫩滑，少少辣辣地，不過唔食辣嘅朋友都唔覺得太辣，反而覺得夠晒香。去Cafe最緊要就係飲特飲，呢杯朱古力曲奇好香濃，飲落唔會太甜，朱古力襯埋啲曲奇粒粒，真係好有花花去中學時候嘅感覺。食飽之後我哋仲玩呢度嘅遊戲，呢度非常多唔同種類嘅board game。我諗起碼有二百幾款，除咗board game之外，佢仲有好多唔同嘅實體遊戲，真係啱晒一大班朋友上嚟敘舊。呢間餐廳又抵食又平，而且仲有好多

Board game式cafe《AnyMomentCafé》今日同一位識咗好多年嘅朋友，去一間比較偏僻嘅商業大廈內嘅board game式cafe餐廳，有得玩又有得食😊，芝士薯條：濃濃嘅芝士味亦帶有小小芥末醬味道，配上熱辣辣嘅薯條，絕對係不錯嘅小食😁。秘製咖哩炸雞扒配飯：炸雞啖啖肉，但咖哩汁值得一讚，香甜小辣👍🏻，鍾意食咖哩嘅朋友，我一定會推介呢一樣菜式😊。韓式牛肋條配長通粉：牛肋肉味濃軟淋淋，入口即溶，長通粉口感煙韌彈牙。😇蜂蜜蘋果水蜜桃茶：呢款茶係熱飲黎，淡淡嘅茶香係呢個咁凍嘅冬天飲非常合適🤭，另外我同朋友一致認為，呢款熱飲飲到最尾時候，茶香味道更加濃烈，可以留意下😊。水蜜桃益力多沙冰：益力多味濃郁，份量好多👍🏻，想嘗試水蜜桃嘅味道，建議要用匙羹撈下杯面頭嘅益力多沙冰同埋杯底嘅 水蜜桃汁，令兩者更為均勻😊。總結：今日呢個朋友，係我識咗好多年嘅朋友，今晚同佢喺呢個咁放鬆嘅cafe環境，一面玩、一面食、一面傾過往嘅往事，非常開心😄。cafe環境舒適，主要都係做熟客為主，cafe內亦設有大量board game，鐘意用下腦嘅朋友可以約埋三五知己，一邊享受美食，一面增進感情👍🏻。9

樓上Cafe令我回想起中學年代嘅美好時光。呢間好多board games，而家仲要星期一至四晚市七五折，勁抵！韓式牛肋條係大愛！同老闆傾偈發現原來個汁係佢自己調校，微辣嘅汁鹹鹹地，配上煎過再燉嘅牛肋條，啲汁用黎撈飯一流，牛肋條口感冇得彈三文魚卡邦尼亞意粉食得出係用心之作，鍾意個汁唔會剩係得忌廉或者奶味，又唔會好鹹，絕對係Comfort food。瑞士汁雞翼係驚奇地好食，上枱熱辣辣，雞翼肥美，上色得來味道啱啱好，最重要嘅係雞翼冇雪藏味！唔記得咗影張大頭俾杯凍朱古力，極力推介！絕對唔係平時茶餐廳飲開稀淋淋嘅凍朱古力，飲得出係高質朱古力粉，而且唔會太甜！

油麻地商厦內居然有間用心經營的樓上cafe！餐廳四周掛了充滿外國情懷的壁畫，更放置了許多桌遊供食客邊食邊玩。🪿🍝拿破侖煙鴨胸螺絲粉～拿破侖肉醬汁沾滿螺絲粉，味道濃郁，酸甜惹味。配上煙鴨胸的獨特煙燻味，非常開胃。🐷🍛秘制咖哩豬柳螺絲粉～咖哩汁味道香而不辣，絕對適合怕辣朋友。豬柳非常軟腍，完全不經醃制，全靠醬汁帶起味道，吃得健康。🐔瑞士汁雞翼～甜而不膩，滲出淡淡滷水味道，比那間又貴又普通的老牌餐廳‘‘太平X‘’做得更出色。🫖蜜冬杞子紅棗羅漢果花茶～微甜中帶有果香味。☕️護肝茶～cafe新推出的隱藏版茶療，內有杭菊，杞子及牛蒡。味道清新，帶有淡淡菊花味道，絕對適合捱夜朋友。兩款茶飲完美地一解炎熱濕重天氣的悶熱。AnyMomentCafé登打士街36號恆威商業中心9樓

呢間小店啲嘢食好高質 本來保住樓上cafe嘅嘢食唔會特別好味 但呢間超出咗我預期而且好好味 特別係小食同炸物 個honey mustard醬汁好好 另外啲芝士薯條都好好食特別推薦個咖喱角同瑞士雞翼都好入味好掛汁 另外三文魚意粉個調味好好 好入味 環境方面都舒服 有sofa，係個咁細嘅地方又可以玩到board game算係好好仲要有好多board game 目測應該都有幾十至過百副 老細又肯教game要多多支持小店 香港好少地方做到有嘢食又可以玩board game而且老闆都好好人 俾我地玩到好夜都得

旺角隱世寶藏✨發現一家超chill的樓上cafe！主打無限時玩board game🃏老闆超nice～店裡雖然不大但溫馨感滿分💯必點瑞士汁雞翼🍗醬汁入味到爆！煙三文魚意粉🍝醬汁濃郁但不會膩，韓式牛肋條飯🍛可愛鴨仔造型萌翻我～配杯濃情朱古力☕️玩game玩到忘我！遊戲選擇超多🎲從兩人到團體都能找到適合的～環境安靜舒服，完全是可以待一整天的秘密基地🤫📍旺角登打士街36號恆威商業中心9樓記得預約喔！這家絕對是我會N刷的愛店💕#旺角美食# #boardgamecafe# #樓上cafe# #香港探店# #情侶約會# #閨蜜聚會

✨ 旺角油麻地有咩玩？？？✨ 一定要黎呢間樓上cafe✨ 有超多款board game玩！✨ 好適合一班人/情侶黎吃喝玩樂✨ 老闆好熱情款待，會親自教你玩（我上年和朋友黎，還與老闆拍照了）（這次帶男友再訪！他也很喜歡這裡）---‼️ 優惠：星期一至四 晚餐打75折————————————————————🌟 韓式牛肋條配飯---老闆把飯弄成鴨仔的模樣上菜🐥打卡必點！超級可愛！這道牛肋條真的是這裡的招牌菜！————————————————————🌟 卡邦尼煙三文魚意粉---卡邦尼醬汁很濃稠很有奶香味煙三文魚的份量也是給得很足配上煙肉，整體超級滿足🥰————————————————————🌟 芝士薯條---聚會聊天一定要點這道小食！滿滿的芝士醬，配炸得香脆可口的薯條這個份量真的是太誇張了吧🧀🍟————————————————————🌟 曲奇朱古力奶昔🌟 香蕉芒果奶昔---飲品真的推薦奶昔！喝得到是真材實料，老闆現打的！非常的濃郁👍🏻👍🏻👍🏻————————————————————

今日經過旺角，於是決定去試一間聽朋友講好好食嘅一間Cafe！環境都幾乾淨裝修特別仲有好多遊戲可以俾我哋玩同解悶！韓式牛肋條🐄🔥 嘩！呢個牛肋條真係冧到阿媽都唔認得😍 一啖咬落去啲肉汁爆出嚟，韓式醬汁甜辣啱啱好，仲有啲微微焦香，正到痺呀！跟飯食簡直無敵，不過份量可以再多啲就好啦！卡邦尼煙三文魚🍝🐟 卡邦尼意粉就食得多，加煙三文魚呢個配搭真係有驚喜！😳 個醬creamy到癲，啲蛋汁掛滿每條意粉，三文魚鹹香夠晒提味～拿破崙肉醬煙鴨胸🦆🍅 個名勁到嚇親人，原來係肉醬意粉+煙鴨胸！😎 鴨胸皮脆肉嫩，啲肉醬煮到好有層次，仲有啲芝士碎喺！瑞士雞翼🍗💛 瑞士雞翼係童年回憶呀！呢度整得超入味，啲醬汁甜得嚟唔膩，雞翼一啜就骨肉分離👏 呢間Cafe抵讚！食物有心思又玩味，環境仲可以打機解悶，一至四仲有七五折優惠！AnyMomentCafé (旺角)旺角登打士街36號恆威商業中心9樓

旺角區呢間Cafe開業咗好多年，係實力保證☀️ 除咗有得食嘢之外，入面仲有勁多款嘅board game，好啱同朋友一齊食完嘢玩吓傾吓偈🪇。最正係而家星期一至四平日晚市時段，做緊超級優惠埋單有七五折🫨。大家有興趣嘅記得提前打電話俾老細預約，如果唔係好易會冇位。🤭### **🍝羅勒海鮮螺絲粉** 一上枱就聞到超香嘅羅勒味！🌿 螺絲粉彈牙有咬口～最正係個青醬，用新鮮羅勒打成，creamy得嚟帶少少蒜香🇮🇹，爆汁效果超驚喜！ ### **🦆拿破崙肉醬煙鴨胸螺絲粉** 🍅煙鴨胸片得薄薄哋，鹹香得嚟唔會太膩！最正係螺絲粉掛滿肉醬，😍 面頭嘅巴馬臣芝士多到好似落雪咁，相當之惹味！📸 ### **🍗瑞士汁雞翼** 一碟有齊6隻大雞翼，瑞士汁香甜得嚟帶少少焦糖香～🍯 雞翼煮到超入味，最正係個汁濃到可以黏住嘴唇，食完要舔手指先滿足～👌### **🍍火龍果菠蘿沙冰** 💖 粉紅色嘅火龍果mix黃色菠蘿，飲落去酸甜清爽，仲有粒粒果肉增加口感！飲完成個人都refresh晒～🌴 夏天飲真係透心涼！❄️ ### **🍵養生補血茶**👩🏻‍🦰呢杯飲品係老闆專為女士而設，非常貼心。特別適合女士經期前後調理身體

以前香港人會去樓上Cafe玩Board games，叫杯野飲同幾款小食就玩足幾個鐘，而家買少見少大家有幾耐冇放低電話，餐飯主要係同身邊嘅人互動?Any Moment Cafe 係一人主理 老闆身兼廚師同樓面 👨🏻‍🍳十分funny 嘅老細仲會主動教你玩而呢度竟然冇限時任坐旺角喎！唔限時喎！邊度搵呀？所以老細話一定要預約🙊好浪漫的Cafe，睇得出非常佈置每個角落，有花有高塔有海洋世界，美輪美奐，沙發用淡綠色布包住，好似行入了一個溫馨的歐式建築⭐️韓式牛肋條 老闆話配白飯至正白飯會隨機切成一種動物形狀🤩都幾啱打卡長長一條牛肋條,肉質鮮嫩多汁,散發著濃郁的韓式醬香氣，⭐️地中海香蒜雞柳意粉雞柳幾大舊而肉質唔柴，仲有d蒜頭粒同生菜，醬汁帶辣好惹味。⭐️瑞士雞翼 $65老闆拎到過黎已經聞到好香，雞翼好入味，輕輕一咬已經骨肉分離，肉質嫩滑冇雪味，完全係家既味道，必叫!⭐️火龍果加奇異果冇特別另外加糖／水，純天然水果🥝🤌🏻🤌🏻老闆話必試朱古力特飲，唔怕苦仲可以整得更加濃味，估計係用超級多可可粉加冰打成，整體香濃滑順，鍾意朱古力嘅人一定超鍾意😁🍫⭐️逢星期一至四晚上做七五折優惠‼️記得先致電預約呀大廈入口比較難搵

最近天氣轉熱，拍拖想搵啲室內嘅節目，所以去咗間broad game cafe-Cafe環境唔算好大，但board game款式好齊全，Rummikub、矮人礦坑、阿瓦隆、籤籤入扣等等熱門嘅桌遊都搵到～～-食物方面，味道同質素都好好，主食我哋點左卡邦尼煙三文魚螺絲粉同韓式牛肋條。螺絲粉味道濃郁好掛汁，煙三文魚有四大片份量好足。而牛肋條味道微甜，配搭菇同埋菜喺底好好餸飯，飯團仲整咗一隻鴨仔形狀幾得意。我哋仲另外加咗小食瑞士雞翼，同叫咗芒果沙冰、水蜜桃益力多沙冰，味道都正正常常，飲品沙冰打得好幼滑，唔會好甜。-因為我同男友都唔太想用腦，玩咗幾款益智疊高嘅遊戲，邊食邊玩好快消磨咗一個下晝，好適合同朋友聚會或者一家大細來玩。依家平日一至四晚仲做緊75折優惠，就倒時間去玩好抵。

呢排同朋友愛上玩boardgame，於是係油麻地搵到間cafe都幾多boardgame選擇，佢哋提供超過100款桌上遊戲，遊戲種類多到新手同老手都搵到心水選擇，食物同飲品方面主打西式同小食，價錢親民，方便一邊玩一邊食秘製咖喱豬柳 ($143)豬柳份量夠，炸粉薄脆，內裡軟嫩，咬落有肉汁，咖喱醬汁濃稠，帶點微辣同甜味，白飯仲有動物造型，好可愛，飯粒軟硬適中，撈埋咖喱汁幾惹味卡邦尼煙三文魚 ($145)意粉忌廉醬順滑濃郁，三文魚份量多，煙燻味突出，醬汁掛滿每條意粉，入口非常Creamy瑞士雞翼 ($69)雞翼都幾大隻，而且好入味，瑞士汁甜中帶咸，啖啖肉好滿足凍檸檬可樂．冰咸檸七