Chelsea Garden & Restaurant

Open Now

Now Closed

難得朋友抽時間出嚟午餐短聚，一定要揾間坐得舒服嘅餐廳享受依個午餐。餐廳為樓上舖，裝修優雅，店內不但用了大量綠色植物作佈置，外面還有個小庭園，環境舒服，有如置身於鬧市中的綠洲。香濃甘筍味，感覺清新，好開胃。沙律菜唔太新鮮有黃葉，只有芝士及蕃茄並無醋或醬汁，食起嚟好單調。漢堡扒夠juice但有少量肉根，口感略打折扣。薯條連薯皮重薯味，炸得香脆。伊比利亞黑毛豬肉質鮮嫩，烤到表面金黃香口，野菌烤肉汁好香。咖啡香濃

老婆星期六朝要出佐敦辦點事，而我又要到中港城拎跑手包，所以，是日就乘機出嚟佐敦食晏。事前晌網上搜尋過，既然喺星期六，又唔使趕，故此就搵間唔會太嘈，可以悠閒進餐嘅餐廳，當然，食物要有番吓水準架啦。綜合幾方面要求，加埋我哋都就腳，就搵到「Chelsea Garden &Restaurant」。餐廳名用上「花園」一詞，預期到環境喺走田園風。的確，由店名、餐枱墊、牆上嘅植物裝飾、餐枱上嘅小盆栽，都洋溢出一份田園氣息。加上一室潔白，灰白雲石餐枱，兩邊窗又採光十足（喺欠缺啲陽光），令人感覺舒適醒神。另一邊喺吧枱，更放咗幾張高腳櫈，大抵因為午市應該無咩客嚟淺酌，所以，侍應都索性將餐具呀、調料呀、枱墊紙呀……等等暫放上去，方便取用。外面仲有個露台小花園，可遠觀到「戲曲中心」，又擺放咗好多植物，感覺唔錯，不過，就未有設置露天位。其實，今日涼涼哋，又唔太曬，都幾適合坐出面，可是，樓下就喺繁忙嘅柯士甸道，日頭會覺得有少少嘈雜。順帶一提，除免費wifi之外，仲有免費手機充電，當然，依家嘅手機電非常耐用，不少高用量嘅人亦會自備「尿袋」，但總有時候喺有突發嘅。午市主要供應3道菜嘅套餐，包餐湯、沙律及主菜，視乎所揀