鐵板超

Open Now

Now Closed

午市全單六六折！晚市都有全單八八折，有朋友係嘴刁之人，食過推介呢間鐵板超，晏晝抵咁多，難得平日放假嚟食。環境超大間，每個鐵板位都係獨立隔超，私隱度幾高，比我感覺好適合啲商務客宴，一間間包房咁。餐牌有單點有套餐，都有六六折，揀咗中位價套餐Q。 套餐Q $1988(二人前) 包括：大海蝦、法國鵝肝/銀鱈魚/帆立貝/聖子皇(4選2)、日本A4和牛厚燒或薄燒/澳洲羊架/日本豚（4選1)、蝦乾蟹子炒飯或稻庭湯烏冬、沙律、前菜、季節野菜及炒雜菜、海鮮湯及甜品 沙律、前菜選好餐無耐就會上沙律、前菜、季節野菜，是日前菜及季節野菜係合桃小魚乾芥末八爪魚。 大海蝦 真係超大隻，長度有龍蝦咁大隻😳 師傳三兩下手勢就將佢拆殼，開背處理污糟物，會煎至微焦口感，肉質相對上會過咗少少火，但夠新鮮所以仍然保掛彈性，再附少許蝦膏。師傅仲會唔浪費個蝦頭，燒埋比你食！ 法國鵝肝/銀鱈魚/帆立貝/聖子皇(4選2)由於是日聖子皇缺貨，我地揀咗法國鵝肝及帆立貝，鵝肝一咬落去就溢出油脂，入口即化，配上多士及甜醋降膩，食完再食返舊菠蘿清清口腔再食下一樣。帆立貝兩面煎到微焦，入面保持半生熟，最後再用牛油焯焯兩面更香，佐以海帶湯清新

午餐66折鐵板燒見到午餐有66折優惠，就揀左中午去食下真係幾抵，叫左R餐，師傅非常有禮用心，一邊吹水一邊介紹下食物，慢慢享受，師傅最後既一幅畫畫得好可愛，完全係驚喜呀～🥕南非大鮑魚⭐️⭐️⭐️⭐️⭐️一上枱非常新鮮，鮑魚郁得好勁又大隻，食落彈牙爽口，師傅建議可以點酸甜汁黎食。🥕大海蝦⭐️⭐️⭐️⭐️⭐️用左本身既蝦膏加左蒜蓉、檸檬、日本清酒去汁去調味，燒到微微焦香，食落更加鮮甜。🥕法國鵝肝⭐️⭐️⭐️⭐️⭐️鵝肝煎到外面微微焦香，但內嫩，入口油脂爆發，多士十分香脆，最後再食菠蘿既酸甜完全可以解左油膩感。🥕日本A4和牛薄燒⭐️⭐️⭐️⭐️⭐️叫左5成熟，和牛包裹住炒過既蔥蒜，牛味好出又嫩，師傅建議點左邊既燒肉汁，令和牛更加香同微甜。🥕蝦乾蟹子炒飯⭐️⭐️⭐️⭐️☆表面放上蝦頭，非常邪惡，白飯加蛋再加蝦乾蟹子炒到粒粒分明。🥕季節野菜⭐️⭐️⭐️⭐️☆紫色係日本蕃薯非常甜蓮藕脆卜卜🥕沙律前菜⭐️⭐️⭐️⭐️☆沙律菜新鮮，車厘茄非常清甜，仲有芥末八爪魚同埋魚乾合桃。🥕海鮮湯⭐️⭐️⭐️⭐️☆清清淡淡，不會太鹹，鮮味十足。🥕炒雜菜⭐️⭐️⭐️⭐️☆🥕甜品⭐️⭐️⭐️⭐️☆係荔枝味雪糕呀～======詳情======鐵板超尖沙咀麼地道61號冠華中心地下1號舖👣尖東站P2出口步行約1分

尖東最近依間正宗高級鐵板燒做緊特價午餐66折好多人book, 慶祝一流有得睇住師傅燒，又有得叫師傅畫公仔比你影相影左好多相，post 唔哂前菜正正常常V  set    (2人前）$2188 (未折扣)好多野食一定飽南非活鮑魚煮之前隻鮑魚係識郁嘅有個海草醬，好食爽口帆立具正正常常不過都好食，師傅燒得好活龍蝦師傅會叫你準備好電話打卡slow-mo 去拍影片龍蝦超新鮮，爽口好夠火喉日本A4和牛厚燒牛肉好靚，一入口溶入肉口油花啱啱好龍蝦頭冇浪費去左煮個海鮮湯超鮮蝦乾蟹子炒飯超夠火喉d飯乾身，好高汁嘅一個炒飯又足料之前和牛d 肥膏會用埋黎炒甜品師傅畫功好好比張圖佢就畫到比你不過個pancake 主要係影相用，食就麻麻