緣聚 (Moved) New Location

前2日，book咗位同老公撐檯腳，因本身住元朗，所以揀呢間近近地而又坐得舒服！呢間嘅放題有好多種類嘅食物，除左一般日式刺身、壽司、天婦羅等等，仲有火煱，羊扒，焗蠔，甚至粥粉麵飯都有，所以都好岩一家大細黎食架！見到咁多唔同顏色嘅點菜紙，不禁排靚靚喺檯面影番張相先！前菜刺身- 雖然無冰冰住，但都新鮮。壽司-因為怕食得多壽司會好快飽，所以只係叫咗每人兩件，壽司飯唔算鬆散。青酒煮蜆- 唔會好重酒味，只是間1隻會有少少砂，可以接受。麻辣元貝- 推介！連唔食辣嘅我，都覺得好味！又唔會太辣！炸物炸物之中，最鍾意炸芋丸！唔會太甜！香煎大蝦都好香啊！芝士焗蠔-推介！雖然唔係好大隻，但味道唔錯，芝士唔會遮蓋晒蠔嘅鮮味。最後叫埋甜品就非常滿足了！整體黎講，食物選擇多！上菜快！環境舒適！直得推介！

今晚放左同朋友黎左呢度消遣消遣, 順便吐吐苦水TOGETHER 既門面很亮麗, 很希臘風。去到不用等太耐就安排入座了因為係西日"放題"既關係, 我地一坐低就車輪轉咁剔剔剔喇!果然美食真的可以讓人沖薰頭腦, 暫時忘卻工作上不如意既事好了好了~上菜嚕刺身、壽司呢啲緊係例行工事啦!但有一個野食不得不推介, 這就是{麻辣一口帆立貝}, 入口唔太辣, 很香既麻辣味, 但建議唔好一口氣食曬, 慢慢品嚐先可以體會到呢度既"麻辣風味"另外, 佢呢度既燒物也很不錯, 其中我比較喜歡佢既秋刀魚, 魚身燒到外脆內軟, 外加灑少少檸檬汁, 更將秋刀本身既腥味去除, 而且仲令魚肉入口有淡淡既清香話明係西日, 又點指會有日式呢, 而家輪到西式了~呢度有一款叫仲可以揀配不同汁底, 但美中不足既係如果多過一隻蝦, 而兩個係要唔同汁既話就變左"混醬"其次, 我地仲叫左一人一個 雞肉-飯;雞肉-手打烏冬; 牛肉-手打烏冬; 叉燒-手打烏冬, 值得一讚既係佢個湯底, 不會太咸, 同配料(例:嗚門卷、海帶)都很足料最後, 我揀了好耐都未食過既雪糕杯, 重拾返細個既味道

元朗出名多日本野食，每一間都大排長龍。我同老婆都唔想等位，所以經過一間唔駛等太耐位，當然即刻入去醫肚la。 又見佢唔貴$208加1。我地好好彩有梳化位坐。食放題一開始當然要食小小熱食，暖下個胃先。香煎大蝦，巴西牛舌， 黃金燒蠔，蒜片炒金菇牛肉 。呢幾樣味道同賣相都唔算特出。暖咗胃之後就到主角出場。刺身到……三文魚，八爪魚，帶子……每一片都好新鮮，三文魚食落有油香。最緊要係，平時食放題帶子通常都係細碼上，今次係中碼上。叫咗3轉刺身就來返轉壽司。估唔到壽司都好足料。手卷當然唔少得，就來了一個黃金魷魚手卷。有水準，紙菜仲係脆口，魷魚夠鮮味。最後，要試下甜品。

行開元朗，竟然比我地發現一間幾有特色既放題，而且價錢都較平民大眾，想搵個地方休息下，所以就黎依到做落腳點，門面以歐陸風格作招徠，唔知入到去係咩一回事呢環境幾寬大，六點入座冇咩人容，另外更設有舒適梳化既卡位，佈置亦都有歐陸式既風格依間放題竟然有水吧！係茶餐廳飲到既飲品，依到都有得嗌，有夠特別，所以我地嗌左自己常飲既凍檸茶同凍檸水，味道同飲開既差唔多，水準唔錯前菜蟹籽沙律，用普通沙律醬製成，整體尚算可以，蔬菜同蟹籽都幾新鮮，但唔算特別同出眾刺身冇冰底上，所以刺身唔夠凍，不過味道都唔錯，三文魚腩夠肥美，刺身有夠鮮味，若有凍底會更加好西式黑椒汁西冷扒，第一次放題有扒食，而且仲可以揀配汁，食落口感細嫩，而且份量好多，幾抵食呢雞軟骨，又爽又脆，椒鹽令雞軟骨更加惹味，值得一食～見佢人氣推介就嗌左個巴西牛舌，點知好失望，口感好奇怪，味道亦唔討好，幾乎原封不動，個人黎講唔中意清酒煮蜆，較為失色，蜆肉有沙，湯底太水，但都可以放入口，希望餐廳可以做得更好天婦羅，炸得唔錯，虎蝦食落唔會好油，炸粉厚度適中，其他都唔錯，唔會失望青口較乾身，但都唔錯，個人唔食秋刀魚所以不能作評價（chicken食），蠔則較細小，味

最近，我約了好街坊食飯，因為，現時他在屯門區上班，不想放工後出到港島區那麼遠！ 新界九龍區對大家都方便！  可以考慮一下元朗區，我卻不熟悉元朗區，於是，問另一位朋友有什麼推介？她推介了一間日式西餐廳 <緣聚 Together> 給我！ 他先在屯門接我，然後，揸車入元朗，餐廳位於好順泰大廈，這裡有個停車場，非常方便！ 當我們在星期一晚上 7:30 踏進餐廳時，他告訴我見到黃浩信！  原來黃浩信正是坐在最近門口的一張大桌子！而侍應帶我們入座，這裡比預期大！而且裝潢幾靚，色調柔和優雅！ 西日放題 $208 (9:00 前入座)餐點紙包括：前菜/沙律、食事、西日式類、西日扒類、刺身、飲品、甜品、手卷/卷物、天婦羅/揚物、壽司、串燒/燒物、火鍋配料…等；食物種類多元化！  令人花多眼亂！ 我們在 7:30 入座，落單後，8:00 前已上齊所有食物，相當有效率！  廚房部多啲嚟密啲手！好快手！ 這樣，可提高食客流量，做多幾轉生意！ 梅酒入口略帶梅的酸，酒味不濃重，總算易飲！    前菜：泰式鳳爪一客兩隻，雪白爽口帶嚼勁，辣度刺激味蕾，  也很醒胃！   

呢間放題細細間，相對位置唔係咁多，最好先訂檯，即日訂座仲有九五折以放題黎講，主要都係西式同日式食物，選擇都唔少。刺身都係一般大路款式，有約十款選擇，新鮮甜美壽司同手卷選擇比較多，推介火炙芝士蟹棒壽司同火炙芝士三文魚壽司!熟食方面味道就不過不失，扒類只係茶餐廳質數，勝在可以自己揀汁，炸物偏乾味道一般，燒蠔雖然細隻，但都幾juicy，最好味必食燒粟米，又甜又香! 必食燒粟米，可惜想再點時已經話無曬... 甜品只有幾款，芝士蛋糕同香蕉泡芙都好好味，芒果布甸就唔食都得。另外仲有餐湯、沙津等等，每樣野都係細細份，你點幾多件就黎幾多件。呢度唔似其他放題咁多人，可以靜靜地傾下計，適合三五知己一齊去，一大班人就未必0岩。總括黎講呢間放題環境好，食物質數都幾好，應該都會再去食!