堅信號上海生煎皇 (眾安街) (Moved) New Location

價錢OK，味道欠奉12月24號，行街街搵下午茶，今日真系好多慘痛都排曬長龍，所以行過哩間無人排，等客人走就OK。未入去睇餐牌價錢有平有貴，有中有西，來哩間梗系食佢所謂出名的食物啦-小籠包。優點- 你兩個人share一個餐都無所謂小籠包4個（$32）2分- 皮厚，湯吾多亦無味，肉亦比較實生煎包2個（+14）3分- 應該系最出名的，所以追加- 夠熱，湯好多，但無味- 肉無味豆漿（+$3）4分-哩個反而是最好味，有豆香

今晚一個人食晚餐，唔知道食乜荃灣又唔熟，打開openrice搵下食Ｄ咩，搵到眾安街有間食生煎包好好食，就系我附近，立刻去試下，夜晚8:00唔算多人立刻有位，食個特色晚上套餐：涼拌雙拼：蘿蔔青瓜，酸酸地味道OK，但系可能浸得太耐已經唔脆。四川擔擔麵：湯底有濃濃的花生香味，微辣加埋肉碎，個面非常了得。生煎包：套餐➕13蚊有兩個生煎包，肯定要試下尼到招牌啦，皮好薄包底煎得好脆，熱辣辣入面好多汁，不愧系招牌，好值得食。豆漿：加2蚊有杯凍豆漿，唔算甜，感覺好談，好一般。一個人埋單70蚊，食得好飽，都好低食

前兩日又去荃灣行行下唔知食咩好咁岩見到堅信號，就入去試下啦，第一次食🙃🐟雪菜黃魚濃湯拉麵魚啖啖肉無咩骨，配上炸蒜好好味，底下有一些青瓜絲。湯底濃，不咸，配上兩條菜心和雪菜幾好。😍同場登記做了會員，送了我一個生煎包，一個已經夠滿足了。一咬唔小心爆曬汁，太正了!真係做得幾好呢個生煎包。🍽堅信號上海生煎皇 (眾安街)荃灣眾安街37A號荃運樓地下C號舖#堅信號上海生煎皇 #堅信號 #荃灣美食 #生煎包 #hkigfood #hkfoodinstagram #相機先食 #吃貨日記 #hkfoodblog #hkfoodbloggers #foodphotography #香港美食

最近都少左出街食，有時懶得自己煮去買個外賣都係唔錯既選擇，呢間堅信號主要係食上海菜，可以上網嗌定先，去到直接攞就走得，幾方便。我諗都好多人食過呢間la，價錢唔貴選擇又多，而家外賣自取單點既項目仲有85折，好抵食！1⃣️生煎包（4個）（$37）呢間最招牌既一定係佢地既生煎包！生煎包即使係外賣都仲keep到好好食！外皮煎得好夠脆，入面爆汁🤩好正。  2⃣️灌湯小籠包（4個）（$33） 呢個小籠包就普通啲，比較細粒，外皮唔會太乾，咬開一樣好多汁😋  3⃣️蜜椒雞扒菜飯（$50）幾欣賞呢度外賣既包裝全部都係將飯同餸分開。雞扒既醬汁好多，甜甜地，雞扒都幾大份。  4⃣️上海排骨湯麵（$51）湯同麵係分開裝既，啲麵唔會浸淋曬👍上海排骨幾厚，不過可能因為外賣關係，層皮偏濕淋🙈  5⃣️芝麻醬五彩冷麵（$50） 有雞絲、甘筍絲、青瓜絲、火腿絲，伴上大量麻醬，夠撈曬成個麵，食落味道豐富而且伴隨食材爽脆口感，唔錯😄  6⃣️外婆紅燒肉菜飯（$50） 紅燒肉切粒狀，半肥瘦，食落都幾入味，配飯食一流！ 

大前日26-1-2022(Wed)老公放工後,順便喺呢喥買嘢加餸,佢喺呢喥同$30.00買4個我哋食過嘅生煎包,(上次食評係2020年8月29日刊登嘅呢篇: https://www.openrice.com/zh/hongkong/review/%E5%B0%8F%E5%BF%83%E7%88%86%E6%B1%81-e3799021),打開睇,同之前冇乜分別,食落,今次唔爆汁嘅?同已經唔熱,只係微暖,個底依然係脆,味道又唔係太鹹.味道:3.8分食完飯同生果後,老公話有甜品,佢喺雪櫃攞出嚟,原來都係喺呢間買,係糯米糍,食落,皮有啲硬,可能係我老公拎到返嚟雪咗,而餡係黑芝麻,唔甜,甚至有啲甘亦唔滑,麻麻.呢個要$20.00味道原本係0.5分,但皮嘅口感應該係雪咗而影響,所以加返1分,即係1.5分抵食係 2.8分

之前公司附近有堅信號上海生煎皇，同事經常請大家吃生煎包下午茶，轉工後已經有一段時間沒有吃過生煎包，今天來到荃灣不如試下晚飯。門外都有不少人買外賣，$67有生煎包，小食，主食加飲品，非常低食，難怪如此多人。特惠晚餐都好抵食，有小籠包，主食加飲品，加$10有一款小食。灌湯小籠包 任何主食都贈送小籠包，皮雖然不算薄，但餡料豐富多汁，一口一個剛剛好。堅信號上海生煎包招牌菜式，一定要點。生煎包外皮煎得香脆，餡料豐富多汁，咬落去肉汁仍然燙熱，相信是即叫即煮，推介。雞絲粉皮爽口青瓜絲切得幼身，再加上雞絲和芝麻醬，略嫌粉皮不夠嫩滑。糖醋魚菜飯煎得香脆的魚柳配上酸酸甜甜的醬汁，而菜飯中菜的比例都不少。豬排湯麵豬排幾有厚度，有淡淡的蜜糖味，而且份量也不小。不過湯麵味道偏淡。 飲品點了豆漿。生煎包果然是招牌菜式，我覺得一個有點不夠，下次會外賣生煎包。

閑日放工唔知一個人食乜嘢好，剛剛經過這裏，沒有多人排隊即刻入咗一試，餐紙上只有套餐大概$60至$70左右一個，當然一叫招牌生煎包，另外叫咗雞扒肉燥飯，但一個女兒身，實在吃不消最後剩返大半件雞扒，於是乎問佢哋攞個紙袋拎走米嘥嘢，怎樣只有外賣盒加兩蚊，至於其他的肉燥飯丶雞扒不是太特別，所以基本上入去，唯一生煎包是最吸引吧！

荃灣終於有得食坐底既生煎包，比門口吸引到， 原來仲有好多主食，小食今晚行完街好夜先嚟食， 肚餓緊要食多啲。一坐底侍應姐姐比左個紙袋我地放口罩，好貼心的服務。主食：豬扒擔擔面-$62，豬扒好淋味濃，湯面夠濃東玻肉-肉味好濃，唔油小籠包-可以接受，無乜驚喜生煎包-招牌好味，不過我臨收工去無咁夠熱雞絲粉皮-粉皮好爽， 麻醬味濃，雞絲普通總括嚟講，荃灣食店係多左選擇，想食生煎包絕對可以去食，坐得舒舒服服的一個好選擇