堅信號上海生煎皇 (眾安街) (Moved) New Location

最近都少左出街食，有時懶得自己煮去買個外賣都係唔錯既選擇，呢間堅信號主要係食上海菜，可以上網嗌定先，去到直接攞就走得，幾方便。我諗都好多人食過呢間la，價錢唔貴選擇又多，而家外賣自取單點既項目仲有85折，好抵食！1⃣️生煎包（4個）（$37）呢間最招牌既一定係佢地既生煎包！生煎包即使係外賣都仲keep到好好食！外皮煎得好夠脆，入面爆汁🤩好正。  2⃣️灌湯小籠包（4個）（$33） 呢個小籠包就普通啲，比較細粒，外皮唔會太乾，咬開一樣好多汁😋  3⃣️蜜椒雞扒菜飯（$50）幾欣賞呢度外賣既包裝全部都係將飯同餸分開。雞扒既醬汁好多，甜甜地，雞扒都幾大份。  4⃣️上海排骨湯麵（$51）湯同麵係分開裝既，啲麵唔會浸淋曬👍上海排骨幾厚，不過可能因為外賣關係，層皮偏濕淋🙈  5⃣️芝麻醬五彩冷麵（$50） 有雞絲、甘筍絲、青瓜絲、火腿絲，伴上大量麻醬，夠撈曬成個麵，食落味道豐富而且伴隨食材爽脆口感，唔錯😄  6⃣️外婆紅燒肉菜飯（$50） 紅燒肉切粒狀，半肥瘦，食落都幾入味，配飯食一流！