上海飽餃店

Open Now

Now Closed

星期六過來黃埔辦點事，完事後已是一時許，炎炎夏日，熱得像溶化了，冇乜胃口，來客小籠包吧！紅磡這小店已有一段時間，就在明安街6號，麥當勞對面，很易找到。牆上面的圖片，圖文並茂，中英對照，價錢清楚，簡單直接易明，還有食店名稱、地址、電話，真係好過睇餐牌。小籠包$35~即叫即蒸，由於是招牌菜，所以食店不斷地蒸，當下單時已很快奉上。桌上已有浙醋，方便自助配撘，唯獨是沒有薑絲提供，否則簡直是完美配搭。豆漿$12(樽), $8/杯~豆漿有支裝及杯裝選擇，相當有彈性，由於夏天，筆者點了一支凍豆漿，店員告知是小甜，果然真的是小甜。葱油大餅$11~葱油大餅未算太熱，但葱味十足，溫度只是微暖，如果是剛出爐，一定拍案叫絕！生煎包$7~生煎包放涼了有點可惜，所以都是熱騰騰會感覺良好一點⋯⋯生煎餃~多菜少肉，筆者很喜歡，下次會試他們的蒸餃。整體來說:一支公來的好選擇，除小籠包外，很多都可以單點，見鄰坐的，在非繁忙時段，點了一支豆漿，像舊式餐居，邊點點食，一樂也。

上海包餃掂同滿堂樂係痴埋一齊既兩間舖頭同一樣都係星期日唔開雖然兩間雖然都係賣上海野但又會無乜野係重疊既呢樣好野包餃掂就賣點心為主夜晚都算早收收工黎到都只可以買到賣剩既點心所以基本只可以揀星期六過黎專賣上海點心舖黎講都算少有係有堂食既咁座位都唔多四張檯左右隨便坐半開放式廚房有時都可以見到佢地係店內坐係度包點心蒸餃子同蒸小籠包價錢都係7蚊隻蒸包就8蚊煎餃同煎包都係6.6隻已經夾走左一隻既生煎餃子入面好有肉汁皮好厚似鍋貼生煎包雖然都有肉汁但可能唔是即煎就咁係架車仔拎出黎就凍凍地小籠包就即蒸比較大粒飽滿賣相靚過豆腐大王好多不過皮薄好易穿要比較小心手寫單三款十四件加埋94蚊整體都唔錯幾好食不過會唔會擺耐左就真係要睇彩數可能多人食果時會比較穩陣同埋老店地方比較污糟同逼夾但當然點都好過外賣拎走食啦

有得堂食又有得外賣，好似叫外賣平啲(?)，外賣姨姨好nice，推薦我食乜嘢，又好有耐心等我諗食乜嘢。*小籠包(4隻)小籠包每一隻都包得好靚，一盒四隻，每一隻都完整冇爛。小籠包皮偏厚，對我來講係一個意外嘅發現，皮厚搭餡食好有口感，好可惜凍咗有少少硬。豬肉餡料非常足料，唔會太過油膩，仲好juicy。生煎餃 單隻外賣生煎餃同樣皮厚，煙韌香軟，冇生煎嘅脆外皮，但依然有果種焦香。餡料好多，非常足料，有菜又有肉，口感滿分，仲可以單隻買添。蔥油大餅 $9聽講呢度嘅蔥油大餅好出色，一定要買嚟試。蔥油大餅一定油，但食完唔會太滯太膩，蔥油香味偏淡，食落麵粉香多過蔥油香，勝在蔥粒好多，彌補番淡蔥油味。菜肉包 $8第二朝即刻買菜肉包食，熱辣辣嘅菜肉包。包身鬆軟，香噴噴，近餡料嘅包身過濕，口感欠佳。餡料肉菜半半，豬肉紮實+菜甜，有口感又帶肉汁，但餡料偏少。仲買咗一杯凍豆漿($6)，豆味普通，唔會太甜。

為了交收心愛的美戰，今天特意來到黃埔，而出門時，我仍未吃早餐。交收完，我放下心頭大石，可以安心吃早餐。我去了久違的上海飽餃店，上次來吃生煎包已是三年前了。今次來我想吃別的，試試不同的美食嘛，這次我品嚐生煎餃，我問店員阿姨生煎餃是不是鍋貼，她說是，所以喜歡吃鍋貼的，來這兒記住點它的生煎餃。生煎餃即點即煎，熱呼呼的，餃皮雖未去煎到超香脆，但勝在皮薄，其菜肉內餡鮮甜味美，且一咬肉汁源源不絕流出，吃時記得拿著碗子吃，免得浪費煎餃的精髓。

早上黎紅磡辦事後時間尚早，所以黎呢度食早餐叫左個生煎餃同埋小籠包生煎餃都幾大隻，外皮厚度適中，至於餡料方面，肉質不錯，還有肉汁，不是普通包裝餃子能相比不過賣１２蚊４隻，３蚊一隻，好似貴左少少－ｖ－到小籠包啦，１４蚊４隻，又好似貴左少少＝０＝不過，都叫做值得ｇｅ，事關真係做到皮薄餡令，而且一咬落去係有肉汁爆出黎，不過略嫌咸左ｄｄ總括黎講，呢間野係吃早點的不二之選，不過，建議外賣食，因為間野門面衛生好似麻麻但食物質素還是好的

今次一行4人!務求食多D5點去到 唔使等位急不及待叫野食!生煎飽 豬牛各2蔥油餅X2花素蒸餃X1小籠包X2生煎餃X4生煎飽小小凍左 但係仍然食到肉汁 包o既厚度岩岩好牛比豬好味 味道上濃郁啲蔥油餅食入口好香好香 仲要唔油先係重點 好多蔥 厚度係岩岩好 仲會剪開少少上次2人行黎食平時唔多食蔥油餅o既我都食左成塊仲想黎多件$9 2件 物超所值!生煎餃個底已經唔脆口 可惜但係肉汁仍然保存得唔錯肉都係好香好甜花素蒸餃 大愛!菜既配搭好好入面粒菇令到成個餃生色不少!同黑醋配合得好好小籠包 真係好熱 皮好薄但唔會穿放一陣先食會更加好 因為唔會爆汁本身唔諗住影入面 但見到佢咁多汁真係忍唔到手!------------上次------------菜肉蒸餃 即叫即蒸!味道OKAY! 肉汁滴哂出黎 豆漿 味道適中 唔會太甜佢8點鐘收工 我8點4,5 先WALK-IN佢都無比無色我睇仲好好態度!所以我先會再黎!------------------------------美中不足係 始終鋪頭好細 睇到哂佢洗碗 同埋廁所喺正隔離(無味) 咁就扣小小分啦不過野食好味就無所謂啦