越好

Open Now

Now Closed

呢日請咗半日假到連城辦啲事，未夠鐘搵間餐廳坐低食個下午茶先~ 連城一樓餐廳林立，諗咗一陣決定試吓呢間唔洗排隊但網上評價又唔錯的馬拉過江龍！睇吓越好下午茶 menu 先～第一次食，點咗生牛肉湯河($45)，有三大塊牛肉，都厚嘅，湯底都OK～下午茶套餐包一杯熱飲，有得揀美祿😁 (咁啱後來坐我對面的食客都揀同一個組合，人氣之選？)另外忍唔住加咗$18 有我至愛的炸蝦餅，剛炸起，熱辣辣，正呀😋蝦餅望落大塊，但如果厚啲會更好，哈哈！

話說今日打完疫苗, 趁身體未有反應, 拿拿林同丫妹係附近搵間餐廳速食再回家休息。丫妹話平時經過見到有間粉麵餐廳幾多人幫襯, 有興趣試試。餐廳面積唔大, 除散叫, 更有一人同二人自選套餐, 更加抵食!【二人餐】HK$176 自選兩款主食、兩款小食、飲品兩杯生牛肉湯河: 牛肉浸係熱辣辣湯底上檯時仲見到色澤粉嫩, 肉質鮮嫩, 湯底味道濃郁清香, 自行加入青檸汁、辣椒粒, 清新惹味, 滑滑河粉索咗些少湯底, 更加好味又大碗。熟牛腩湯河: 熟牛腩夠晒林, 牛味香濃juicy, 而且份量幾多, 值得一試!越南炸春卷: 外層超酥脆, 一咬脆得有聲, 入面有碎肉、粉絲、雲耳絲, 很有層次, 點少少酸汁, 更加開胃。 炸蝦餅: 外層香脆不油, 扁薄蝦餅鮮甜彈牙 紅豆冰嘅紅豆較少, 食起黎甜甜地唔硬, 淡奶味偏重。+$3恐龍美祿: 美祿頂層加了cream+美祿粉, 入口更加香滑。

成日都覺得新城市好多餐廳都偏貴，今日就比我搵到附近都可以友又平又好食嘅美食！今日要食嘅係喺連城廣場一樓嘅「越好」，雖然舖頭一眼睇晒，餐牌都係得一張，勝在食物質素都拍得住帶餐廳！我哋叫咗：香茅雞扒撈檬雖然塊雞扒冇咩香茅味，但甜甜地，而且肉質鬆軟，同凍檬嘅味道幾夾。而且夏天食凍檬簡直胃口大增！佢嘅酸汁亦比其他餐廳鹹，所以食落都幾濃味😋生牛肉湯河牛肉煮到半生熟，肉質嫩口，湯底夠濃郁，而且夠大碗，唔使驚食唔飽，正☺️炸越南春卷雖然細細條，但餡料十足，豬肉碎配上香菇，再加上炸到脆卜卜嘅外皮，食落去好有層次！😍蝦醬雞中翼蝦醬味唔係好濃，似普通炸雞翼，不過賺得夠脆夠熱，都幾好味。美祿同蜂蜜柚子茶最後叫咗兩杯飲品，特別要講下美祿，因為佢有啲似麥當勞嘅美祿恐龍，上面有好大嚿cream痛朱古力卜卜脆，正🥰最後埋單約$180，沙田黎講算抵食，性價比極高！😉

今晚收工之後專登入咗沙田搵個朋友食飯，佢收七點我過到去就岩岩好😀佢話呢度有間黎自馬拉既海外首間分店正宗越南菜想試，我當然有興趣啦！😆朋友叫咗生牛肉湯河同咸檸七，我叫左豬扒撈檬扣底同熱菊花薑蜜，另外加左碟清湯蛙蛙菜share～生牛肉河湯底非常濃郁，飲得出係真材實料淆制好多個鐘而成👍配埋嫰滑既牛肉一齊食，滿滿既牛味超正🤤🤤我既撈檬有超多配料😁 包括醃製過既紅蘿蔔同白蘿蔔，青瓜，生菜，芽菜，酸菜，樣樣都好爽口令人特別開胃🙊豬扒煎到金黃色好靚仔👏 完全唔會覺得油膩，肉質偏瘦但一啲都唔鞋口，食落帶啲香料香味，調味適中👍呢度撈檬既汁比起連鎖越式餐廳更濃郁，連鎖果種係無乜料偏酸，但呢度係偏多蒜同辣椒，所以食落會更加香辣惹味😋 清湯蛙蛙菜水準正常份量合理～熱菊花薑蜜既薑味比較突出但唔會話太辣，加左蜜糖同帶啲菊花香味就更加易入口😊除左檬粉同河粉呢度仲有飯類提供，我見附近幾檯都有唔少男士叫飯食，賣相仲幾吸引，下次可以再試😂

最近天口㷫想吃點開胃的菜式，上網發現這家越好好像不錯就去試試。餐廳裝潢以黃色為主調，十分型格醒目，感覺摩登時尚，座位亦寬敞舒適。餐廳是來自馬來西亞的過江龍越南餐廳，一看餐牌已經知道十分對辦，提供不少正宗地道的越南菜式，小食、飯、粉麵、特飲均有提供。越南炸春卷先來一客越南炸春卷作為前菜，炸得香酥鬆化的春卷，入口爽脆而味道輕怡，油而不膩，配撘特製醬汁酸甜微辣，十分開胃。蝦醬雞中翼雞翼炸得外層焦香酥脆而內裡嫩滑，雞肉肉質軟嫩不乾澀，味道鹹鮮，刺激味蕾，十分惹味。越好花腩飯一看已經十分對辨，肥瘦均勻而又厚切的五花腩肉，肉汁豐盈，甘腴可口，配上秘製的醬汁，椰香濃郁，有味道上的驚喜，同時又可減低五花腩的油膩感。生牛肉湯河最後少不了一碗Pho，先淺嚐一口湯底，味道豐厚濃香，令人食指大動。牛肉的份量絕不簡單，生熟程度恰到好處，軟腍入味，同時牛味濃郁，水準之作。蜂蜜柚子茶/恐龍美祿蜂蜜柚子茶純粹天然果酸果香，蜜味比一般的糖醋美妙得多，酸甜適口，腴而不膩，另一杯馬拉國民飲品恐龍美祿，滑膩柔美，味道香甜可喜，是夏日佳饌。

喺沙田除左去新城市廣場搵食其實仲可以去連城廣場都係同新城市痴埋既商場黎相對上會有更多平價啲既選擇💁‍♀️喺果頭諗唔到食咩可以試下晚市叫左二人套餐 $168唔洗加一～包左主食x2+小食x2+飲品x2👉🏻生牛肉湯河(二人餐主食)份量都幾多牛肉又五大塊食落幾嫩滑 牛味都重又唔會太薄 啲牛肉堅係唔錯！湯底幾清甜唔會油膩 亦都好越式河粉下面有好多芽菜 都淋晒索晒汁～👉🏻炸蝦餅份量都ok 有4舊蝦餅食落都幾彈牙同結實👉🏻炸春卷呢個有6舊 比想像中多都炸得香口入面配料有粉絲、雞肉、木耳...食落都幾豐富！🥤自制香茅茶呢個飲落唔會太濃 清清地又唔會過甜香茅味都幾重 唔錯🥤鹹檸7平時呢個係要加錢既嘢飲🤣都係正常水準～有汽就是爽啊！Btw cover張相影唔到牛肉🤣佢上菜既原貌黎🥴禾稈冚珍珠啊🥺😋：7/10🦖🦖🦖🦖🦖越好💸價錢：人均$100內(dinner)📍地點：沙田沙田車站圍1號連城廣場1樓109號舖

連城廣場新開左呢間越好簡值係沙田區居民嘅福音。地點又方便又近新城市廣場，食完可以行下街，濕平下。今次係繁忙嘅lunch time再食越好，唔駛等位。今次感覺牛肉份量比以往少了一些，不過中肯來說，味道還不錯。不得不提係蝦餅，必食，即叫即整，就算唔沾泰式醬都好美味。

喺新城市想食Pho，見到新開既越好，裝修都幾靚。食越南餐必點一定係生牛肉河，湯夠熱又夠鮮味，食完飲埋湯都唔會口渴證明無添加！仲好貼心有埋青檸同埋新鮮辣椒。小食叫越式春卷同埋蝦餅，炸到脆卜卜之餘又唔會乾，CP值高。青檸梳打亦都係食越南餐嘅精髓，今次特別叫咗走甜，但係青檸味十足非常好。暴龍美祿幾特別，有cream有可可脆，不過如果再濃啲就好啦～

生牛肉湯河 $58湯底夠濃又夠熱，好香牛味，湯頭係鮮甜的，配上幾多香葉及洋蔥等，味道即時提升不少。生牛肉都頗多，浸一浸緊緊熟就特別嫩滑。湯底正，牛肉靚，就連河粉口感都好得，滿分之作。四寶湯檬 $60四寶包括生牛肉、牛丸、牛𦟌同牛腩片，各款都係水準之上，好滿足。厚切牛𦟌，筋肉分明，有肉味又唔韌，必食。需要大讚的仲有小食，份量多、熱辣辣又好味。炸魚餅 $36一客五件都係三十幾蚊，真係超抵食。而且新鮮炸起熱辣辣的，魚餅有魚味，亦有香草味，點埋辣椒魚露真心正。炸春卷 $36亦都係超高 CP 之選，一客有六件，皮脆饀料多。炸得幾好，唔油膩，熱辣辣好滋味。剩係望住D小食已經好治癒了。熱奶茶 $13青檸梳打 $22

來自馬來西亞我越南餐廳總終於落戶於香港沙田區貴為過江龍當然被人寄予厚望一張過的菜單簡單易明精簡我們兩人點了Phovietz二人餐數款主菜中選了生牛肉湯河和豬扒飯生牛肉湯河湯頭清甜有足夠羅勒和香料浸湯後牛肉呈新鮮的粉紅色牛肉味濃郁口感非常嫩滑是在越南街頭吃到的正宗味道越南豬扒飯在太陽蛋蝦片和醃菜豬扒用香濃的香茅醃制風味十足口感鬆化越南味大足大口大口白飯吃不停口小吃點了炸春捲和牛油雞翼兩款小吃也是即叫即炸雖然熱氣外皮脆口吃得不亦樂乎飲品有比較特色的香茅茶不用飛去河內也能享受越式美味