泰好味

Open Now

Now Closed

幾年前如有人朋友問我好味又抵食的泰國菜在哪，我必推介這間泰好味，但年半前入咗鋪之後，人客多了，食物水準卻了不少，及後就無再來幫趁。這天在旺角睇傑志對越南，完場後心血來潮吃泰菜，決定俾多次機會佢，便和食家及好友再來幫趁。已十點半人客不多，就坐在舊鋪的路邊位，以往認得的店長及待應看似轉了。吃泰菜當然要喝啤酒，泰象與藍妹都是$26，唔洗諗當然叫藍妹。先來一碟「生蝦刺身」$68，猶記得八年前第一次來吃，才$48已有8隻生蝦，現在卻只有5隻，百物騰貴，物價飛漲也沒辦法，只有對面前的刺身珍而重之嗒真尐，生蝦大大隻肥美飽滿，吃落鮮甜爽口彈牙，超正，店家提供的辣汁是生招牌，惹味，辣度強，正﹗友人想吃螺，點了碟「白灼東風螺」$68，螺細細隻但新鮮，不用蘸醬也吃得津津有味。「燒生牛肉」$68份量不多亦不厚切，但片片燒至七成熟仍帶殷紅，多汁肉味濃有烤香，味道很好﹔燒雞翼亦不差才$12隻，男人老狗最愛就是大魚大肉，這牛肉很合心意。我同食家愛來泰好味的原因，其中便是因這碟名物「泰式辣魷魚沙律」，其辣汁惹味非常，追求刺激的朋友不得不試，吃後是先甜而後辣，辣勁十足，額角開始冒汁，直至全身，魷魚份量多，爽身有嚼勁，辣

在Openrice紀錄為我的心水餐廳只有五六間，泰好味是其中之一。價錢相宜、美味、份量足、服務好又露天坐街邊，就是這幾個條件已令我對佢一試難忘，幫趁了已有五六年，凡想起泰國菜，總是泰好味優先。半年多沒來，意外地發覺小店已擴充，加租用了隔離的糖水鋪做室內鋪，座位即時多了一倍有多，這叫有麝自然香，食物質素水準保持，自然客似雲來。先來一碟生蝦刺身$55，是這兒的名物，蝦大隻，新鮮爽口綿滑，即叫即剝。配上辣度十足的辣汁，異常醒胃，四個人吃一碟絕對不夠，故先後order兩碟分享。食家偏愛這兒的無骨鳳爪，鳳爪份量足，一碟滿滿的，做得爽脆好吃，酸辣度適中，不到十分鐘已成碟清哂﹗泰式魷魚沙律是每次必點的美食，魷魚軟身彈牙，辣度驚人，對我地呢班嗜辣之徒絕對是一大挑戰，明知山有虎卻又偏向虎山行，辣完送兩啖啤酒順順氣又再來一件，再辣再隊啤，這正是沙律可愛之處﹗炭燒豬頸肉份量足，豬頸肉於烤後不會太肥膩，是下啤酒的良物。串燒雞肉，醬汁偏甜，還是原始一點的沙爹最好食﹗最後來個泰式炒通菜作結，連六支泰象大啤，最後埋單$440，4個人一人也只是$110，極抵食，難怪未到八點已要等位，看來下次來吃要早點霸位為妙﹗

九龍城有很多間泰國菜館，除了泰式燒烤外，我對這間情有獨鍾，因為價錢實惠，有風味，而且食物質素高。而點解會係有風味，因為暫時環觀九龍城咁多間內，暫時只係得呢間需要係坐街邊，原因是店內只能容納兩至三張枱，有需要時，佢地會將d枱set係門口及隔旁的橫街內。現在正值寒冷季節，可以一邊食辣野，一邊吹住風，仲唔係有風味。其實有無風味都係其次，最重要食物好食，而這裡正正做到大件夾好食，價錢比同區平了一至兩成。以生蝦刺身作例子，一般為70蚊一碟，而這裡只賣48一碟，價錢真的平了很多，而且質素幾好。生蝦結實爽甜，咬落彈牙，自家製的酸辣汁更加係味道超正，超惹味，沾上少少已覺得辣，但又不能不沾，這辣汁正是令生蝦刺身味道昇華的導引。小食拼盤又是抵食之作，整個拼盤只收55蚊，已經有蝦餅、春卷及炸蛋，先講炸蛋，炸蛋非常之好味道，香脆既外層包著軟糯既皮蛋，雖然蝦膠的份量不多，但正是更好味的根源，平時食炸蛋，蝦膠份量與皮蛋份量相約，只會令皮蛋味道被蝦膠味道蓋過，而這裡則不會有這個問題，兩者得到均衡。蝦餅看似普通，卻是一道功夫之作。蝦餅炸後，外層香脆，內裡煙靱，自家製的蝦餅果然不同凡響。但春卷則不能與上兩者相題並論，如

睇一睇0的食評原來自已成半年無來，以前差不多個個星期都來食，不過夏天真係無辦法，汗流浹背又怕熱，見今日涼番少少就一行三人來泰好味決戰生蝦﹗唔洗多講一坐低除了啤酒外就係生蝦兩碟，一碟九隻又肥又飽滿，口感軟糯而豐膄肥美，配上辣汁同吃更覺惹味提鮮，仲要只係賣四十蚊碟真係邊到搵，人間之極品﹗再來酸辣無骨鳳爪，鳳爪大隻而肉質爽口，可惜唔太入味。本來叫魷魚沙律，唔知阿姐做咩又俾左個海鮮沙律俾我，既然整左就照食啦，海鮮有青口、蜆、魷魚、蝦等，海鮮均新鮮，但就汁未及魷魚沙律的辣，可以做得更好的﹗最後要多個泰式拼盤，有皮蛋、蝦餅及春卷。皮蛋口感外脆內軟，蛋心夠綿吃落滿口生香，正﹗春卷就工友十分熱愛，細細條易入口炸得香脆，送啤酒是佳品﹔蝦餅彈牙香口，吃得出的生打口感，這個拼盤很不錯﹗食四樣野兩好兩麻麻，下次改番食魷魚沙律唔要鳳爪就PERFECT了﹗