泰仔美食

Open Now

Now Closed

九龍城一向多野食，今次食泰國菜！位置都近地鐵 幾易搵食泰國野 必點嘅生蝦 新鮮，配埋蒜頭同汁 調出個味！冬蔭功 少少辣 夏天飲下夠哂爽包包 我地點埋下面個咖哩汁食咖哩牛 估唔到又幾好食 個咖哩幾香 好開胃金邊粉 合格 份量十足 生菜包 正常發揮 食得多會覺得有少少少辣 通菜

呢間之前呀哥推介過~「泰仔」 都喺第一次試環境同一般嘅泰菜店差唔多，座位都幾多，不過就排得密咗啲。叫咗生蝦、燒雞翼、泰式炒粉絲、燒魚、泰式拼盤、蝦醬炒菜...生蝦好肥大，沾咗泰式辣醬真喺冇得頂呀!雞翼燒得好好，非常香脆，不過就調味不多，建議沾啲泰式辣醬一齊食仲惹味~泰式炒粉絲味道正常，料多過啲粉絲，如果粉絲比例多返啲 balance返會更好條魚都幾大條，以燒黎講唔算老，沾個辣汁幾開胃。拼盤就件件都好大件，好足料，所有炸物都好香脆!個菜幾新鮮，而且調味剛剛好，幾惹味飲返杯啤酒爽到爆~

生蝦。佢d蝦的確好大隻，多肉。但未夠爽，有點融融地嘅感覺，咬口唔夠爽膽，亦未必夠甜。西柚沙律。佢係4碟食物之中最出色的。料很足。面頭的花生和蒜粒令到整碟沙律更有口感，又帶種咸咸地嘅味。而沙律嘅蝦亦較爽甜。滿意。豬頸肉。唉，佢有陣焦味。我覺得個豬頸肉調味不足，甚至有陣獲嘅怪味，不過朋友話食唔出。我只好不停點醬食去cover陣異味。不過佢勝在夠大碟，又$$38only。Pad Thai。同樣啦，有陣焦味，麻麻了。整體上有點失望。因見食評不斷好評，但。。。。。。。。。

每次黎到九龍城 必定會食泰國菜 呢度除左好食之外 夠晒正宗 泰國人主理 黃珍珍及小曼谷以外 好食既推介 象啤 食泰菜 指定動作 生蝦 唔係每一間都 好食 呢度絕對 推介 加埋 泰汁 野味濕炒河 調味一流 河粉 重要炒過底 有心機 要讚呢個 燒側魚 至愛 用盬燒 條魚 好大條 鮮味十足 裡面燒得 剛剛好 又滑 十 分推介 下次要再黎先得

一講起九龍城，第一時間諗起泰國嘢！但由於泰國餐廳太多，其實一下子都唔知揀邊間好⋯途經九龍城南角道見到有間餐廳特別多人等位喎!！多人等位實冇伏啦！結果連店名都未望真，好啦！就等呢一間！想當隨心～等咗10分鐘左右，有位入得！非常好～安排座位嗰個男人唔知係咪老細呢，相當nice,笑容滿面，未食都已經加分啦。店內其實不算大，但坐滿客人！場上都貼滿食物嘅相片，未睇餐牌之前，其實都可以睇住相先～餐牌到手先知原來呢間叫「泰仔美食」，哈哈，通常用泰妹多，泰仔真係第一次見！乜泰仔唔係打開泰拳嘅咩？識煮嘢食？^^兩丁友一定食唔到多嘢，唯有精揀啲啦。一定要食生蝦啦，每次必叫！香葉肉碎飯、柚子沙律、三味烏頭，加多杯芒果沙冰就夠喇！首先嚟到嘅係生蝦！嘩，一碟有六隻，而且隻隻都好肥美！用生蝦沾沾泰式辣醬再食，嘩～好新鮮，肉質仲好彈添！加上辣醬嘅刺激，好味！柚子沙律，睇得出師傅好細心，將柚子剝皮，再一分3至4件上，唔會散到一粒粒，件上口感更豐富，啖啖肉嘅滋味好實在。已焯熟嘅蝦肉去殻都幾大隻，仲有一片片炸香嘅紅蔥頭片，口感好得意，甜甜地，幾好味喎！醬汁酸酸甜甜，唔辣嘅。香葉肉碎飯要咗牛肉，呢個炒飯相當正宗，同去泰國食