Boire et Manger (Closed)

星期六6:30左右黎到，都差唔多滿座，有book位套餐可享85折。餐廳細細，裝修簡單，有小館嘅感覺，都舒服。但唯一唔好既，就係廚房係餐廳後方，油煙通風系統應該麻麻地，成餐都有好大油煙咁嘅味道。晚市套餐好多野食，仲要有85折。生蠔兩隻、餐湯、煙三文魚他他、主菜及甜器、飲品。生蠔🦪唔夠肥美，唔算腥，無咩海水味，但跟餐送都算ok。餐湯係粟米湯，食到粟米茸，感覺太清新，我麻麻地。餐包個dough都幾煙靭，仲搽上橄欖油。前菜都真係幾多，仲有迷你三文魚他他，雖然細，但都有隻生蛋喺上面，有洋蔥黑椒香料調味。不過洋蔥都切得幾大粒，口感都有啲搞笑，偏重口味嘅。巴約納火腿意大利細麵條（$198）呢隻麪質地有別於普通意粉，好似手工意粉咁，比較薄同掛汁。個醬汁唔會好膩，火腿唔會好鹹。覺得唔錯。安格斯封門柳（套餐$438）五成熟，感覺細份咗少少。牛味唔出，但係個肉質幾好，好霖唔靭。跟餐甜品有心太軟或法式可麗餅（兩個都有雪糕），揀左後者，正正常常，皮都有少少脆薄，唔太甜但都唔香。跟餐Iced lemon tea，唔使加錢，但個茶底好怪不過食完成餐飯，最大嘅感覺都係好油煙。

經過比餐廳門面吸引，餐廳主打法國菜, 位於灣仔, 就近地鐵站, 以Tiffany Blue 顏色為主調, 餐墊同座位都用上湖水藍色, 配上淺木裝潢, 環境坐得好舒適又岩打卡, 好岩情侶黎撐台腳, 慶祝或者一班朋友黎飲返杯好chill😝🔸Dinner set: 法式油封鴨脾 ($358)成個set包左餐湯餐包，兩道前菜，主菜，甜品，飲品，性價比好高😁餐包輕輕烘過，咬落好酥脆，配埋磨菇湯好香濃開胃~🔹前菜: 生蠔 (2隻) 我平時好少食生蠔, 好怕腥, 但呢個食落唔腥, 海水味唔太重, 肉質肥厚仲好creamy, 幾新鮮, 好有驚喜! 加D檸檬汁tabsco，令生蠔更提鮮!🔸前菜:法式香草焗田螺 黎到我最鍾意嘅法國菜- 法式焗田螺, 係法國菜嘅經典, 入口滿滿牛油香+蒜香香草汁，田螺口感彈牙有咬口, 幾唔錯!🔹主菜: 法式油封鴨脾 鴨髀肉肉質好腍身，鮮嫩多汁，一切就好似骨肉分雜, 好入味, 加埋蘋果醬汁好夾😍🔸甜品: 法式可麗餅配榛子醬雪糕甜品可以揀可麗餅或心太軟，我就揀左可麗餅, 可以自己揀唔同嘅口味，我揀咗朱古力榛子醬, 一黎到份量好大又夠薄身, 滿滿嘅榛子醬好邪惡, 加埋朱古力味雪糕

今日搵食黎到灣仔，同大家介紹一間親民法國菜 - Boire et Manger🇫🇷 餐廳位置好近地鐵站，非常就腳，大概5-10分鐘路程就行到👍🏻店內裝修以藍色為主調，都幾舒服同幾岩打卡架😝野食方面，我地叫咗兩個晚市套餐包括：餐湯餐包、兩道前菜、主菜、甜品同飲品，非常豐富，性價比仲相當唔錯😁首先黎嘅係➡️餐包同磨菇湯，餐包輕輕烘過，咬落都夠鬆軟，味道唔錯，加埋非常香濃嘅磨菇湯夠哂開胃，水準唔錯👍🏻之後黎到前菜➡️”生蠔”，一人兩隻，雖然生蠔較為偏細，但食落唔鯹，好新鮮，仲好creamy跟住到前菜➡️”法式香草焗田螺”，田螺牛油味好入味，咬落爽滑，仲有薯蓉伴碟，旁邊仲有酸甜醬汁，更加鮮味😋到主菜啦，我地叫咗個➡️”法式油封鴨脾”，鴨髀肉肉質鮮嫩多汁，加埋蘋果醬汁非常好食，真係值得一試😍另一份主菜係➡️”烤社格克豬扒”，豬扒烤到岩岩好，咬落仲好多肉汁，佢同鴨脾都係配蘋果醬汁，味道好夾，不過值我一提係佢個芝士啡菇，芝士味香濃，菇仲非常特出，非常唔錯👍🏻之後黎到甜品，我地叫咗一個➡️”法式可麗餅配榛子醬雪糕”，一黎份量出奇地咁大，滿滿嘅榛子醬同朱古力味雪糕，夠哂滿足😍另外一樣甜品係➡️”朱古力心太軟”，外皮鬆

法文"Boire et Manger"譯作 'drink and eat'，亦係呢間餐廳嘅名；位於軒尼詩道、灣仔B1出口轉左行無幾遠就到，好sharp嘅藍色門面非常易認。放工時間條街好繁忙多人，一入餐廳個氣氛同外面完全係兩個世界，喺度食晚飯感覺偷得浮生半日閑新鮮生蠔 2隻Complimentary Fresh Oyster 2pcs> 自己腸胃比較敏感，如果食到唔新鮮的生蠔好快出事！呢度嘅新鮮度okay，雖不是大隻厚肉但也清爽鮮甜法式香草焗田螺Garlic Escargot & Green Herbs > 螺肉彈性有咬口、焗得出色香味四溢，點下旁邊嘅汁甜中帶小小辣幾惹味是日餐湯 ~ 紅菜頭湯Beetroot Soup> 唔會太稠身，飲得出紅菜頭果份清新香甜味，湯面放咗少少乳酪入口較滑法式田園焗雞(半隻)Roasted French Half Chicken with Mashed Potato, Seasonal Vegetables, Rosemary Sauce > 焗得唔錯好香、中間位都熟透整體入味，雞脾位較嫩滑。薯蓉打到好creamy幼滑朱古力心