紅煙窗餐廳

Open Now

Now Closed

性價比高，食物種類多元化，冷盤、熱食、刺身、甜品都齊全。新鮮生蠔任食，重蠔味，尚算肥美，不過去到自助餐尾段，就會比較瘦，長腳蟹腳重海水味，味道比較咸，不太鮮甜，刺身種類約5-6款，三文魚刺生肥美，厚身，鴨肝多士入口即化，配上黑醋醬汁解除油膩感，好味，多士會有變化，一開始會配上法包，之後就配上麥包方包，甜品種類豐富，有蛋糕、慕絲，自助pancake，仲有Hagen Dazs雪糕，😋海鮮狂熱自自助午餐值得回本。環境都不錯，有BB櫈提供，但未有BB餐具配合。

冷盤種類唔多，只有生蠔(偏細隻)、小龍蝦、青口同蝦。(之前聖誕食過一次lunch buffet有蟹腳，價錢當然貴d)。前菜有中華沙律同螺肉。壽司有三文魚、火灸三文魚、墨魚等。刺身有三文魚、蟹柳、玉子等。熟食如牛扒、炒蛋、炒菜、三文魚卷物、燒物(剛剛燒好既更加好食)等屬正常水準。中式糕點：豆沙煎堆，硬到食唔到，似擺左隔夜既感覺(以前食過好軟熟好好味架)；芝士沙翁，沙翁唔夠軟熟，芝士好膩。甜品有Dryers雪糕(朱古力同綠茶味)、Dryers雪條(朱古力同芒果味)、豆腐花、自製熱香餅、蛋糕、自家製甜品。飲品有橙汁，柑橘檸檬，仲有熱朱古力。體而言，環境都幾舒適，又乾淨，唔會好嘈雜，收碟速度都算快。惟熟食款式比薈景少好多，不過尼個價錢同食物質素都算合理。如果想過下食自助餐既口癮,，紅煙窗既lunch buffet都算係唔錯既選擇。(個人口味:3/5)(價錢: $268 八折再加一)

是日，本人與家人一起預早慶祝父親節。因Budget有限，但家父又想食有生蠔的自助午餐，故經多番挑選下，終於找到這間三百元有找的餐廳。 海鮮冷盤：於現場所見，海鮮冷盤有凍蝦、螺、長腳蟹、青口及生蠔。而本人只主品嚐了生蠔及長腳蟹。長腳蟹腳味道尚算不差，但即使用膠剪，肉與穀也較難分離，感覺不太新鮮；而生蠔不算大隻，但頗有海水味，口感不俗，值得一提的是，本人以往享用的自助餐，只會選擇一些由餐廳職員每次限量地分發生蠔給食客之餐廳，因本人十分不喜歡與人「鬥搶」生蠔，唯是次於這間餐廳的體會中，見到餐廳職員不停添加生蠔，而從未見到放置生蠔的地方是全清，讓眾食客（包括本人）可悠揚地因應自己能力而取多少隻生蠔，這確值一讚。 熱食：本人品嚐了蟹蓋、魚蛋河粉、中式點心、粥、牛肉及魚柳等，味道皆不俗。 刺身：本人只食了三文魚刺身，餐廳職員不吝嗇地厚切，感覺肥味且新鮮。 甜品：甜品種類不少，而本人則最喜愛吃豆腐花及D字頭雪糕。 服務及環境：衛生情況不錯，服務員態度有禮，他們每次執拾餐桌時，皆會說「不好意思」或「唔該」，唯收拾的效率則一般。此外，最值得一讚的是，該用餐時段為1200-1430，但到1410，仍見服務

每個家人慶生 必定自助餐 既可滿足不同口味 又可以有生日蛋糕送 開心的又滿足的一晚啊。說到環境 寬敞 闊落 每枱之間沒有壓迫感。服務專業 有禮貌 收碟快 有幾次未食完就想收走。最正係有任飲金橘檸檬和橙汁 味濃 好飲。 仲有各款雪糕 黑白朱古力噴泉 多種甜品 蛋糕 豆腐花和鮮水果。還有勁多熟食。今次誠意推介 係因為1.好食 👉真心樣樣都新鮮 好好味 2.抵食👉以396元來說 仲要有埋生蠔 勁抵食3.又可以慢慢食👉6:30-9:30成晚又可以慢慢食。總括：下次想食自助餐 必定誠意推介

復活節同屋企人去食lunch buffet , 揀咗佐敦恒豐酒店嘅《紅煙窗餐廳》。之前食過几次呢間餐廳嘅dinner buffet，感覺唔錯 ，今次見復活節無加價，跟平時假日同價 ，成人$288/位加一，小童$248/位加一，有生蠔、長腳蟹 等正嘢食，仲每人送一蛊椰汁燉官燕 ，午市都咁筍，一定要試 喇！是日一家人12點零鐘到達餐廳，場内已有不少客人, buffet一開始，更是人頭湧湧……首選生蠔、加拿大雪場蟹腳 : 餐廳一如過往慷慨，生蠔源源不絕，任攞唔嬲 ！生蠔肥美，鮮甜無沙 ！雪埸蟹腳, 肉質鮮甜爽口 但有少少鹹，無咁一流！我哋食完一碟又一碟，簡直係回本美食  ！接下來食下刺身+壽司 : 三文魚刺身/壽司 ，厚切新鮮肥美 ，油脂甘香 ，口感豐富！立魚壽司 , 新鮮唔腥。吞拿魚壽司 有魚香。玉子刺身/壽司 : 甜蛋好好味！翡翠螺、沙律 : 翡翠螺，夠新鮮爽脆 ！沙律 配料多多，生果鮮甜！熱盤種類巧多  : 蝦餃，有大大隻爽蝦 ！燒賣、牛肉球等好好食，唔會差過高級酒樓！搞到大家點心都吃多一次 , 尤其小朋友！燒牛扒 ，薄切肉質唔會韌，剛剛好！香煎

本人食量不大, 但又鍾意多選擇, 見有75折 所以2星期前Book咗呢間自助餐試吓。準時6:30到了, 環境裝修簡單整潔。自助餐來說食物款式齊全, 冷盤有生蠔, 蝦,螺,青口,麵包蟹及刺身等, 生蠔一般, 刺身頗新鮮 。 熱盤有龍蝦, 鵝肝多士 (有少少乾), 串燒, Prama Ham +蜜瓜,仲有多款甜品及沙律。由於全場滿座, 職員都忙於refill食物,很有禮貌, 總括來講, 性價比高值得一試。

預早兩星期前booking自助晚餐,由於有朋友生日, 所以詢問有否生日優惠, 職員說只有畫碟服務, 都ok啦因為橫掂有75折coupon.用膳時間由1830~2130, 我們1930到達,已有9成入座率, 大部分人已吃得如火如荼, 有些人已經食緊甜品~冷盆有蝦,螺,青口,麵包蟹,和生蠔,職員都密密手re-fill, 質素方面都夠凍和好新鮮,生蠔方面不太鹹, 我很喜歡, 但有些蠔殼.麵包蟹的蟹蓋出奇地多羔, ,刺身有甜蝦, 三文魚, 帶子等.是新鮮的,但無什麼驚喜, 刺身師父可能很累, 不知道是黑面還是沒有表情~Prama Ham +蜜瓜 or 哈蜜瓜兩款瓜乾身無乜汁又硬, 好似吹左好耐風咁, 唔好食.海龍皇湯個湯就好味道, 但隻海龍皇(龍蝦)已經變到很堅韌和無味…..熱食方面還有很多選擇還有炒麵, 炒飯, 炒菜, 燒和牛串, 燒菠蘿, 燒雞亦, 燒牛肉片, 鵝乾多士其中炸魚塊, 蒸魚, 薯角, 脆薄片,蒜蓉青口是非常唔錯甜品有haagen dazs雪糕, cream cookies, vanilla, chocolate, strawberries, 奶凍, pancake等等~朱古力

由於本身食量不大，自助餐通常都是大伙兒一起用膳才會選擇，否則只是難為了自己的肚皮。這里的食物選擇都幾多，味道算不過不失吧！沒有哪款食物特別出色，但又不會難食到列到黑名單，與價錢相乎。最喜歡的反而是酸到入心的芒果雪糕。通道很寬絡，環境很舒適，很適合聚餐。

新鮮, 部份有殼碎------------------------------ 蟹腳好多雪水 青口意外地好creamy!------------------------------ 最愛的前菜------------------------------ 意大利飯吸收左牛肉脂肪味,正 但肉鞋左d------------------------------ 每位一客, 味道濃啖啖肉------------------------------ 燒得岩岩好, 唔un無騷味------------------------------ 食物種類唔多, 整體味道都ok, 服務周到總有個侍應係附近

同事揀了6條1的大好日子結婚, 棄用傳統的婚讌, 採用自助餐形式, 地點揀了紅煙窗, 這裡新裝修, 環境比以前光, 感覺較為舒服今日用餐的MENU跟酒店而家做緊的promotion 一樣, 都以「龍蝦熱戀」意法日為自助晚餐主題, 每位更奉送法式芝士焗龍蝦半隻, 可惜芝士味不夠, 蝦肉不多但尚算彈牙自助晚餐提到有的Risotto 三重奏（鵝肝、鮑魚、M5 和牛）、馬賽海龍皇湯、黑松露鳳片炒桂花蚌、洋蔥煙肉焗蠔、烤瑞士芝士、加拿大雪場蟹腳、美國生蠔、意大利巴馬火腿、日式鐵板燒羊扒、壽司和魚生, 在甜品方面，北海道牛奶布甸、木糠布甸、和 Movenpick 雪糕都有供應M5 和牛的Risotto , 細細杯, 先嘗意大利飯, 可惜入口乾身, 和牛又不吸引, 可能擺放太耐而導致, 所以整杯都不想吃馬賽海龍皇湯有蝦, 青口等的海鮮, 味道濃郁, 入口偏咸黑松露鳳片炒桂花蚌以甘荀, 西芹等材料同抄, 要在茫茫配料中尋找它(桂花蚌)真有點困難加拿大雪場蟹腳很甜而且肥美, 而店方有提供鉗給我們, 感覺貼心美國生蠔偏瘦, 但味道尚算淸甜, 還有焗蠔供應, 味道同炒桂花蚌一樣, 給配料搶去了味道魚生是即叫

見到呢度食評都不錯，所以約朋友一起去試。環境及服務遠比想像中很好。生蠔很肥美但不夠鮮甜，海鮮類食物不太新鮮，味道比想像中差；甜品賣相不精美，但味道卻不差；尤其燒菠蘿味道很好，很特別。雖然食物選擇不多，但比其他酒店有心思及特別，例如冬菇餃子，雜菜蝦餅等。

父親節前夕一家去了紅煙窗食buffet celebrate餐廳的環境不錯, 特別喜歡每張枱都有一盞小燈而且坐椅亦挺舒適, 不會有種好"碧"的感覺。吃了生蠔, 雖然不是即開的, 但也算頗新鮮相比萬豪的好得多了。salad款色大概都有6種, 款色算多。另外亦有帶子意大利面, 充滿芝士, 口感不錯。之後已經很少吃熱暈, 款色不多也沒有很吸引。不過甜品亦多少有搭救益力多pudding 的確比較特別, 一口氣也吃了4杯另外的newyork cheese cake做得亦很滑雪糕以咖啡芝士口味的最為好吃, 不妨一試。總括來講, 紅煙窗的buffet冷盤比較吸引, 如果喜歡吃冷盤的也無妨一試=]