Amour Garden Grill & Bar (Closed)

跟老公在朗豪坊欣賞完電影之後，在附件找地方歇腳兼醫肚，此餐廳位於商廈內，地方很舒適，座位寬敞，外面還有一個露台可以BBQ，由於是炎炎夏日，我們當然選擇室內用餐，點了個二人餐．先來個田園沙律，粟米蕃茄配上清翠的生菜再拌上日式芝麻醬，新鮮開胃．餐湯是黑松露雜菌薯仔湯，好足料。海鮮頭盤有翡翠螺，藍青口及生蠔，全部都好新鮮，青口雖然細少但鮮甜；翡翠螺好厚身而且肉質爽滑鮮甜；生蠔帶有海水的咸味，好新鮮．蜜糖雞翼肉質多汁嫩滑，如果蜜糖味再濃會更好．主菜點了香煎羊架配薯菜及大蝦黑松露意大利飯，羊架表面金黃，煎得恰度好處，而且鎖住肉汁，非常 juicy。而意大利飯口感比較淋但都好夠味。甜品是木糠布甸及焦糖燉蛋，上枱時以為服務員弄跌，原來是擺盤設計，好可愛。

今日放工約左個朋友係旺角食飯，又想搵個靜靜地既地位傾下計，朋友就介紹左我去amour garden grill & bar。原來係樓上舖，一入到去就好有「家的感覺」，坐係sofa到自成一角，可以慢慢咁傾計！出面戶外地方可以BBQ，下次可以同朋友尼試下係鬧市中BBQ！舖頭女仔介紹我地食左個二人餐。田園沙律作為頭盤真係無得頂，最緊要夠新鮮，仲有我超鍾意既芝麻醬同蕃茄仔！跟住就食蜜糖雞翼，入口已經滿口蜜糖，一咬就會發現雞翼入面既肉都有蜜糖味，真係好似啖啖蜜糖！主菜係白酒蒜香意大利粉，一上枱，我地已經：「WOW!」超多硯圍住成碗意粉，仲要粒粒有肉，絕對足料！蒜香味濃，岩晒我胃口！再尼就係黑松露海蝦意大利飯，一碟有成7隻大海蝦，仲要每啖飯都有黑松露味，正丫！最後甜品我揀左朱古力軟餅配雪糕，最初以為同普通市面既差不多，食落先發現濃濃朱古力味，仲好有層次感！舖頭女仔話特別入貨嫁！如果想係旺角鬧市搵個地方同朋友靜靜地傾計食飯，amour garden grill & bar真係唔錯既選擇！

今晚又與旺角工作的朋友共晉晚餐，這次他提議到這家位處商業大廈的樓上店晚飯。這家餐廳，除了本身主打西餐的鋪位外，也包括一個露台，可與一大班朋友過來燒烤。店內菜式主要是以套餐形式銷售，這晚就與朋友點了最基本的二人套餐，包頭盤、沙律、兩道主菜、甜品和一杯25元內的飲品。沙律份量頗多，沙律菜尚算新鮮爽脆，惜菜仍沾有不少水點，未夠乾身。上面還有幾片煙三文魚，鹹香度適中，整體不俗。多士烤得金黃，時間拿捏準確，入口香脆。蜜糖雞翼也是烤得外皮金黃香脆，醃得尚算入味，水準不錯。黑松露海蝦意大利飯，黑松露提味效果出眾，意大利飯頗香口，只是稍嫌飯身未夠乾，不過飯粒仍能嘗到粉粉而具嚼勁的意大利米口感。個人一向不太喜歡吃牛扒，因為怕其多筋難嚼。不過這塊牛扒有牛應有的口感和嚼頭，筋位不多，可以愉快地一塊又一塊的放進口中。至於牛扒旁的薯條是一般港式餐廳常用的扭紋薯條，個人認為可以做得更香脆一些。木槺布甸尚具忌廉奶香，可惜布甸太硬身，不知是雪藏甜品的凍櫃問題還是材料本身的問題了。飲品點了朱古力曲奇奶昔，忌廉細滑。奶昔具曲奇甜味，惜質感較稀，可以再厚稠一點。在旺角這樣的鬧市中，能在此安靜的一隅用餐，實是忙裡偷閒的好選擇

早兩日，難得上司放假，BeautySearch 可以準時一點放工，於是，便約同蝦子餅在旺角行街，行到朗豪坊時，開始有點餓，本打算在這裡食晚飯，想不到，閒日裡商場的食店是如此多人，怕迫、又怕嘈的我，忽然想起早前曾在附近的商廈裡參加過 event gathering，那間店子環境唔錯，而且，鄰近朗豪坊，於是便決定往那兒去。店子位於萬利商業大廈的4樓，有趣的是，竟然位處4 樓，也擁有別有洞天的露天位置！雖然，當晚有點熱，但在鬧市中的露天餐廳進食，還是第一次喔！正當我們打算走到外邊的露天位置進餐時，卻突然下起大雨來！結果，還是註定我倆返回室內涼冷氣！簡簡單單的一餐，當晚我們揀了精選二人晚餐$238，包兩個前菜、是日餐湯、田園沙律、主菜四選二，以及任何$25餐飲。先來田園沙律，沙律菜很新鮮，尤其車厘子，既大粒、又鮮味，仲好多汁！份量十足，粟米粒的數量亦不少，還落左BeautySearch 喜愛的日式胡麻醬，份外醒胃！是日餐湯是龍蝦湯，雖然沒有真龍蝦 (其實，BeautySearch也未嚐過有真龍蝦味的龍蝦湯…)，但有不少的蝦仁，用料可算豐富喔！龍蝦味也不錯，相信用了不少蝦殼熬製。上桌時，見到如此