Cafe Paradise (砵蘭街) (Closed)

去到塘尾，有一間西餐平時好多人排隊，就咁walk-in都唔使旨意入到去，大胃就趁夜，過咗晚餐時段先入去，結果得米喇，啲人食完飯，所以都有位入去忌廉湯暖笠笠，啱晒入秋嘅夜晚飲沙律都幾大碟，加埋黑醋幾開胃檸檬茶同一般出面飲嘅唔同，茶葉比較香口Baileys加益力多出奇地夾，勁有驚喜，搞到大胃又想返去自己試吓咁溝佢地嘅龍蝦汁唔知係點熬呢？同risotto完美結合，實在好香口嚟呢間不得不食鐵板餐，諗住平就冇期望，點知牛扒質素仲好食過出面兩舊水嗰啲，好好味呀記得啲醬係用嚟點，唔係淋上去，如果唔係彈到周圍都係隨送薯條炸得好脆，放咗一陣仲係脆口跟餐送埋益力多雪糕，好味又健康呢間做足衛生措施，你睇間板就知啦

之前同朋友慶祝生日黎過cafe paradise,覺得食物幾正，好味得黎價錢又合理，今次再黎食返餐高質dinner!睇返個set dinner menu,有8款主菜，款款都幾吸引，最後order左香脆豬手同芝士焗龍蝦拼牛肩胛扒~~落完單就好期待～～Dinner set有健康沙律做前菜，同南瓜餐湯warm up下個胃先～香脆豬手大大份，外皮超脆，肉質實淨得黎唔難咬，配埋燒汁，好好味，大力推介！雖然有啲肥膏，但食少少夾埋啲肉食仲正！芝士焗龍蝦都焗得鮮美可口，龍蝦肉質爽口彈牙！牛肩胛扒7成熟，切開入面啲肉仲係粉嫩，肉質較實，有嚼勁～我揀既呢杯荔枝乳酸，酸甜好飲！甜品仲有曲奇雪糕，perfect ending!!

好姊妹住太子，這天找她順道一起吃晚飯。她選的這家餐廳裝潢簡約，牆身以淺藍色為主，給人一種放鬆、舒服的感覺。Set dinner八選一，見不少人都在吃BBQ 烤焗西班牙黑毛豬肋排 （＄198），所以也決定試試，本身包了餐湯和沙律，飲品方面加了＄15喝凍朱古力，而甜品亦加＄25轉心太軟。是日餐湯是羅宋湯，味道酸甜，內裏有不少蔬菜。沙律的蔬菜新鮮爽脆，醬汁亦足夠。主菜豬肋排上枱時已經香氣四溢，外面微焦，淋上厚厚的肋排醬，叫人急不及待拿起刀切開。切後有5件，咬下去肉質有嚼頭，而醬汁的酸甜也提升肋排的風味。心太軟 （加＄25）心太軟的雪糕選用movenpick雪糕，即時覺得很划算。雪糕甜度高，而且口感綿滑，配上濃滑的流心朱古力，冷熱交融，是味蕾的享受。凍朱古力（加＄15）朱古力入口香滑，甜度適中。

朋友最近喜歡用手工肥皂，話手工皂原料係天然素材，環保d喎，知道太子站附近有一間賣手工皂的店舖，於是要我今日陪佢去買佢嘅心頭好，滿足完佢嘅要求，當然就要滿足我啦，一於捉住佢陪我食完dinner至畀佢返歸。平日少嚟呢度搵食，不太熟地頭，惟有頭岳岳四圍望，睇吓邊度有好嘢食，果然見到不遠處有間白色小店，裝修好似幾特別，於是就行前望清楚，一望之下，我地都異口同聲：「入去囉」，因為餐廳門外不但放了一個旋轉木馬和摩天輪的擺設，店內近門邊還有超大隻熊bear bear，佈置不但吸睛，仲令人充滿童心添。好彩時候尚早，不用等位，而且裏面亦未算太full，座位亦舒適闊落，裝修簡潔，以淺藍和白色為主，還有兩面牆貼上很多客人留念的照片呢！看看Menu，食物種類都有好多選擇，單是晚餐就有八選一，但假如set dinner唔合口味，還有其他主菜、意粉、飯，小食和All day breakfast⋯⋯等散叫，部分仲可以加錢升級做套餐，客人可以有更多選擇。而餐飲Menu仲好精緻，打開中間有一個立體小模型，設計頗有心思。餐湯是我喜愛的粟米雞粒忌廉湯，湯的口感濃郁又幼滑，味道鮮甜，濃稠適中，creamy得嚟不會太糊口，加上

近期天氣一般般成日落雨打風一時就天氣炎熱令到好容易唔舒服添咁啱嚟到星期日有寶貴嘅休息機會夜晚剛好在太子附近shopping然後見到一間好受歡迎西餐等左10分鐘左右就有得坐啦門口裝飾簡約清新，放咗一些裝飾品最有特色係我哋張枱旁邊有一隻大熊仔好可愛當晚我同女朋友都叫咗兩個dinner首先就有一碗湯味道清新好美味又唔會太漏仲有個胡麻醬嘅時蔬菜頭盤，好新鮮份量剛剛好而我就係一個食肉獸所以我叫咗一份肉眼牛扒五成熟黑椒汁肉眼扒半肥瘦，廚師煮得非常之好，因為我叫五成熟嘅關係，所以入口個口感好好，我差唔多一個人食晒，因為停唔到口另外我哋就叫咗一個意大利飯加咗蟹子喺面同埋意大利飯煮得剛剛好唔會太濕又唔會太乾最值得一提嘅就係份量調校得好好，又唔會太多廚師既放份量經驗很好最後我就上咗一杯白咖啡少甜香濃當晚甜品係士多啤梨雪糕🍦

「今晚食咩好」一直都係千古難題黎，尤其係我呢種有選擇困難症既人。呢晚我同另一個朋友又遇到呢個難題啦，不過據聞太子呢兩三年開左好多新野食，去個頭打個轉，應該唔難搵到答案。係地鐵站一出黎，就離遠見到有間餐廳門口放左張枱做擺設，上面有收音機，擔緊遮既貓頭鷹，仲有個旋轉木馬轉緊，洋溢緊一股童真既味道。行去餐廳門口望入去，裡面坐無虛席，咁多人食應該自有引人入勝之處。反正未食過，咁岩有位唔使等，咁就不如一試了～典型既西餐為主既Café，個MENU仲好有心思咁有個立體摺紙既蛋糕，配埋柔和既音樂同精緻既裝修，成間餐廳都有濃厚既愉快輕鬆氣氛，難怪隔離枱放工的OL姐姐們傾得咁暢快。我叫左個晚餐SET，升級左特飲同CAKE，$200樓下有湯有野飲有甜品，算幾抵食。同朋友再加幾個小食，務求要滿載而歸！價錢唔係問題，我更加關心既係食物既質素到底如何。打頭陣既忌廉湯，濃度合適得黎又均勻，就咁聞都有好濃忌廉香味，再落D黑椒係面，兩種味道既化學作用非常奏效。試飲一口，香濃creamy口感加上黑椒既微辛，係令人振奮既美味。我忍住岩岩出鍋既熱度，一啖接一啖咁吞哂碗湯，爽！舌頭炙熱到有點痛之際，救星黎啦──玫瑰益力多梳打正