一茗堂 (南山商場) (Closed)

小弟細過晌石硤尾邨長大，雖然，依家搬離咗多年，但屋企人仲住晌度，所以，一年都有三幾次過嚟。今日，就仲更加晌南山邨、大坑東邨、大坑西邨兜個大圈緬懷吓，因為，中學就晌大坑東讀書，睇到變化咗好多。嚟到南山邨嘅「冬菇亭」，就想起中學放飯時過嚟食車仔麵，不過，今次就無晌「冬菇亭」度食，天氣熱嘛，而喺落咗下面街市旁嘅「一茗堂」（Casa Kitchen），喺老友推介嘅小店。 其實餐廳所在嘅位置都頗為隱蔽，不過，話晒都曾經晌南山邨打滾多年，所以，唔難搵到。而入到餐廳，又好似走進另一空間，你唔會想像到出面喺個傳統屋邨街市仔。餐廳內部就無話過多裝修，都喺簡約平實，然而，樓底特高，又有一邊喺落地大玻璃，所以，空間感強。 餐廳尾嘅一角，放咗啲冷熱清水、調味料，喺以自助形式自由取用。而餐具則放晒晌枱上嘅小藤籃，有餐布冚住，感覺會衛生啲，午市主要都喺以套餐為主，由A到J共有10款選擇，已包餐湯或田園沙律及幾款指定飲品，定價$58-$89，此外，仲有啲加配、轉飲品優惠，最正喺全日都無加一嘛，店員就話餐牌每兩星期轉一次，最有趣喺呢度剔完紙仔，晌近門口嘅櫃枱落單、俾錢，之後等送嘢食嚟，剔紙仔就可以減少口述嘅錯誤。 手

原本想去南山村打咭，點知室外遊樂場未開又落雨，只好食個lunch走人😥黎到位於南山商場入面一間西餐廳Casa Kitchen，穿過街市就會見到雖然鄰近街市，但餐廳保持得乾淨企理午市套餐由$54至$88不等是日手打餐湯係南瓜粟米湯，口感濃稠，粟米味十足，淡淡南瓜味田園沙律係沙律菜配黑醋，個人不太喜歡黑醋，沙律菜苦苦地華都夫慢煮雞胸雜菜沙律 $54一上菜就比個份量嚇親，勁大碟😵材料好豐富，有青蘋果、沙律菜、合桃、雞胸肉同埋餐包，旁邊有沙律醬點黎食雞胸肉偏鹹同鞋口，青蘋果唔酸，沙律菜帶苦味麵包最正，夠香脆！脆炸洋蔥圈 +$22外皮鬆軟，略為炸過頭，蛋黃醬好好食同洋蔥圈好夾紐西蘭牛肉眼扒 配脆炸薯條 特製紅酒汁 $88點左7成熟肉眼扒，但出到黎接近全熟，好重牛味但有筋同鞋咗啲反而薯條比較有驚喜，好大條，外皮脆脆，入面係鬆軟，同平時食開嘅薯條唔同仲有半粒蒜頭，味道唔係十分濃，可以空口食

休閒精美西餐@南山村去南山村除咗打卡之外，依道都幾多好嘢食㗎。今次就去咗依間新開西餐廳醫下個肚，環境都幾開揚，而且價錢唔貴，一於試下新嘢，自製一點本地旅行渡假 feel～Weekend 同樣有Lunch Set，我哋點咗兩個套餐同埋時令蔬菜。午餐送是日手打餐湯或者田園沙律，我哋就各揀咗餐湯同沙律。田園沙律嘅份量都唔少，salad dressing 係黑醋汁唔肥膩，啲沙律菜都好清爽。餐湯係番茄忌廉湯，酸甜開胃，質地夠晒creamy。香煎帆立貝墨魚汁意大利粉四邊用車厘茄點綴得好靚，帆立貝幾大隻鮮甜，意粉亦煮得相當有水準。味道濃郁嘅墨魚汁充分包住意粉，每一條都烏卒卒，食落好惹味！ 焦邊荷包蛋堪稱完美啊，令招牌雞扒煎蛋配白飯嘅賣相大加分。厚身雞扒十分重量級呢，雞皮帶少少香脆口感，好好食又啱哂送飯。另外點咗蒜蓉白酒炒雜菌，蒜蓉味好香好濃，簡簡單單但意料之外咁好味！甜品叫咗個法式啤梨焗撻加雲呢拿雪糕，個撻瀰漫住新鮮焗起嗰種餅香。梨肉清甜，熱騰騰嘅啤梨撻配透心涼嘅雲呢拿雪糕，實在係依個周末嘅小確幸。

石硤尾南山村，一向都是攝影愛好者的打卡聖地，有一種舊式屋邨的情懷，就在南山商場穿梭的途中，發現了一間裝修新淨，感覺開揚的新餐廳，門外設有露天座位，餐廳內的格局同樣清新，我們選了窗邊座位，非常光猛，感覺更正。午市套餐的價錢很實惠，選擇亦多，我點了蒜香辣椒羅勒蜆肉意粉$56，朋友選了紐西蘭牛肉眼扒$88，可選配餐湯或沙律，我們同樣選了較健康的田園沙律，蜆肉份量頗多，意粉夠乾身和彈牙，是我喜歡的口感，有蒜香味，辣椒不會過辣，。相比之下，朋友的套餐就更加抵食，$88就可以食到紐西蘭牛肉眼扒，大大件，啖啖肉，仲有伴碟的薯條和烤焗蒜頭花，同樣美味，飲品方面，跟餐凍飲只加$3，凍奶茶有港式奶茶風味。甜品方面，選了紅莓芝士餅撻和熱情果芒果撻，跟餐+$20，紅莓酸酸地，配芝士清香，味道很夾；熱情果芒果撻，酸酸甜甜，同樣好味。整體總結，食物賣相十分精緻，媲美高價餐廳，服務態度親切，有舊區街坊人情味的感覺，環境不錯，值得推薦!