叁嘗 (Closed)

今日出左去港島區搵朋友拎野,咁就順便喺佢屋企附近食個飯啦,呢間舖頭雖然地方唔大,但見佢門口都幾有格調！入到去,好驚喜佢天花板竟然有一堆花藝裝飾😍不過如果枱面都有花就更加正喇😝我同朋友分別叫左兩份午餐,套餐已包飲品,而前菜分別就有沙律同埋餐湯選擇！我地一個揀左湯,一個揀左沙律餐湯係南瓜忌廉湯,飲落去都幾creamy,配上南瓜嘅甜味,香滑得黎但不會覺得膩!而佢地沙律菜係配芝麻醬的!🌿香煎海鱸魚配白酒忌廉汁幾鍾意佢個醬汁,食落去有少少酸味幾特別,配落個魚到好夾,肉質都剛剛好👍🏻🌿法式慢煮春雞配燒汁雞嘅肉質嫩滑,外皮香脆,而燒汁的味道帶點磨菇味😍同平時喺街食到嘅燒汁係有唔同!🌿美式咖啡🌿白桃乳酸梳打酸酸甜甜,係呢d咁熱嘅天氣飲真係一流👍🏻食野途中見到對面枱個青口都好似唔錯,下次有機會嘅話要再黎試下先😋

呢間小店嘅裝修非常之雅致清新，菜式選擇型好多，喺Fusion 小店。非常之適合同閨蜜一齊傾偈, 一路食嘢一路chill 一晚👭今餐叫既食物好精緻，而且擺放得好有藝術感。睇得出店主好有心機！🥰食客都深深感受到！要試下no1:吞拿魚他他牛油果醬配多士牛油果🥑牛油果同吞拿魚出奇地搭配，再茶落多士上，好媽食。吞拿魚係生的，但係非常之新鮮，唔怕食到肚痛😂要試下no2:櫻花蝦炸豆腐第一次食咁樣嘅配搭，櫻花蝦好甜好香😋豆腐亦唔會炸到好乾，份量亦10分足夠要試下no3:叄嘗卷用綠色米紙包住，有少少似壽司卷，唔錯，配埋隻碟好靚😍

經朋友介紹得知呢度有間高質小店，細細間黑同白做主調，牆身有啲圖案同霓虹燈，簡單得黎有格調🧚🏻‍♀️不過店內大概有約16個位，如果要食記得把握機會🥰店內兩位年輕女侍應都非常快手同敏銳，好主動幫忙同收拾，超級有禮貌，加哂分🥰💕明太子雞翼好味道😋😋😋😋😋黎到擺盤已經超級靚，一食啲肉汁爆出黎！要小心熱，裡面明太子味十級濃郁，然後有小小辣，非常非常好味😋諗起都想食返！叄嘗卷好味道😋😋😋😋😋見到menu上有廚師推介，忍唔住嗌黎試！一上枱十級驚喜，個擺盤靚到傻，兩邊有辣同唔辣既蛋黃醬，啲飯超大舊，唔好睇佢得8舊，真係食就好飽肚😍裡面炸蝦好香脆，配上新鮮既吞拿魚仲有牛油果，我覺得設計食譜既人一定係個天才，真係好好味😆🌟慢煮三文魚柳配味噌麵豉醬好味道😋😋😋😋😋又係一道廚師推介，個人黎講真係非常非常念念不忘，一啖食落去個魚滑到傻左，化係口中，魚油香濃🤗醬汁同個三文魚十級夾，仲有大蔥同薯仔粒做配菜！呢個真係一定要黎試！！！🧚🏻‍♀️白桃乳酸梳打好味道🌟🌟🌟🌟白桃味幾濃，飲品正常發揮，因為野食真係太令人驚艷，所以飲品感覺無咁突出，不過都非常順口美味😝順帶一提，以家唔收加一服務，真係非常值得一試既美食！

午餐都多選擇，咁啱又剩番一張臺，就入嚟試下🤔🥗低溫慢煮原隻雞胸沙律配蜜糖芥末籽汁（$58）冇諗過蜜糖芥末籽汁會好似千島醬咁膩😓雞胸真係腍嘅，但係個醬真係唔係我嘅口味。沙律菜較少。🦐鮮茄虎蝦意粉（$98）一D番茄嘅酸味都冇，太甜😕虎蝦燒得唔錯，但係唔係好大隻。原條鰻魚滑蛋丼（$108）鰻魚算大條，但係肉唔係好腍🤔。滑蛋多，好好味😋。白桃乳酸梳打：都算大杯，都係普通嘅樽裝飲品食物都係一般，午餐價錢唔錯先嚟試下。如果午餐包沙律/餐湯會更加好😊咖啡都要加錢😕但係小店就唔使加一服務費，服務態度好👌🏻。

常常在銅鑼灣逛街，真的有點生厭了，這次決定到近銅鑼灣的天后吃晚飯，就在一座富麗堂皇的住宅(DIVA)旁邊，有一間新開的餐廳，而最特別的是，那間餐廳竟然是日式和西式crossover的。店舖的中英文也不一樣的，中文名稱是「叁嘗」，英文卻是「Sheep and Pig」，令的聯想到，店主可能分別是姓楊和朱的🤔牆側有現今年輕人很喜歡的霓虹燈，黃色配上藍色，鮮艷奪目，而且我覺得霓虹燈的背後有個意思，手握麵粉棍的圖案，大概是代表店主真是親自做出食物的。不揭開餐牌也不知道，原來這間餐廳是由三個男生一起開業的，字體還要用上香港人的母語廣東話，十分有親切感他們說得很對，現今很多餐廳的價錢都很昂貴，而且也不見得質素有多高，所以他們決定用一個親民的價錢去服務大家。食物的種類並不多，主要有飯、意粉、其他主菜和小吃。小食方面，先點了一份Fish and chips，魚柳的外皮香脆可口，裡面的魚肉也滑溜溜的，真的挺好吃，奈何薯條方面扣了些分數，是粗切薯條沒錯，只是有點硬，這方面可以做得再好一點。明太子蟹肉忌廉意粉是很多西餐廳都有得菜式，這裡的明太子忌廉意粉質素也很不錯，有小小的一堆蟹肉在中央位置，蟹肉味道尚算新