Video
Read full review
2023-09-09
47 views
每次去大埔搵朋友，都會去林村呢間庭園餐廳， 因為呢度景色宜人，食物質素亦相當唔錯。 餐廳非常闊落，室內室外都可以坐，室外有條小橋可以俾人打卡，橋下係一條條生猛活潑嘅大錦鯉，充滿詩情畫意。 小食拼盤(4位用）($298)（啤酒薯條、魷魚圈、檸檬蜜糖單骨雞翼6支、鮮炸蠔春卷4條）作為薯條控既我，負責任咁表示，啤酒薯條非常出色，啤酒味唔係好突出，但薯條非常非常酥脆，一般嘅薯條通常係香脆，但呢個啤酒薯條係酥脆，口感有啲似食緊新鮮高質嘅天婦羅，即使唔點茄汁，都會令你一條接一條食過不停。 單骨雞翼好方便進食，完全唔驚狼狽，味道酸酸甜甜好開胃。 第一次食炸鮮蠔春卷，以新鮮嘅蠔肉蓉作為春卷既餡料，皮簿餡靚。 香燒BBQ汁豬肋骨（$298）呢個份量一上枱我哋真係嚇親，豬肋骨又大條又多，每一條都成隻手掌咁長，份量好驚人。豬肋骨肉質鮮嫩，燒得剛剛好，能夠鎖住肉汁，咬落都幾juicy，配上BBQ醬更開胃，不過呢度嘅BBQ醬偏酸一點，我自己覺得ok，但朋友就嫌略酸。 鹅肝醬焗豬扒飯（$168）又係滿滿嘅一大碟，非常足料，超大一塊豬扒，而且每一件都足足成cm厚，但咁厚既豬扒仍然能夠保持鬆軟，一啲都唔柴，
餐廳非常闊落，室內室外都可以坐，室外有條小橋可以俾人打卡，橋下係一條條生猛活潑嘅大錦鯉，充滿詩情畫意。
小食拼盤(4位用）($298)
（啤酒薯條、魷魚圈、檸檬蜜糖單骨雞翼6支、鮮炸蠔春卷4條）
作為薯條控既我，負責任咁表示，啤酒薯條非常出色，啤酒味唔係好突出，但薯條非常非常酥脆，一般嘅薯條通常係香脆，但呢個啤酒薯條係酥脆，口感有啲似食緊新鮮高質嘅天婦羅，即使唔點茄汁，都會令你一條接一條食過不停。 單骨雞翼好方便進食，完全唔驚狼狽，味道酸酸甜甜好開胃。
第一次食炸鮮蠔春卷，以新鮮嘅蠔肉蓉作為春卷既餡料，皮簿餡靚。
香燒BBQ汁豬肋骨（$298）
呢個份量一上枱我哋真係嚇親，豬肋骨又大條又多，每一條都成隻手掌咁長，份量好驚人。豬肋骨肉質鮮嫩，燒得剛剛好，能夠鎖住肉汁，咬落都幾juicy，配上BBQ醬更開胃，不過呢度嘅BBQ醬偏酸一點，我自己覺得ok，但朋友就嫌略酸。
鹅肝醬焗豬扒飯（$168）
又係滿滿嘅一大碟，非常足料，超大一塊豬扒，而且每一件都足足成cm厚，但咁厚既豬扒仍然能夠保持鬆軟，一啲都唔柴，配上鵝肝醬，令味道更昇華。底下嘅蛋炒飯亦都炒得幾香，稱得上大件夾抵食。
焗火焰雪山（細/ $128）
呢個甜品真係萬眾期待，急不及待想快啲食到。火焰雪山最底層係以海綿蛋糕包裹住雪糕，然後整個再被一層蛋白霜包裹住，所以上枱嘅時候，甜品會呈現白雪雪嘅雪山形態，然後店員會喺我哋面前，將杯中嘅烈酒點火，然後迅速淋上，形成「雪山上的火焰」，最後再淋上朱古力醬就大功告成。
焗火焰雪山
11 views
0 likes
0 comments
呢道甜品真係既美觀又美味，金玉其外亦金玉其內，口感味道嘅層次都非常豐富，而且balance 得好好，成個雪山食哂，依然唔會覺得飽濟。
焗火焰雪山
12 views
0 likes
0 comments
白桃烏龍（熱) （$48）
滿滿嘅一壺茶，外觀好優雅，感覺同呢度嘅庭園氛圍好貼切，底座有蠟燭keep住茶既温度，可以慢慢沖，慢慢飲。
白桃烏龍
8 views
0 likes
0 comments
焗火焰雪山
8 views
0 likes
0 comments
椰林日落(凍）（$45）
呢度既特飲改名好用心，好有詩情畫意。呢杯嘅買相雖然一啲都唔吸引，但誠意搭夠，真係含有椰青果肉同荔枝果肉。
PS：店員嘅服務態度都好好，會不停幫我哋換上乾淨既碟同加水。
Post
