euro go go

Open Now

Now Closed

話說上星期六，放假! 我同女友小熊都懶! 懶得郁! 懶得煮飯! 結果最後都係我輸咗! 俾小熊指咗去買外賣返嚟! 激鬼氣!今個星期我點都唔出去買外賣㗎喇!指呀小熊去買外賣! 女友小熊當然心有不甘啦!嘻嘻.....正當我沾沾自喜之際，突然收到友人來電，想我幫佢占卜開盤問前景，約我係朗豪坊見面....果隻咁嘅小熊一聽到我要出門，豈有此理腳都拍埋手掌叫好! 仲即係上網睇吓有咩外賣啱食!"食咩好呢! 唔..... 食 pizza 啦! 你去 euro go go 買外賣啦！我要食百寶 pizza 啦! 我要食白汁香腸火腿蘑菇意粉啦! 我要食蜜糖雞翼啦! 我要食煙肉芝士焗薯皮啦! 你快D去快D返啦!""錢呢?!""你出住先啦!""妖!"出到朗豪坊，首先同友人開盤睇前景，之後先買外賣，由於唔知講幾耐，唔敢打電話落定柯打.，免得個 pizza 放涼.去到 euro gogo，店舖回覆外賣需時20分鐘，20分鐘感覺頗費時，好彩等外賣其間又有另一位朋友來電要求占卜問事，所以邊等邊占卜，感覺等哩20分鐘好快就過咗.外賣到手雖然已經即刻飛返屋企，但 pizza 批底仍然感覺頗濕，唔夠乾身唔夠脆，要放上平底鑊煎

去朗豪坊UA睇戲前，時間無多，所以都係係朗豪坊搵D野食算，最後去左Euro GO GO，又快，而且好近戲院，非常方便。我地兩個人，個時只係六點到，都有幾多人係度食喎。好多學生哥，大部分都好似係度食緊 Tea。最後我地叫左一個蕃茄墨魚意粉，半份百寶pizza再加一客蜜糖雞翼，份量真係剛剛好。意粉最快來到，遞食物的哥哥都算非常有禮貌，而且把聲好溫柔...哈哈。個意粉都幾好食，不過我覺得佢D茄汁好似多左少少，如果少D會無咁酸會更好。意粉一般，有幾多墨魚仔，不過唔好有太多要求，D墨魚唔會有任何鮮味的，茄汁加埋磨菇既意粉，總之唔難食的，可以一叫，因為聽講其他都唔係幾好食。之後就到蜜糖雞翼啦，呢個其實之前食過幾次，唔係特別好食，只係想有D小食食下。非常多蜜糖，所以D雞翼都幾甜的。有D部份焗燶左，雞翼都算大隻，但食到入面稍為淡左少少。最後黎既就係半份百寶PIZZA，有 3 件，原本想叫超級PIZZA，不過佢有咖哩牛肉一D都唔吸引，所以叫左呢個。呢個係菠蘿，辣肉腸，磨菇等，都係PIZZA既基本材料，佢有D芝士，少少煙靱，不過芝士味唔濃，整體PIZZA味道都係偏淡。不過個餅底牌幾薄同脆，又易切，也是不難

5月19日, 是晚又睇戲~ 於是就腳地喺朗豪坊開餐. 喺唔同地方經過幾次euro gogo都想入去食… 今次終於有機會試下喇! 呢度係快餐點形式, 自己搵位坐自己睇水牌揀野食自己買飛. 跟住返埋位等食~::: 百寶 (磨菇 + 辣肉腸 + 菠羅 + 腸仔) 半份 ::: $32半邊pizza其實唔係好大. 有三件, 薄底, d材料色彩繽紛都幾豐富! Pizza味道其實幾好, 不過個餅底好似餅乾, 同埋有少少淋… 整體算係合格而已.::: 白汁香腸火腿磨菇意粉 ::: $29有d失望. 首先賣相已經唔吸引~ 白雪雪1pat, 芝士又唔夠多唔夠香. 食落亦然. 白汁冇乜味, 唔食材料的話會淡茂茂. 香腸火腿磨菇都係一般料子. 可幸個意粉幾彈牙, 軟淋適中. 尚算合格.::: 蜜糖雞翼 ::: $26嗜甜嘅人一定好鍾意!! 因為真係甜到漏!! d蜜糖一底都係, d雞翼勁黏住個兜底. 雞翼焗過但係唔知點解都係好濕, 個皮唔乾唔脆. 不過我嗜甜, 所以覺得幾好味~ 呀比就覺得麻麻地, 甜得滯!::: 凍朱古力鮮奶::: $20好飲! 好creamy好thick. 奶味香濃! 不過似係超市盒裝奶貨