老厝邊

Open Now

Now Closed

🙋🏻‍♂️餓底探員今日去咗大角咀調查呢間台灣菜，最近裝修後重開，座位闊落舒適，店內有好多同台灣有關嘅裝飾，充滿著古早味🍜眷村紅燒牛三寶麵 $86🙋🏻‍♂️表示個牛三寶好大碗，除咗牛筋，牛肚同牛腱肉三寶，仲有酸菜，白蘿蔔等配料，紅燒湯底飲落香濃帶微辣，牛肚爽口，牛筋同牛腱肉都好軟腍，麵質彈牙，成碗麵好正🍜香蔥油嫩雞乾拌麵 $50🙋🏻‍♂️表示個乾拌麵有幾片雞肉配上香蔥油同小棠菜，雞肉嫩滑，麵質爽彈，食落有香濃嘅蔥油味，非常惹味 🫔超濃芋泥蛋餅 $44🙋🏻‍♂️表示個蛋餅入面有芋泥，肉鬆同芝士，蛋餅充滿蛋香，芋泥超濃厚，加上香濃嘅芝士同鬆軟嘅肉鬆，層次感豐富，點埋個醬汁又別有一番風味🧋鐵觀音奶茶 $14 🙋🏻‍♂️表示杯鐵觀音奶茶跟餐加配減$10，飲落茶味甘香，奶味香濃、唔會太甜📈吃貨指數😋好味度 8/10🔙返啅度 8/10

同事表示啲間台式菜館非常好食，所以今日lunch都來試吓先！ 餐廳裝潢走老式台灣風格，簡約樸實，牆上面掛著很多老舊台灣的陳設畫冊，非常有味道，彷如進身了80年代的台灣小店一樣！「老厝邊」台語的意思就是老鄰居，大家守望相助，充滿著濃濃的人情味，當中嘅食物就是簡單卻又幸福的味道。改這個名字非常有意思。點了幾樣招牌菜式，包括牛肉麵、蛋餅和鹽酥雞，全部都好好味，價錢又親民，的確出色，同事果然冇介紹錯😎😎🍜眷村紅燒牛三寶麵 $82可以選擇紅燒/麻辣湯，或乾拌，我就㨂咗紅燒湯，個湯係非常之香甜濃郁！而個麵係好彈牙唔會過淋。差點連湯都飲光😆 三寶包括牛展、牛肚和牛筋，份量係勁多！牛展唔係一片片，而係兩大舊！ 如果切番薄片起碼切倒十塊了😆而牛展係非常軟淋和入味，出色👍🏻 牛肚和牛筋亦係非常大舊一樣好入味🤤啲個三寶麵比起好多台灣牛肉麵更出色，平時3寶一定過百，依家只賣$82 真係好抵食！🫔起司肉鬆蛋餅 $38啲度嘅蛋餅亦都係必試推介，超！好！食！蛋餅煙韌帶有蛋香，再配合滿滿的肉鬆和芝士，簡直是一流，加埋個秘制沾醬更是完美。🫔超濃芋泥蛋餅 $40芋泥濃香軟綿，甜度適中，比起「起司肉鬆蛋餅」，味道更為豐富，

台灣的古早味就在老厝邊。雖然店員店長全廣東話，但無論是食物還是裝潢，都比那些講國語的台式餐廳更令我有置身台灣的感覺。食物有質素，環境又企理，還有夜市的親民價錢，會再回頭喔。這兒的下午茶分$39和$45兩種。（下午茶）玉米起司蛋餅 + 古早味冬瓜茶（$39）蛋餅現叫現做，芝士拉絲，粟米滿溢，餅片夠薄，外酥內軟好好吃。（下午茶）婆婆招牌麻醬涼麵 + 古早味冬瓜茶（$45）雪過的冰涼麵條，青瓜絲、紅蘿蔔絲和蛋絲，淋上香濃的麻醬，全部拌勻，清爽開胃，跟台北涼麵鋪吃的一模一樣。眷村紅燒牛三寶麵（$82）牛𦟌彈牙有膠質，牛肚厚切有彈性，牛筋爽滑有鮮美，三寶都炆得夠腍入味，反而湯底可以再濃些。香酥炸排骨（$34）一上碟見到那條長長的豬扒骨和表面灑滿的五香粉，就知道是地道好嘢，咬一口，外酥內軟，肉質柔軟有肉汁。最後啃埋條骨旁邊的肉才捨得放手，大好味了。古早味冬瓜茶，可自選甜度和冰度，清涼降火。

裝修氣氛價錢都好親民，早於6:15就到，隨便就找個長卡4人枱坐。首次來，大部分點都是「招牌」、「推薦」之類，例如眷村紅燒三寶麵，目測麵底有二人份，麵條都吸收了湯汁，吃起來也不用湯匙兜着和湯吃，牛筋除了最粗大那條稍稍未夠腍身要費點勁咀嚼良久外，其餘的是無牙力也能輕易應付，連帶牛𦟌、牛肚也是易於嚙開。平時會走雪菜榨菜的我，好奇那湯匙兜着的雪菜沒一般的草腥過鹹味，還整匙吃掉。塔香鹹酥雞將炸脆了的九層塔葉混着炸雞，估計15件左右，大部分都接近乒乓球大，熱的燙嘴，脆的過癮。又顛覆了我對芋頭類食物的偏見，這芋泥蛋餅不止超濃芋香，還超漲滿，微甜的餡都幾乎唧了出來。青蛙撞奶說穿了還是珍奶。自己比較喜歡蜂蜜檸檬愛玉，尤其與炸物相配，甚是解渴，只是如換了粗飲管就更好吮底部的愛玉。名叫「老厝（音錯）邊」其實是去食餐晚飯仔是「冇錯得去邊」！

鍾意食台灣野既我，成日周圍去食香港嘅台灣菜，因為冇得去旅行唯有係香港搵台灣的味道呢間店舖勁多人食，要等位攞飛坐無虛席，係香港多人食既餐廳一定會係品質有保證芒果鳳梨冰沙啖啖都好香新鮮鳳梨同芒果嘅香味，新鮮即叫即打$30超值芋頭鮮奶每一啖都有粒粒芋頭再加上香濃既鮮奶$30又係超值塔香鹹酥雞正宗台灣的味道，外脆內軟咬落去啖啖肉汁超濃芋泥起司肉鬆蛋餅超好食，超司超多做到拉絲既效果再加上滿滿既芋泥同肉鬆好幸福既感覺眷村紅燒牛三寶麵（轉乾拌麵）有齊紅燒牛肉/牛筋/牛肚一次過滿足哂三個願望😍紅燒牛肉又香又濃又滑一啲都唔un牛筋同牛肚鹵得超入味大腸麵線食台灣野緊係要食返碗大腸麵線啦台灣的味道

今日去左大角咀呢間老厝邊食古早味台灣菜，入面既裝修都好有老台灣特色，早幾個月黎試過，味道都唔錯。今日過左午市最繁忙時間先到，一黎到就有位。一如既往，呢度餐牌有麵食類，便當類，蛋餅類，飯類，炸物類，拼盤類，涼菜同小食類，價錢非常貼地。飲品都勁多選擇，有消暑，珍珠，鮮奶，古早味，爽口，蜂蜜，奶茶同果汁系列。並無加一服務費。平日午市套餐配指定飲品仲可以減$10。眷村紅燒牛三寶麵 $78上次試過眷村紅燒牛三寶麵，今次要encore，不過試吓乾拌先。乾拌同湯麵其實除咗冇湯之外，就冇乜分別。個人鍾意乾拌多啲，雖然冇湯飲，但係啲唔粗唔幼既乾拌麵條擺耐左先食都完全冇問題，唔會稔之餘，仲有少少嚼勁，而且味道仲帶有湯嘅甜味。牛三寶即牛腱，牛筋，牛肚。厚厚嘅牛腱有兩大件，少肥多瘦，食落都有少少稔。牛筋有三大件左右，超稔滑，入口即化咁滯，好正。牛肚都有三大件，厚身大塊，質感都幾好。蔬菜有小棠菜三條同清甜白蘿蔔一大舊，最後灑上葱花，鹹菜放係匙羹度另上。仙草凍鮮奶 跟餐+$16跟餐叫左仙草凍鮮奶，可以減$10。叫左少甜同少冰，味道真係純天然咁，而仙草超多，飲哂啲奶仲有好多仙草喺底，大大件，要用匙羹筆黎食。另外叫左

大角咀真的是很特別的地方，食肆種類繁多，更有數間台式食肆，好受歡近。之前經常去《那個》，今日是第一次去《老厝邊》，晚上7點前到達，立即有位入座，店內都算有些台式風味，比《那個》更濃。《那個》是套餐形式為主，《老厝邊》似乎以牛肉麵為主打，有數款與牛有關的麵可點。我近來食素，所以要了豪豪雙醬麵，朋友要了最豪的紅燒牛三寶麵。我之前在九龍城食過一間台式小麵店，當時要了麻醬麵，因為室內冷氣大，結果麵很快涼，再加上麻醬，整碗麵是糊了兼好難夾起，今次都考慮了一陣，都係決定試這個雙醬麵，是喜出望外，完全沒有變糊狀，唯一失望，原來不是都辣的。朋友說三寶麵很好，他去了英國後，應該會掛念。我們都是肚飽眼唔飽的人，其實食完麵都已經半飽，但就繼續點了咸酥雞、炸物拼盤及芋泥蛋餅。咸酥雞不會太油膩，咸度適中、蛋餅可以當甜品、炸物不算特別，二人原來是會食剩的。整體來說，我會喜歡《老厝邊》多於《那個》，《老厝邊》可以坐耐一點，而《那個》就有食完需要立即走的感覺。

好耐無食台灣菜。友人帶我黎大角咀呢間老厝邊，係主打古早味台灣菜，今日就黎食個lunch。平日12點50分黎到，已經有條人龍喺度等，好彩等左十分鐘就有位，之後一點幾人龍就清左。入面裝修真係幾老台灣。餐牌一目瞭然，有麵食類，便當類，蛋餅類，飯類，炸物類，拼盤類，涼菜同小食類，價錢親民。飲品都勁多選擇。平日午市套餐配指定飲品可以減十蚊。眷村紅燒牛三寶麵 $78我第一次黎，一定要試試呢個推薦菜式既眷村紅燒牛三寶麵。牛三寶即牛腱，牛筋，牛肚。牛腱同牛肚各有三大件，牛筋就散開左。牛腱又稔又嫩，少肥多瘦，牛味可以。牛肚厚身大塊，質感都幾好。牛筋超稔滑，入口即化咁滯。麵條唔粗唔幼，一開頭都仲有少少咬口，要食快d先唔會稔嗮。湯底用牛筒骨、中藥材同香料熬12小時，味道唔錯，飲得出有微微既中藥味，而且唔肥，感覺好清淡健康，飲完唔覺口渴。蔬菜有小棠菜三條，超稔同入味既清甜白蘿蔔兩大舊，最後灑上葱花同鹹菜。眷村紅燒牛筋麵 $62我地同爲好麵之人，另外叫左碗眷村紅燒牛筋麵。牛筋有四大件，其他都同眷村紅燒牛三寶麵一樣。個人覺得加$16多牛腱同牛肚各三大件（不過少d牛筋）似乎抵d！超濃芋泥蛋餅 $38呢個係招牌菜，必

疫情之下政府實施多項加強防控疫情的措施，想試吓呢間台灣菜，唯有大佬做外賣跑腿。星期四5:30等外賣客人寥寥可數，實在為疫情下嘅食肆感到心痛。15分鐘內外賣出爐，大佬急急腳返屋企開餐。是日大佬發辦ORDER一麵一飯一小食如下: -眷村紅燒牛三寶麵 – 外賣係麵同湯會同碗分隔，減底湯浸糊啲麵。湯底質稠味濃，有啲黏黏膠質感，香料味重仲感覺有啲藥材味，香氣濃郁。雪白麵條彈牙富有嚼勁，配上大量青蔥放落湯度，因為湯底比較濃稠，所以非常掛麵滋味十足。餸方面有索晒湯汁嘅蘿蔔，本身蘿蔔甜味都已經被濃湯淹沒。厚厚牛𦟌，軟硬適中，非常入味。金錢肚有嚼頭不黏牙，蜂巢位置滿滿咁藏晒啲濃湯汁惹味無窮。牛筋軟稔，食落有糯感，感覺膠質重。滷肉飯(大) – 飯面佈滿粒粒狀入晒味嘅五花腩粒，肥而不膩的滷肉口感豐富，味濃郁，甜咸適中可口，而且醬汁份量四溢充斥晒成碗米飯。配上唔太酸嘅醃青瓜片，食落爽脆幫助中和油膩感。加上半隻滷蛋，份量都幾滿足。起司肉鬆蛋餅 - 餅皮夾上蛋皮，加上惹味偏甜嘅肉鬆同咸香適宜嘅芝士，令口感和味道都更上一層樓，每一啖都帶著煙煙韌韌嘅感覺，相信現場即食會更好味。當日全單85折抗疫，希望各良心食肆要撐落

我係為左芋泥而黎架。7:00到有位，到我走時已經要等位啦。我地叫左滷原隻雞腿便當、眷村紅燒牛三寶麵、超濃芋泥蛋餅、冬瓜檸檬同芋頭鮮奶。滷原隻雞腿便當份量好多，除左有滷原隻雞腿，仲有大量肉碎加蔥、翠肉瓜、滷豆腐、半隻蛋同白飯。雞腿嫩滑，啖啖肉，其它配菜多到食唔晒，好抵食。眷村紅燒牛三寶麵湯底濃郁，有牛根、牛肚、牛腱，都好軟腍，牛根最為出色，好滑。白蘿蔔無渣，亦夠腍。超濃芋泥蛋餅夾住芋泥、芝士、肉鬆，材料好豐富。芋泥幼滑，冇粒粒，成個配搭好邪惡。冬瓜檸檬冬瓜味比較重，清甜又解渴。芋頭鮮奶入面係我鍾意既芋泥，唔係芋頭粒，飲完好飽肚。

近排大角咀好多新餐廳，而老厝邊就係其中一間主打台灣菜🇹🇼，店內裝修都好有懷舊台灣風味，非常用心😊😊野食方面，首先叫左個好呷炸物拼盤 (包括甜不辣 ，花枝丸，四季豆同玉米荀)味道都不錯，甜不辣夠哂脆，只係四季豆同玉米荀較為乾身🤔 👍🏻而推介嘅眷村紅燒牛三寶麵就真心值得一試，有非常入味嘅牛腩，夠淋夠彈牙嘅牛根同非常爽脆嘅牛肚🤩 湯會帶點中藥材味夠哂地道，麵身都夠煙靭，認真一流👍🏻👍🏻😋滷肉飯嘅滷水味非常突出，肉都夠鬆軟，雖然味道同台灣食都仲係差d，但都值得一試，仲要細碗份量都唔少，夠哂抵食😎 😎 相比起岩岩幾樣，推介嘅起司肉鬆蛋餅就略為失色😅 餅身唔夠鬆軟同薄，可能食慣起司煙肉，肉鬆好似唔太夠味，有點似餅皮同餡料分離左的味道 (當然可能係台灣起司煙肉蛋餅印象太深刻😂😂)🥤野飲方面，古早味冬瓜茶非常唔錯，唔太甜冬瓜味又夠潤。而青蛙下蛋就有d似珍珠奶茶同太甜，唔係飲開既山粉園+愛玉凍/ 黑糖啫喱製作，唔知係咪搞錯左😆😆總括黎講價錢相宜，味道唔錯，由其紅燒牛三寶麵同滷肉飯真心值得推介，行開不妨試下😋❗️更多美食分享, Follow Instagram: Foodmarker.hk , 可以比個li

這天跟住在附近的朋友見個面聚聚舊，來這裡吃晚餐。餐廳裝修好有7-80年代設計，連餐檯椅子都是以前學校的那種。以點餐紙下單，一頁是食物，另一頁則是飲品。最後點了眷村紅燒牛肉三寶麵、起司肉鬆蛋餅、滷肉飯（細）、飲品兩杯。食物上菜挺快的，下單後約10分鐘便送齊食物。紅燒牛肉三寶麵三寶有牛𦟌、牛肚及牛筋，份量足，而這店的湯頭比一般吃到的紅燒湯味道較清淡，整體不錯。起司肉鬆蛋餅芝士肉鬆餡料夠多，蛋餅配上辣醬（酸辣）挺夾的。滷肉飯（細）朋友很想吃滷肉飯，點了一碗細size嚐嚐，帶油香味，滷肉肥瘦適中，挺下飯的。飲品方面，點了較少見的青蛙下蛋及芋頭鮮奶。這裡的青蛙下蛋其實是冬瓜茶再加紅茶及珍珠調製而成；另一杯芋頭鮮奶甜度適中，亦很不錯。

放工同先生上朋友到拜年加探BB，先喺附近搵個地方填飽肚皮，之前喺附近食酸菜魚嘅時候已經有留意呢間小店，因為佢嘅裝修好特別，店名一睇就知係台灣菜。門面唔算大，但入面地方寬敞，座位之間空間好夠，感覺光猛整潔。肉燥飯係食台灣菜必叫，有大小兩個份量，見價錢咁平擔心叫小嘅會得兩啖唔夠食，於是揀咗大，一上菜就俾佢嚇親，大嘅竟然係平時正餐嘅份量，而且肉燥份量都唔少，滷得夠入味，仲有半隻滷蛋，性價比超高。另一樣必叫嘅係大腸麵線，一直好懷念阿宗麵線，終於可以止下癢。大碗份量又係多到嚇親，我哋仲另外叫咗幾樣嘢，上咗兩樣已經有啲擔心食唔哂。豬大腸幾入味，份量適中；麵線吸收哂湯嘅鮮味，食多啲都唔會膩。紅燒牛三寶麵嘅湯底中規中矩，但勝在三寶軟腍入味。牛𦟌半筋半肉，口感豐富，而且牛味香濃。牛肚亦同樣入味，口感軟腍，質素中上。雖然同樣都係台式小食，但蛋餅唔係四圍都有，難得見到有，當然要試下，餡料都有幾個選擇，我哋揀咗芝士肉鬆。入面包住滿滿嘅肉鬆，一定要趁熱食，入口有淡淡嘅芝士味，蛋香四溢，令人滿足。因為既想食甜不辣，又想食花枝丸，所以最後揀咗呢份炸物拼盤，雖然其貌不揚，但驚喜處處，特別係炸甜不辣，外面炸得香脆，內裡