Oslo (Closed)

窗外呼呼風聲， 現正掛著十號風球💨 但昨天掛起三號風球的晚上， 風平浪靜， 無阻我同大女出街撐枱腳的雅興講起九龍城，第一時間會想起泰國菜 ，再唔係牛肉餅， 打冷.....其實呢度仲有另一驚喜 - cafe 門口大隔玻璃門， 仲放咗一張四人枱， 好搶鏡🤗裡面裝修得好舒適， 牆上樹幹的裝飾，掛滿七彩繽紛的油畫， 感覺很優閒。 佢哋有套餐， 但係我哋今日想散叫。 我比第一頁餐牌嘅Special best choice 吸引住, 就先叫個玉子野菌煙肉卷。 賣相滿分， 煙肉卷包住上層嘅蛋王，中層嘅野菌同甘筍粒，底層嘅蛋白。 一咬落去 ，蛋黃流心， 夾著其他餡料， 口感層次豐富， 仲有個蛋白好嫩滑， 色香味俱全意粉部分揀咗餐牌有個標誌。黑松露野菌意粉 ，意粉一上枱，已經聞到好香黑松露味 ，意粉炒得夠乾身， 夾雜濃濃嘅野菌菇跟住個煙三文魚鮮忌廉意粉。 煙三文魚作玫瑰花造型放喺意粉上面，靚到。呢個意粉夠creamy， 好香鮮忌廉味阿女話晏晝飲咗凍珍珠力奶茶 ，所以想飲熱嘢。揀咀洋甘菊花茶，成壺上。洋甘菊養生，消除疲勞又排毒。 啱曬暑假成日夜晚唔瞓嘅佢 佢話好好飲， 飲完一壺仲加熱水添飲我正在心大心細飲

一向對九龍城區搵食情有獨鍾! 而剛好約了友人慶生, 這位朋友又特別喜歡西式cafe!壽星選擇了一個意粉, 兩個餐廳主打食品, 兩杯特別飲品 及一個甜品, 驚喜陸續有來! 意粉選擇了牛肝菌汁鮮野菌意粉, 想不到這個配搭令我對野菌類改觀, 平日的我是一個食肉獸, 煮得好味的牛肝菌果然名不虛傳, 龍烈的牛肝菌汁煮新鮮野菌配合起來, 味道完全下放在軟硬適中的意粉內,色香味俱全!令我有衝動要在這星期內自己嘗試做一個美味的意粉!玉子野菌煙肉捲巻, 一向喜愛溫泉蛋及常常吃完全生的蛋的我, 大滿足度拿滿分, 一口溫泉蛋流出碎蘑菇香汁配上煙肉香脆的味道, 停不了口!一年都吃不上幾隻雞翼的我, 發現另一驚喜, 這味蜜糖雞翼真的要試, 原因是能夠把一味普普通通的餸煮得好的 真的不多, 除了用真的心之外別無他法, 一口咬下皮脆肉嫩, 帶蒜蓉味的香汁!生日又怎可能缺少甜品? 有水準的石板街多士盒是我們的選擇! 主要原因是榴槤多士盒已沽清, Oslo, 我會再返來吃的!

九龍城區以泰國菜而聞名，在橫街窄巷都會有不少的泰國菜餐廳，亦有賣泰國小吃和食品的小店，之前已經寫過一篇九龍城泰國菜的食評。那一次的最大發現，其實不是找到一家值得介紹的泰國菜，而是發現九龍城區近年開了不少的小餐廳，提供各式各樣不同國家的菜色，有中式有西式，有小吃有甜品，最重要的是大部份都不是大型連鎖集團式的餐廳，其千篇一律的菜色，一律統一的菜單，統一的味道，完全沒有個性。再一次回到九龍城，要找的是非泰國菜的好味道。今日想推介的是，以新派西式餐廳為主題，餐廳地點被不少泰國餐廳包圍著，顯得他們的與眾不同，敞門一開，覺得餐廳設計舒服簡約，空間感十足，沒有一般本地餐廳的焗促，桌與桌之間有適當的空間，氣氛高尚安靜。菜單選擇不太多，但以小型西餐廳，選擇方面還算多樣化，菜單設計花心思，有大量菜色的圖片。翻閱他們的菜單，想特別講講一個小小小發現，一般菜單的編排一開始應該是前菜，之後就是主菜再到甜品再到飲品。但 Oslo 的菜單，先是前菜，接下來已經馬上到甜品類，之後再到主菜，不知道他們這個特別的編排，有甚麼特別的意思，是不是想主打甜品，還是想客人先吃甜品再吃主菜呢？前菜方面先點一個他們的推介＜玉子野菌煙

呢間既Design好靚周圍有唔同既畫好有Feel仲有唔同既杯有個corner有d櫃擺左手工野係度賣，文青既感覺曲奇奶昔(跟餐+$18，單叫$58)上面有Oreo🍪，成杯飲果時會飲到Oreo餅碎味，更加有口感，仲可以見到朱古力sauce係好有心機咁整左pattern係上面，唔會過甜但又可以滿足到我呢個Oreo迷。特濃朱古力奶昔(跟餐+$18，單叫$58)朋友嗌左朱古力，上面有棉花糖，相當邪惡，下面既朱古力醬同樣有pattern，朱古力味夠香濃。香草忌廉煙肉意粉(午餐$68連湯、飲品)煙肉份量幾多意粉煮得幾好可以再硬少少(可能係本身中意硬身d既意粉)，忌廉好Rich好Creamy，配埋唔同既椒相當惹味。玉子野菌煙肉卷($68)見到佢就諗起蛋黃哥，4粒蛋黃哥！煙肉包住炒香左既菇，上面加隻蛋，吉落去蛋黃汁流哂出黎，流哂口水，一啖擺哂落口，好夾既味，先有煙肉既鹹香，然後菇既香，蛋黃汁既滑，再加菜既新鮮。石板街多士盒($88)石板街簡直係Favourite，成份勁邪惡，朱古力雪糕、Oreo、威化、棉花糖多士盒入面係多士粒，夠哂香脆，但就要點埋朱古力醬先夠好味，中意食甜野既我同朋友見到簡直係癲左，即

今晚應該係廣大球迷, 支持香港隊既大日子! 我個朋友仔買唔到飛親身支持, 垂頭喪氣, 作為佢既老死(老友+死黨)一於叫埋佢去食佢最愛的甜品, 幫佢cheer up! 支持呢家野, 在心中......相信佢地會知道的, 對嗎? 地膽又出動, 俾我發現左九龍城有間唔錯既cafe, 當中最出名甜品 - 多士盒,  當晚又OT的我, 究竟係邊個發明OT這回事, 最後要朋友仔先去搵位, 當晚都幾多人, 睇過餐牌, 二人晚餐比較抵食! 我地揀左一餐湯, 一沙津, 一burger, 一意粉, 多士盒(可以先叫後上), 飲品可以係drink list果到揀, 我今日想飲花茶, 補$18選了玫瑰花茶, 而朋友仔就飲青蘋果梳打餐湯係粟米忌廉湯, 只能說是普通罐頭湯貨色, 好彩佢冇咸到死, 沙津反而D菜幾新鮮, 沙津醬如果分開上就更加好喇!玫瑰花茶, 雖然飲得出係玫瑰crossover香草味, 心底有叮點兒失望, 點解咁講? 平時飲開花茶多數會有個由蠟燭台放係下面, 唔多唔少有保溫作用, 今次冇提供到, 所以餐飯食到一半, D花茶已經放到涼了, 相信呢方面有改進的話, 印象分一定唔會扣分朋友仔叫青蘋果梳打,

週末同男朋友去九龍城買泰式食材整泰國菜，好耐無黎過九龍城，原來已經進注了很多新式Cafe，於是我們決定一試。這間café 門面有一把吊扇及半開放式座位已予人舒適優閒的感覺，估唔到係繁喧的九龍城裡還有這樣的cafe。甫進入室內已見到一個以木材的橫切面砌成的特式牆，好清新自然，在Cafe的角落還擺放了由店主搜羅的飾品供客人購買。特濃朱古力奶昔 $58好濃朱古力味，甜度適中，口感細滑，杯邊還有心思的朱古力花紋和面層鋪滿細綿花糖，賣相吸引。熱Mocha$35偏咖啡味，味道正常。煙肉玉子野菌卷$68食材顏色配搭吸引，已令人食慾大開，煙肉包住半生熟的雞蛋，一切開是蛋漿和好Juicy的野菌碎，一啖放入口，口感好有層次，這個小食好創新！All day Breakfast $98份量相當大，材料包括牛角包、沙律、香草香腸、茄汁豆、煙肉、薯角及野菌炒蛋，最欣賞是野菌炒蛋，炒得很嫩滑裡面仍保持蛋汁，再配上香脆的牛角包及其他配料一齊食好好味好滿足。牛肝菌汁鮮野菌意粉$78牛肝菌汁偏淡但有香濃既牛肝菌香，意粉彈牙，還有煎到香口的野菌，整體感覺好健康好適合女仔胃口。石板街多士盒$88賣相好吸引，朱古力迷見到一定會

就是因為那個色彩繽紛的巨型多士盒，這天晚上，我與差不多一年沒見的好友，來到這裡談心及享用晚餐！好明顯的，好友聚會在乎是對方，但如果有美食就會更加開心啦！Oslo 位於九龍城，附近都是食泰菜的，外牆裝修以木為主要風格，帶點韓式咖啡室情懷，不過門口位置剛好被工程的地盤埋沒了！要找就要靠最基本的數門牌了！店鋪入面都係走簡約風，樓底屬於高，啲枱都放得幾疏落，牆上掛左好多不同的畫作，感覺都幾舒服寧靜！（當晚出面的地盤已收工，所以並沒有聽到地盤的噪音！）店內一角，設售賣韓式的飾物及服飾，價格也是市價，喜歡的隨便買走就好！我地點左迷城漢堡包 跟沙律薯條 $68上枱見到飽身大概都有五吋直徑，外表烘得金黄，配搭著牛油生菜，自家製的牛肉扒，芝士，醬瓜，蕃茄等餡料，份量都不少，建議細食的女生，二人分享就最適合不過了。切開大漢堡後，可見到牛扒依然是帶粉紅色，證明沒有Overcook ,一口可吃到微脆漢堡包與肉汁香濃豐盛的牛扒，成個口感唔會好乾，念到人想再食多一啖，成件事好鬼邪惡！旁邊的薯條炸得金黄香脆，質感粉糯，而且仲排得好整齊，都係令人感覺到廚師的心機，就在微細位內。我地係為左個多士盒而來，當然要叫返個先得

店舖位置容易找到，店内環境尚算舒適。 食物款式都有很多選擇，價錢可接受。服務oK有禮貌，不過上菜速度唔算快，沒其他客人之下每款食物都要等最小15分鍾。兩個人食左239蚊