鳳鳴石磨腸粉 (觀塘廣場) (Closed)

如果你係腸粉fans 又未試過皺皮腸粉，真係要食下呢種用櫃桶式鋼盤將米漿配料蒸好，師傅再推到扭埋皺皮既腸粉，包你鐘意，個樣其實同陳村粉有幾分相似，味道比飲茶既布拉腸更有米香，更加煙韌。鳳鳴仲有黑米漿同紅米漿揀（免費升級），真係櫃桶腸粉界既極至。獨家配料：炒芝麻、炸蒜、芫荽、蔥花、麻油，可以自由選擇全要/走某款/份量多少（建議全部要齊因為好好味）。醬汁有自家製作麻香汁（小小麻辣一定要試下，好夾腸粉，另外加咗支拎番屋企撈麵）；辣椒粉；腸粉豉油。手撕雞腸個胡麻醬同麻香汁天作之合，雞肉本身都有調味，夾埋落黑米腸粉，食到冇停口，套餐有埋小食，要左六粒燒賣，點埋個汁醬一流。石磨雞蛋粟米豬肉腸，櫃桶腸粉經典組合，小食配三隻白菜豬肉餃，真係冇誇張、好好味，跟餐飲品有豆漿/ 竹蔗茅根/ 桂圓紅棗/ 羅漢果，都係夏天良伴。

星期三早上，決定食個好d ge早餐，於是就黎左鳳鳴買石磨腸粉，我8:40am黎到，已經見到有條隊，但好彩最後都係等左10分鐘左右就有得拎。Menu有好多款，而我就單點左石磨雞蛋豬肉腸 $23， 腸粉十分之好味同足料， 有豬肉碎同雞蛋，上面仲可以加配料，我就加左芫茜，蔥，炸蒜，芝麻，麻油，豉油， 如果食辣嘅仲可以加埋麻香汁同辣椒， 因為我唔想食辣就冇加了。 但聽聞佢個麻香汁好出名， 仲可以成罐買走， 我諗我下次真係要試下

觀塘廣場多美食就係人都知，但近期除咗車仔麵之外，仲多咗間皺皮腸粉❤️同老闆傾吓計，先知原來只係啱啱開咗三日，但已經排長龍😱老闆同幾個店員都係後生仔，當然啱Key啲😌🥚石磨雞蛋豬肉腸($19)腸粉皮薄，軟滑，有咬口，用了十足嘅豬肉再加埋蛋同米漿嘅香味，健康得來又飽肚！🍤石磨蔥花蝦米腸($18)蝦米大大粒，絕對唔係行貨，食落好香蝦乾味，仲要呢個價錢，抵食！☕️自家製羅漢果茶($10)真係自家煲，用料都幾重手，係媽媽嘅味道❤️ 值得一題嘅，係佢仲有紅米同黑米腸嘅選擇，而且一啲都唔貴，就算早餐食兩份都唔過分老闆話，希望可以帶一個健康嘅生活被繁忙嘅都市人，所以米漿全部都用石磨，新鮮製造，每日限售300份，絕對係心機之作！🥰 鋪頭細細，五藏俱全，早餐首選！