星海薈 (利舞臺廣場)

Open Now

Now Closed

看完梅豔芳傳記電影，就在曾經的利舞臺用餐。一行三人，選擇了下午茶茶市飲茶。用餐環境加分，在利舞臺二樓而專用樓層，電梯口就已經見到特別宣傳。下午茶需要14:00開始，排左一陣間，準時入座。一開始先叫一壺普洱，冲好幾轉色澤都不變。腸粉，蝦餃是必選。有個|雪山焗叉燒餐包^賣相似模似樣，叉燒不會肥膩，厚度適中。|金牌流沙包^流沙奶黃包無得頂…鹹蛋黃濃郁香口，咬落去真系流沙呀。|上湯蝦球焗伊麵^上湯浸住伊麵，配搭有洋蔥，蝦球，其實還有些少芝士味道。滑而爽口。|黑蒜燉美國響螺湯^黑蒜本身另外一種特別調味，加上螺同瘦肉而燉出來湯水分明。|晶瑩蝦餃皇^大大隻新鮮肉豐厚的蝦捲在餡內，蝦餃粉皮嫩滑，晶瑩剔透。

偶然間好想去食下高質點心，飲個靚茶才回公司繼續工作，就會去這裡吃，因為點心的確比同區其他酒樓高質。先說最有驚喜和特色的姖松茸野菌翡翠粉果，其實我一向都唔鍾意食粉果，但這間酒樓的除外，因為入面並不是塞滿菜和花生之類的食物，而是非常多的菇，而且粉粿皮薄、晶瑩剔透口感好好。胡椒濃雞湯灌湯餃都好有特色，灌湯餃是超大粒的，配上超濃香的胡椒味，以及雞湯香濃味，的確幾好飲！而灌湯餃皮薄，入面包滿了肉加彈口蝦，好豐富。碧玉鮮蝦腸粉也是少有地做到腸粉皮薄滑香，還有彈口的蝦肉～鮮蝦腐皮卷皮脆得來不油膩，還夾了彈口蝦肉，帶來雙重層次感蟹籽燒賣皇一上菜熱呼呼的，肉質軟香彈口😋好想一個人食4粒！

行開銅鑼灣，午飯時間想食一盅兩件，最後黎到呢間酒家，雖然都幾多人，不過都清queue 清得好快，等待大約15分鐘就有位。🥣招牌胡椒濃雞湯灌湯餃 係必點之選👍，濃雞湯好清，無乜油，每一啖都有胡椒香味，雞肉嫩滑，餃子包住豬肉、草菇和蝦，有多重口感，飲完湯之後成個人都暖晒。🍡蟹籽燒賣王（4件）多蟹籽幾惹味，亦唔會一咬就散開。🦐碧玉鮮蝦腸粉腸粉包著原隻大蝦和黃芽白菜，幼滑腸粉配上彈牙鮮蝦，爽脆美味。🥟南翔小籠包（3隻）好鐘意佢呢個擺放小籠包嘅設計心，因為每一次用筷子夾小籠包都很容易篤穿外皮，而呢個小籃嘅設計就方便衛生很多。一啖就食咗個小籠包，皮簿、湯汁好好飲，幾好食。🥬清蒸菜心感覺叫啲菜無咁飽滯，豉油係另上，如果想食得清一啲，唔點豉油都得。

Lunchtime偶然都幾鍾意去飲茶，因為點心永遠都唔會食厭～前排又同同事去呢間質素幾好嘅茶樓飲茶🫖由於只有2個人去食，可以食得精緻d！$38粒的鮑魚燒賣大大粒鮑魚在燒賣上，望到都覺得好吸引，食落去鮑魚幾有鮮味，而燒賣肉質亦不錯😋小籠包賣相好精緻，皮薄多湯汁，肉的份量適中，感覺不會很膩。另外胡椒濃雞湯灌湯餃亦幾特別，湯底的白胡椒味好香濃，湯餃非常大，入面包了蝦肉同肉，喝一口湯，吃一啖湯餃，非常滋味。碧玉鮮蝦腸粉的腸粉皮好滑，裡面的蝦肉亦好厚，點埋豉油味道好好。另外都好欣賞姖松茸野菌翡翠粉果，粉果皮薄且多菇多料，晶瑩透亮，滿口都是菇的香味😋下次再來吃精緻點心～