Video
Read full review
2024-01-17
55 views
講起食omakase，朋友推介「鮨宏」，話呢間一定要食！好～即book！開完個長命會，拉埋同事趕嚟叉返個電先！食omakase準時到係一個必須嘅美德～🤗👍🏻一坐低，宏師傅已經熱情招待，見我哋跑到上氣不接下氣，立即安排少少漬物同茶畀我哋順下氣～坐定定就開始「廚師發辦」啦！！🥰💓🦪長崎小長井蠔：蠔身光滑飽滿，蠔肉非常爽口，味道清甜帶有微微嘅海水味，師傅用咗日本甜水果蕃茄整咗個蕃茄啫哩，有別於一般食法，風味獨特清新！🐟碳火燒Sawara 鰆魚（藍點馬鮫)：係而家嘅當造食材～經輕微火炙後外皮酥脆，而且熱力能激發出魚嘅油份，再綴以四季紅（菜苗），無論食味同賣相都提升咗一個層次！🐙師傅重點signature：櫻煮日本空運石抓八爪魚，師傅話佢先用鹽按摩咗一個鐘😱，再用Sake、茶葉慢煮三個鐘😱，食落口感綿滑，佢仲講明頭尾都唔要！😅因為煮得耐肉質會削啲，所以食材成本都非常高～🤍北海道銀鱈魚白子：師傅話靚嘅白子唔使搞咁多花樣，佢自己就會白灼，當然火喉都好緊要，要煮到半生熟，配以檸檬醋酸汁，口感好creamy，帶有一啲油份，但感覺濃而不膩，當然最重要係食材新鮮～🥰👍🏻🤍🦀香廂蟹盒：平時食嘅松葉蟹係公，香箱
一坐低，宏師傅已經熱情招待，見我哋跑到上氣不接下氣，立即安排少少漬物同茶畀我哋順下氣～坐定定就開始「廚師發辦」啦！！🥰💓
🦪長崎小長井蠔：蠔身光滑飽滿，蠔肉非常爽口，味道清甜帶有微微嘅海水味，師傅用咗日本甜水果蕃茄整咗個蕃茄啫哩，有別於一般食法，風味獨特清新！
🐟碳火燒Sawara 鰆魚（藍點馬鮫)：係而家嘅當造食材～經輕微火炙後外皮酥脆，而且熱力能激發出魚嘅油份，再綴以四季紅（菜苗），無論食味同賣相都提升咗一個層次！
🐙師傅重點signature：櫻煮日本空運石抓八爪魚，師傅話佢先用鹽按摩咗一個鐘😱，再用Sake、茶葉慢煮三個鐘😱，食落口感綿滑，佢仲講明頭尾都唔要！😅因為煮得耐肉質會削啲，所以食材成本都非常高～
🤍北海道銀鱈魚白子：師傅話靚嘅白子唔使搞咁多花樣，佢自己就會白灼，當然火喉都好緊要，要煮到半生熟，配以檸檬醋酸汁，口感好creamy，帶有一啲油份，但感覺濃而不膩，當然最重要係食材新鮮～🥰👍🏻🤍
鱈魚白子、櫻煮八爪、炙燒馬鮫、小長井蠔
4 views
0 likes
0 comments
🦀香廂蟹盒：平時食嘅松葉蟹係公，香箱蟹係乸，用咗佢嘅肉、羔、籽，配上少許紫蘇花，一大箸夾入口，味道清香，感受到濃郁嘅蟹味！🥰
🐟北海道鰤魚：一件背、一件腩…兩件有唔同食味，唔同口感～第一件背，師傅叫我哋連wasabi都唔好落，食到真正嘅魚味，鮮甜；第二件腩，就要落少少wasabi同醬油，因為拖羅部分比較多油，可以中和一下，口感豐腴。
🤎師傅另一個重點signature：鮟鱇魚魚肝：佢話可以算係深海嘅高級鵝肝～一定要用靚嘅sake去浸，再全個蒸熟，食落口好似雪糕，面頭再配一啲金山寺Miso（小麥造嘅麵豉），小麥口感煙煙靭靭，夾埋魚肝又幾夾喎！佢話呢啲其實係古法，有時烹飪都要講究傳統～
香箱蟹盒、鰤魚腩、鮟鱇魚肝配小麥麵豉
0 views
0 likes
0 comments
🥣（重點推介）日本長崎縣水魚湯：呢個湯最啱冬天進補，湯汁好清好甜，處理好水魚後，加埋昆布燉六個鐘，飲完個胃即刻暖笠笠，不過師傅話係秘方🤪無得偷師😅🥰
清燉水魚湯
9 views
0 likes
0 comments
🦪我嘅至愛係磯煮鮑魚配肝醬，下面墊有鮑魚肝醬撈醋飯（又係秘方！🤪🤣）：先用日本產地磯煮鮑魚汁浸煮鮑魚，唔可以煮太耐，要保持煙韌彈牙，再用肝醬淋飯；上面裝飾果塊金蓮葉唔係淨係得個樣🍀，有少少wasabi味，因為肝醬比較濃味，用佢可解一解膩～
磯煮鮑魚配肝醬
4 views
0 likes
0 comments
🍵今日MVP～蟹肉花膠茶碗蒸：蛋夠滑就唔洗講啦～用料仲有松葉蟹腳肉、花膠、三文魚籽，因為師傅加咗啲日本蔥花，所以一打開個蓋，頓時香氣四溢，感覺非常醉人～啖啖滿足！食完又係暖笠笠，令人有「好幸福」嘅感覺！從簡單嘅食材睇到師傅嘅心思！💓
花膠蟹肉茶碗蒸
6 views
0 likes
0 comments
🐟師傅另一得意之作～炙燒地金目鯛：魚皮連魚鱗一齊燒，因為燒嘅時候魚油會上咗啲魚鱗度，所以個皮可以燒到黃金一樣閃閃令，真正皮脆肉嫩！！
🍣壽司🍣：（九貫）
🐟真鯛：鱲魚嘅肉一般比較緊實，佢熟成咗一晚，肉同筋會鬆咗，口感鬆軟～😅
🐚赤貝：只要夠新鮮，就一定爽脆清甜！😘
🐟九洲間八魚：魚味清新，口感爽甜令到赤醋飯嘅酸味好突出！
🥰壽司MVP～甜蝦🦐：蝦不嬲都係我嘅至愛，啲甜蝦都幾大隻，但最特別嘅係師傅磨碎咗啲甜蝦殼，再淆成蝦油，作為佐料，一個字：香！
🐟太刀魚：加咗岩鹽嚟碳燒，皮好香，好有魚嘅鮮味，呢款魚係師傅好講究嘅食材之一，因為只要一唔新鮮就會有腥味～
🐟深海大池魚王：池魚大家就成日食，但係叫得做池魚王，就一定有返咁上下質素～師傅將魚肉熟成一晚，令肉質收縮咗～魚嘅甜味同油份先至會逼到出嚟～
3 views
0 likes
0 comments
🐚北海道活帶子：師傅好有心機，將帶子切到好似一朵菊花咁🌼佢話唔係整色整水～而係合適嘅刀功會有助讓客人感受帶子嘅口感，食落會更加鮮甜而唔會膩，再加啲岩鹽調味，十分鮮美！🥰👍🏻
北海道大元貝
0 views
0 likes
0 comments
🐟吞拿魚赤身豉油漬：因爲呢個部位近血位，雖然瘦身但係魚味濃鬱，，不過好容易有腥味，而家浸過一下豉油，在鮮味上添上一份深度～
🐟中拖羅：拖羅油份豐富，師傅話係最後一件，所以玩少少舞台效果🤪🤣（其實佢唔係鍾意整色整水嘅人，不過都明白客人有打卡嘅需要～😅😜）飄雪效果用咗片片淡雪鹽，其實原來唔係鹽，而係用米做嘅，所以鹹味唔濃，但係可以幫助吸收拖羅嘅油份，錦上添花！🥰👍🏻（呢一件成本都要$100🤪）
🌭海膽熱狗：用上北海道馬糞海膽～滿滿一大駝，配上赤醋飯，外層係脆口嘅紫菜，我成件啪落口～大滿足！🥰🤗👍🏻
海膽熱狗
0 views
0 likes
0 comments
師傅嘅壽司飯用上赤醋，味道比白醋微酸，但係就可以中和魚嘅油份。
玉子燒：往往最簡單嘅菜式就最考師傅嘅功夫，好似乾炒牛河一樣，玉子燒一定係考試題目！🥰👍🏻師傅用底火爐慢煎一個鐘～過程中仲要睇到實，因為要刺穿啲氣泡，件玉子燒先可以好似布甸咁綿，上碟動L動L，綿密口感嘅秘密原來係加咗魚肉！😱🤗確實係心機同時間嘅結晶🥰～
甜品：唔係一件，係四件：靜崗蜜瓜🍈，北海道牛乳芝士蛋糕🍰，香橙果凍🍊，宇治抹茶布甸🍵～師傅話除咗件蜜瓜唔係自己種之外，全部甜品都係佢親手泡製，好少omakase嘅師傅會由頭包辦到落尾，真係誠意滿滿！
甜品四拼
6 views
0 likes
0 comments
香港嘅omakase店舖林立，有啲追求視覺嘅美，有啲講求味覺嘅衝擊，有啲要創新，標奇立異～～但係我覺得最重要都係睇師傅對食材嘅了解同用心，今日除咗食咗美味嘅食品之外，仲上咗寶貴嘅一課，師傅响奉上食物嘅時候，會講解唔同食物嘅配搭同烹調方式，最重要係感受到佢對烹飪嘅極致講究同用心！！食得「廚師發辦」，當然就係要個廚師靠得住啦～唔係點夠膽畀佢發辦呀？！🤪🤣
Post
