神燈海鮮酒家 (18廣場)

Open Now

Now Closed

今日同媽媽慶祝母親節❤️見到網上的正評，預約左哩間神燈海鮮酒家，環境像是舊式茶樓，職員在大時大節忙得不可開交。前菜小食嘅琥珀核桃外表金黃，有陣陣焦糖香氣，入口酥脆，好好食👍🏻我們預訂左一啲招牌菜式一齊試下。🔸蜜椒金薯牛肝連牛肉肉質超級柔嫰，薯粒外脆內軟，薄薄一層嘅蜜糖，甜甜地，加上黑椒，十分香口！🔸 神燈小炒王呢款係經典菜式，特別係佢加左油炸鬼去炒，油炸鬼超級脆而香口，醬汁甜甜地，十分惹味！🔸懷舊蝦多士由細到大都好鍾意食蝦多士，多士超級酥脆，蝦都好大隻，超級邪惡，不過略嫌油左啲！🔸 金湯海皇豆腐用南瓜和咸蛋黄制成湯底，加上豆腐和海鮮，鮮甜十足！🔸 糯米炒膏蟹這是神燈名物，蟹膏份量驚人，鮮香濃郁，蟹香滲透煙靭而帶飯焦香嘅糯米飯，這是必食的！🔸清蒸參斑魚參斑魚肉質鮮甜而不柴，十分好食！🔸燒乳豬一隻心心念念嘅燒乳豬，賣相不錯！乳豬外皮薄而酥脆，無乜肥膏，肉質嫩滑但略嫌乳豬外皮有點過火，部份位置唔係好脆。🔸砵酒桶蠔煲醬汁蓋過左蠔本身嘅鮮味，菜式一般。🔸甜品-桂花椰汁糕甜品用來總結晚餐挺不錯的，桂花和椰汁香甜而不膩，很好食！

近排越黎越多餐廳暫停營業，好耐冇去中意嘅餐廳食飯啦！ 唯有睇下之前食嘢嘅相，望梅止渴喇........呢間佐敦嘅神燈海鮮酒家，主打經典粵式點心同粵菜，之前大時大節都會去食架，雖然價錢少少貴喇，但食物質素真係冇得頂，我願意俾呢個價！神燈小炒王呢個好似係經典菜式，見到好多枱都有order。印象最深刻就係加左油炸鬼落去炒，油炸鬼好脆好香口，又吸嗮其他料啲味，好香好惹味，同埋好想送啤酒食！叉燒神燈嘅燒味好抵讚，午市點心嘅乳鴿已經好出色，次次黎食點心放題都同屋企人人手兩隻。估唔到叉燒都咁有水準。好似仲有個牛肉版嘅叉燒，等開業要去試試。首先叉燒汁甜度適中，隱約嘅炭燒味好正，肉質嫩得黎有咬口，肥瘦均勻，好似唔知係用啲咩好啲嘅豬肉整。菠蘿咕嚕肉雖然咕嚕肉周圍有，但好多地方都整到好伏。唔係好多肥豬肉，就係炸到好硬，炸粉包到好厚。我對咕嚕肉要求都偏高，神燈嘅咕嚕肉我覺得都有中上水准。醬汁酸甜適中，keep到香脆嘅口感，重點係舊豬肉肥瘦適中，彈牙有肉汁。麥皮蝦呢個好似係神燈必食嘅菜式，一上枱已經聞到浸好香嘅麥皮味，係麥香加少少奶香嘅感覺。咬落口完全好鬆脆，入邊嘅蝦肉好鮮甜，落單姐姐真係冇介紹錯。平時連年三十

寫了第一篇食評後，發現原來寫食評並不是想像中的困難；只要將直接的感受講出來便可以，原來分享可以好簡單！今次想分享一下位於佐敦長樂街的神燈海鮮酒家。食肆的裝修麻麻哋，沒有窗，加上燈光不夠光猛，感覺有點侷促。但食物質素真是喜出望外，我哋六個大人兩個小朋友，合共叫了九個餸，除了一兩個餸麻麻哋之外，大部分都不錯，尤其是濃湯雞煲翅，一份$688，足8兩翅，6大碗，個個食到讚不絕口，非常值得推薦！$228只得幾舊雖然有點貴，但真心好食；肉脂比例剛好，嫩滑多汁，質素高的叉燒才可如此厚切。加咗鹹蛋黃，非常開胃。比較油膩，很一般。帶子夠大粒，份量也不少。開胃惹味，送飯一流；基本上是每台必叫的招牌餸。

神燈海鮮酒家 樓高兩層 裝潢典雅 設有卡位 環境乾淨舒適小菜種類不少 除了懷舊菜式 如招牌焗魚腸 最近還推岀了環球三蝦祭 三聖芝脆焗龍蝦 x 法式蜂蜜芥末蝦球 x 星洲麥皮蝦茶位 $15/位前菜 $25酸白蘿蔔 非常爽口 酸酸甜甜很開胃▪️法式蜂蜜芥末蝦球 $148超級推介的一款蝦球外皮炸得香脆 薄身不油膩 蝦肉鮮甜彈牙 配上蜂蜜芥末 甜甜的 帶一絲微酸 很適合嗜甜的我▪️神燈小炒王 $158很多款配料的小炒！油條 豬板筋 腰果 馬蹄 蝦乾 四季豆 想不到這幾款食材走在一起 味道又挺不錯每樣食材都裹滿醬汁 甜甜的 微辣挺惹味 重點是很有鑊氣油條超脆！馬蹄爽甜多汁！豬板筋肉質爽滑 不柴不韌四季豆清甜爽口 配上腰果 蝦乾 口感味道豐富▪️星洲麥皮蝦 $248麥皮蝦挺大一隻麥皮香脆帶點微辣 入口淡淡牛油香▪️蟹肉菠菜豆腐盒 $118豆腐盒的口感彷如玉子豆腐般嫩滑帶淡淡雞蛋香味面層有絲絲蟹肉跟菠菜 味道較為清淡若能多點蟹肉就好了▪️砂鍋蟹粥 $168店員會在客人面前烹煮蟹粥 再為客人添上 特別欣賞蟹粥的温度都能夠保持 店員更會留意客人是否已吃完一碗蟹粥 問客人是否需要再添上砂鍋蟹粥約能裝滿六碗 蟹粥鮮甜

新開張，人流不算多。每張枱之間有足夠空間，不擠擁。菜式選擇不及以前的新斗記多，味道不錯，上菜速度亦快。亦繼承了上一手新斗記嘅即燒乳豬。服務方面，可能部份員工剛上手，不太熟悉操作，但管理層服務貼心及用心指導員工👍