神虎麺商店

Open Now

Now Closed

📍  神虎麺商店🗓️ 23 August 2023今日去到大角咀嘅拉麵店，門面好有日本風，裝修亦都好靚，呢間鋪頭喺灣仔都有分店。🍴 炸雞塊 $55炸雞塊非常出色，外脆內嫩，亦好juicy多汁。一碟有四舊雞而每舊都大大件。🍴 神虎餃子 $45一碟有五件嘅餃子有少少脆同埋會爆汁，沾上酸酸地哋醬汁就啱啱好。🍴神虎沾麵 $122朋友食嘅沾麵，旁邊有一支醋比佢加落去，而湯亦都係可以任添。🍴 神虎精選 $135由於第一次食，朋友建議選擇精選，因為有多啲配料。好難得見到一隻糖心蛋咁上，仲有好少見嘅豬肉丸兩粒。最有特色相信係伊比利亞豬腩肉，炆得非常之好，食完亦唔會覺得太肥膩。不過湯非常濃，適合重口味人士。

繼上個月自己去左神虎試佢個拉麵之後，今日忍唔住都帶女朋友去食下，比佢係去日本之前感受下有日本風味嘅拉麵。今次夜左少少去，要等15分鐘左右先入倒去。一坐低，我見好多客都叫左沾麵食，我再睇睇餐單，沾麵係有得揀份量 (200g / 300g)，咁岩我勁餓。即刻叫左300g。女朋友就試左"海老虎"，因為就算係香港定日本都好少可有得食蝦湯拉麵。神虎沾麵 ($122)一上枱，份量真係好足，正常男士餓餓地當dinner食一定飽，呢一點要讚下。香港真係唔係咁多間賣沾麵嘅店肯做呢個個份量。講番個湯，魚介豚骨湯，個碗係十分熱。冬天黎講唔會食麵食到一半就凍左。魚介味道無太出，呢點反而岩我，我自己個人喜歡豚骨味重一點。麵質方面，基本上係完美，重點係有得揀冷麵，掛湯力十足。叉燒2片正常size，蛋有1隻，整體份量 100分。海老虎 ($103)女朋友食嘅海老虎都算幾特別，佢碗上面比嘅櫻花蝦米量好多，食到最後飲湯都每匙都有，蝦米為拉麵帶黎一D海鮮嘅鮮味。感覺佢係有加少少蝦油，成個湯再上多一個層次。 而麵質算係唔易淋，食到最後都彈牙。

最近試咗哩間喺大角咀開咗分店嘅大阪過江龍-神虎麺商店（另一間分店係灣仔～）同其他拉麵店一樣設有吧枱同少量2人檯 環境夠光猛 員工都好友善💚·海老虎精選 $140啱晒有選擇困難症嘅大家 呢款拉麵乜配料都齊晒 可以話係拉麵界嘅過橋米線啊！豚腩肉用左西班牙豬 厚身而不油膩 亦唔會過韌～湯底有大量櫻花蝦同下蝦油 好足料！其他配料包括有：叉燒、豬肉丸、糖心蛋、味付筍、紫菜、木耳、青蔥同紫洋蔥👏🏻·神虎沾麵 $116有啲失策 叫左熱麵底 平時我都記得叫凍…不過好彩麵都夠煙韌👍🏻叫咗200g已經好飽 大胃王可以挑戰下300g～沾麵汁份量剛剛好 唔需要加湯 食完一碗麵啱啱好用晒啲汁 但略嫌唔夠濃味 所以我加左啲魚醋去調味🙌🏻·炸雞塊 $48好大舊 炸得夠酥脆 唔會好油膩～#𝙛𝙚𝙞𝙜𝙡𝙤𝙧_𝙚𝙖𝙩📍 神虎麺商店 (大角咀)大角咀埃華街74號大同新邨大成樓地舖@kamitora_tonkotsu

-{大角咀魚介沾麵🍜}又黎大角咀食拉麵😚今次依間係分店黎 總店係灣仔 嗌左沾麵食🤓🤤神虎沾麵🤤 ($116)要左300g同熱嘅魚介湯湯嘅鹹香味較重 適合重口味人士 麵好夠彈 會掛湯~湯入面有2粒叉燒加筍 仲有2片叉燒就乾柴啲 沾啲湯汁食會好d☺️最後隻蛋 係神級好味😍😆蛋味勁香濃完全冇腥味 個蛋好滑又流心好正😝👖褲評: 8.8/10成個麵都好正 尤其隻蛋🥰😍但定價有啲貴😭同埋等野食嘅時間耐啲👀性價比: 8/10服務: 8.3/10環境: 8.2/10🚩神虎麺商店🚩地址: 大角咀埃華街74號大同新邨大成樓地舖灣仔大王東街6-16號安東大廈地舖

大角咀其實都幾多嘢食，今次搵咗間食沾麵嘅舖頭，入面仲有日本師傅坐鎮😍😍佢係水準出式既魚介湯沾麵.味道,價錢都好好..湯底夠濃夠香，係好重嘅魚介湯味，但又唔會好鹹。神虎沾麵有配瘦叉燒,但瘦叉燒驚喜唔大.反而加配既肥叉燒卻係超級好味!!燒過既肥肉好香,而肉質超腍超嫩.加配價係$48，超級建議加配！！.以佢嘅麵質就係粗身曲麵，好掛到汁，有得揀200g同300g.正常份量200g已經夠晒.神虎沾麵 $116