肉餅哥小炒料理 (Closed)

係荃灣廣場睇完正義聯盟之後,煩惱緊晚餐食啲咩好,就諗起肉餅哥啦又近又平靚正,即刻行過去先上次試左個流心芝士肉餅覺得好好食今次就試秘制金沙蛋黃肉餅啦一如以往,一坐低就有湯飲,暖暖地,又開胃本身想食油飯既,但係又好想食菜喎,都係叫菜飯啦秘制金沙蛋黃肉餅 $69秘制金沙蛋黃肉餅既定位係中價既$69肉餅係煎既,一出黎都聞到佢啲香味食落口有好濃既蛋黃味,好足料,係幾滋味既只不過係食到一半咁上下覺得有啲濟...比較之下都係上次個流心芝士肉餅好食啲下次再黎試下其他先

上次和女友試完這裡的金沙蛋黃肉餅，一直念念不忘，所以今日就決定來 encore 選擇過了午市時段接近三時才到，今天比上次好，只有大約50%坐滿，輕輕鬆鬆坐了張四人枱。 既然為金沙蛋黃肉餅而來，這當然是必叫的，另外一客就叫了老干媽煎肉餅。十分鐘內兩客肉餅就上枱，金沙蛋黃肉餅水準依舊，滿滿的咸蛋黃茸鋪在肉餅上面，雖然好油膩，但真是一食不能停口，煎肉餅有點燶邊，肥瘦肉mix 在一起，有口感有味道。另一個老干媽煎肉餅，肉餅其實一樣，只是換了老干媽醬（辣椒+豆豉）在上面，少辣幾惹味，送飯或粥一流。今次因為油飯沽清，所以叫了白飯，用了枱面上的甜豉油撈飯，另一驚喜。由於肉餅種類繁多，我們已定下日子下次再來試其他口味。

本身已經係肉餅迷既我最近都聽朋友講過荃灣有間食肉餅幾好味既餐廳，難得今日入荃灣就緊係要拉朋友黎試試佢啦。不過老實講，佢個位置真係有少少難搵，佢唔係係荃灣出名食野既主街，而係係住宅區個邊，所以都要行一段時間。入到黎雖然餐廳唔係好大，不過又唔會坐得逼，而且以小菜茶餐廳黎講佢既裝修都算幾好。  睇番餐牌佢就真係以肉餅為主，佢地肉餅套餐有成36款，傳統配搭同新式配搭都有好多，搞到我地一開始都唔知揀邊款好。最後我地三個女仔揀左3個肉餅套餐同埋兩款小食，最前上既係跟餐中式湯，呢個湯就不過不失，飲落都唔會話好重味精。 小菜：芥香木耳 ＄22木耳既好爽口，酸酸地再加埋香而不辣既芥香味令味道有雙層層次感，而且仲會愈食愈開胃。小菜：芝士炸薯波 $28炸薯波熱辣辣好香脆，不過如果可以多啲芝士就更好味喇！先黎係足三兩花膠肉餅，真係唔係講笑，呢到真係好足料，開頭以為花膠係Gimmick野，點個佢真係鋪左三條好有份量既花膠係面，我地三個女仔一人一條都唔係好食得晒，而且花膠食落真係好有膠既質感，明顯質量係唔差既花膠，再加上佢索晒啲汁，真係好好味。   下面既蒸肉餅呢，肥瘦都好適中，食唔到有味精味，而且平時出去食既肉

依個冬天唔係打邊爐, 就係食西野....真係食到有d悶....今次聽男人講荃灣有一間專食肉餅既中式餐廳, 諗都唔洗諗就去左~ 不過當去到荃灣...google map下先知原來都離地鐵站幾遠行......結果行左大概3個字到先去到一坐低打算睇餐牌時, waiter已經上左3碗湯俾我地先~淨係睇佢個餐牌....都真係開始頭都暈....因為佢大大話話都有成30款肉餅 LOL 最普通既咸魚肉餅去到甜味既特式果醬都有~對於女仕黎講, 見到有一款真係眼都光埋: 花膠肉餅晚餐set係$98, 有一開始既湯~ 仲可以簡飯, 粥同埋米粉~加$2仲可以轉菜飯 / 油飯~首先講下佢個花膠先~ 一大煲飯total有4大舊花膠, 每舊都有至少手板咁大塊, 佢蒸完出黎都好"淋"~ 再係上面加埋特製既汁味道都唔錯, 絕對唔係味精味~ 而花膠"膠度"都好好, 咬落口真係啖啖膠質~如果以$98黎講有4大舊花膠都真係幾唔錯~去到個重點就係肉餅, 依個肉餅係蒸的~ 咬落去都幾滑, 肉質都鮮嫩, 唔會"梅"身~ size同厚度都適中~食得蒸肉餅, 冇理由唔食煎啦~今次又再保守d~叫左個金沙蛋黃肉餅鐘意食黃金蝦, 蛋頩既人,

之前已經有其他媒體介意過呢間專門食「肉餅」嘅餐廳，呢間餐廳總共有33種唔同款式嘅肉餅，有蒸嘅肉餅及有煎嘅肉餅選擇。一坐低，侍應就會放低每人一碗嘅老火湯（雞腳菜湯），碗湯嘅味道好好飲，好有屋企嘅感覺。而今次我哋就食「秘製金沙蛋黃肉餅」同埋「蝦膏蟹蓋肉餅」，兩樣都係蒸嘅，而轉菜飯或者油飯都係額外加$2蚊。大約等左十分鐘左右，肉餅就到啦！相信都係即叫即蒸/煎！兩款嘅肉餅味道都啱啱好，份量都足夠。值得再去試其他款式肉餅！不過，就係冇咖啡奶茶檸茶檸水飲，只有罐裝汽水同支裝果汁。希望遲啲會有咖啡奶茶檸茶檸水選擇。最後環境方面，枱與枱之間都比較狹窄。

秘制金沙蛋黃肉餅, Lunch set $58因為已經有金沙蛋黃,所以冇轉做油飯當減輕少少罪惡感金沙蛋黃做得好好, 個種油香就連而家打緊字都記得!如果D飯可以多少少就好, 因為太好送飯, 到最後係要淨食肉餅下次有機會會試火焰鵝肝肉餅, 愈高危嘅食物愈係好味, 好似係真理,除非唔係

之前見雜誌介紹龍蝦肉餅的確吸睛，但午市來到，感覺叫龍蝦肉餅好像較為重口味一點。所以最後選了另一推介：秘制金沙蛋黃肉餅飯$48轉油飯+$2午餐奉送埋老火湯另+$2有熱飲。當日飲既老火湯好似係紅蘿蔔豬展，煲得唔錯，好潤！主角到啦！肉餅上既金沙蛋黃醬好香，同一般食到既黃金蝦既Sauce差不多味！肉餅外面煎得好脆，裡面見到肉汁，唔乾，肉餅亦做得頗厚身，食哂成個的確係溜！但有時食下不同口味既肉餅的確係別有一番風味！