War Rooms by Top Blade

Open Now

Now Closed

-呢間係top blade steak lab開的，以二戰時期邱吉爾嘅辦公室作為主題，所以質素都有保證，前菜烤牛骨髓配上脆嘅手工麵包勁香勁好食、油脂極豐富，經過醃製配上蛋黃醬黑椒橄欖油同埋芝士碎嘅生牛肉正常發揮，牛肉串Juicy配上荷蘭醬仲好食，牛舌芯烤得啱啱好，凍湯飲落清新有蕃茄味牛扒三重奏我哋嗰台比隔籬枱細件一啲，由封門柳開始食起，再食牛板腱同埋朱古力和牛，牛扒煮得啱啱好，口感軟嫩，我個人最鍾意朱古力和牛，食落夠哂油脂好食個和牛煲仔飯勁香，飯焦啱啱好，但係食落味道唔濃最後配上蕃紅花雪糕作結，比起雪糕，我覺得佢更加似雪葩侍應服務好好，有啲侍應之前食top blade steak同埋研香見過😂，成個Menu鋪排都好有心思-War Room 8-course Tasting Menu | $1,560/2 加一。手工麵包配烤骨髓。秘製意式生牛肉。850度牛串 (每人一串）。乾式熟成和牛舌芯 (每人兩件）。凍湯。《廚師發辦牛扒三重奏》 /每人一碟澳洲Mayura M9+朱古力和牛28天乾式熟成 Prime 牛板腱Prime 封門柳。頂級M9+和牛煲仔飯。蕃紅花雪糕-📌#sorriso_中環

War Rooms係Top Blade Steak Lab旗下嘅高級扒房，開咗半年左右，由餐牌及官網設計到裝修擺設，都係圍繞住邱吉爾嘅二戰辦公室呢個主題～ 上個月朋友生日話想食西餐，見到呢到嘅晚餐係有8道菜嘅全牛宴🐮，睇人哋啲相覺得幾吸引就決定試吓🤤～特別一讚，成個用餐體驗非常之好，每一枱都有專人上菜同講解每道菜式，•🥢 Dinner 8-course Menu $780 per person另外可以加$299配埋4杯酒，而且唔一定要按人頭加，即係兩個人可以只有其中一人加wine-pairing, 不過因為我哋都少飲酒，所以就無加到～•📸 手工麵包配烤骨髓牛骨髓𢳂起好似牛油咁，用嚟搽上烘到脆卜卜嘅薄麵包，食落好香牛味同香草味～ 第一次食牛骨髓嘅我，覺得幾有趣同有驚喜🤩•📸 秘製意式生牛肉生牛肉用上flat iron，由於經過24小時醃製，所以表面會偏向啡色～ 配咗蒜味蛋黃醬、黑椒、橄欖油同芝士碎，食落有少少ham嘅鹹香味，但又有食生肉嘅口感，而且係越咬越有牛味🤤•📸 850度牛串呢個牛串係用咗牛胸腹，旁邊配咗日式牛肉汁荷蘭醬。食第一啖已經食到極濃郁嘅牛味，而且牛肉極juicy💦 無想像

今日去試左間位於中環士丹利街嘅新餐廳 - War Rooms by Top Blade. 由士丹利街入口，先見到Top Blade Steak Lab，之後經過落一條長樓梯，就到達今日嘅主角 - War Rooms 。餐廳 idea 源自於二戰功臣英國前首相邱吉爾，就連所有嘅Menu & wine list 都係 ‘機密文件’，估計亦因為咁，所以餐廳先設置於地下，模仿二戰時期嘅地下辦公室。餐廳一共有五張枱，都係梳化卡位形式，私隱度都算高。一般建議最多坐6個，如果大group 人過嚟食，就要分開2張枱坐。餐廳全部都係食 set menu頭盤係手工麵包配烤骨髓 - 麵包焗得好脆。至於牛骨髓，係一道比較難掌握嘅菜式，略嫌焗得唔夠香，所以有少少油膩，亦偏細秘製意式生牛肉有驚喜，同一般用tenderloin既做法唔同。War Rooms 用左 Flat Iron 加意大利黑醋同橄欖油，食落去有口感得來又又有肉香850度牛串用左牛橫膈膜位置既肉，燒得㴝唔太乾身、牛味濃郁，口感唔錯乾式熟成澳洲和牛舌芯比較少食dry aged 既牛舌，一樣有驚喜雖然厚切係和牛舌芯，即係牛舌最中間亦都係最油膩嘅位置，但