九爺牛腩 (佐敦道)

Open Now

Now Closed

之前都數過一啲香港招牌嘅成名食品，輪到主食方面，相信牛腩麵都係一個生招牌，🥰不過今時今日每個人對食嘅要求都高咗好多，久而久之食個牛腩麵到影相特別刁鑽，就連想食嘅部位都要分得清楚啲。 🤭最近喺佐敦都開咗呢一間九爺牛腩，一眾牛魔王絕對係愛不釋口😋秘製牛三寶— 🐮一頭牛裏面大部份嘅部位都可以食用，作為牛魔王，當然最鍾意乜都有啲，呢個咪就係牛三寶就係其中一個招牌，🐮有金錢肚有牛筋同埋有切腩。 可以見到每塊金錢肚都係大大塊，🥩喺出邊可能食到嘅係一條條，但呢一度可以用一片片嚟形容，彈性十足，每一啖都係大滿足。🥩至於牛筋更加係每一條都夠晒粗身而且熬製嘅時間夠晒長，所以特別軟軟地淰淰地。🥩最後牛腩當然亦都係肉同脂肪嘅比例完美，比起傳統嘅牛腩呢一款切腩肉都比較淰身啲，高度建議可以配埋佢哋嘅特製辣椒油，同每一款嘅牛都非常之夾🌶️手打牛丸麵— 🍜食完頭先嘅三寶，最後嚟返一碗牛丸麵，呢度嘅牛丸粒粒都係手打，🍢唔彈牙嘅都唔會放落個碗度，咬開一半就知道真材實料，中間嘅氣孔，同埋裏面亦都加咗少少牛筋碎，🍢令到牛丸裏面亦都鎖住咗唔少嘅肉汁，招牌嘅全蛋麵更加係香港傳統特色，🍜喺而家嘅香港都仲可以保留住呢一番傳統嘅味道🍜九

有個朋友幾鍾意食牛腩粉麵，唔使返工嘅日子佢就會周圍試，睇見食友嘅食評大力推介呢間「九爺牛腩」，經濟實惠又抵食，性價比高，所以是夜就同佢嚟到試一試啲牛腩得唔得！ 以港式粉麵店嚟計，餐廳嘅環境算大，而且，無啲舊式粉麵舖咁擠迫，裝修簇新，夠晒乾淨明亮，整體感覺闊落，令人好醒神。 我哋揀咗坐卡位，猶如大部分茶記咁，少少醬料放喺枱上，側邊嘅抽櫃就放有餐具、紙巾、糖包……等等。 大大張餐牌，底面兩頁，選擇非常之多，唔止有粉麵，仲有酥炸小食、飯類、淨餸、飲品，更有早餐、常餐、下午茶餐、三文治餐、每日精選粉麵餐……等等，另外，兼賣啲火鍋配料，俾人賣返去打邊爐。我哋就梗喺將目標放晌必食推介嘅粉麵度啦，而惠顧各式粉麵飯類，都可以以優惠價加配飲品同油菜。酥炸雲吞 $28見有多款酥炸小食，又唔貴，所以，點一客過吓口癮。一碟有5粒炸雲吞飽滿，唔喺話好大粒，但夠真材實料，裡面有好多蝦肉，咬落外層酥脆不膩，裡面就好爽彈，沾上少少甜酸醬，更正。 腐乳通菜 +$12油菜有生菜、菜心同通菜，揀咗後者就梗喺配腐乳啦，啲通菜烚得幾爽口，啲腐乳幾香，質感啱啱好，唔會太稀或太杰。 牛魔王河 $60老友諗都唔諗就喺推介之一嘅「牛魔