新沙洞大排檔 (大政街)

Open Now

Now Closed

成間餐廳佈置好有韓國路邊攤檔既感覺，非常之有氣氛同埋特色，好掛住去韓國食嘢🥹一入去就已經有小菜提供，而且非常有誠意，茄子泡菜，薯蓉等等，好吸引，仲要而家有個優惠，馮星期一至四全日，同埋五六日夜晚7點前以198元就食到醬油蟹，不過公眾假期就冇優惠，同埋優惠一定要電話訂座先有架，鐘意蟹既你一定唔可以錯過丫芝士鐵板辣炒年糕雞 🐔$168由於有鐵板保存溫度，成餐飯雞都熱辣辣😛份量都非常之多有好多雞肉，而且有年糕，韭菜，最後仲有拉絲嘅芝士，所以食落去好滿足。雞肉滑嫩配上辣辣嘅醬汁，非常之開胃。新沙洞招牌醬油蟹拼盤配紫菜拌飯 $298 拼盤有一隻醬油蟹🦀，4隻醬油蝦。就咁睇醬油蟹都有好多膏，size就適中，蟹食落去非常鮮甜，醬汁鹹鹹地非常好餸飯。蝦都唔錯，仲要有4大隻😍😍😍秘製辣醬炒魷魚$168辣醬有少少似鐵板年糕雞嘅醬汁，辣辣地好惹味，魷魚嘅份量都算多，食極都仲有，有洋蔥同菇，可以用生菜包住食，冇咁油膩🦑🦑🦑😍😍新沙洞大排檔 (大政街) (大角咀)大角咀大政街10號地舖

呢間新沙洞大排檔好有韓國路邊攤feel。最近見到佢地係度推緊醬油蟹，仲有優惠價$198既醬油蟹食！優惠星期一至四全日供應，五六日就七點前，記得要電話訂座la！1️⃣醬油蟹拌麵（$298）佢地既醬油蟹係100%使用韓國產最頂級的延平島膏蟹！醬汁係用黃金秘方調製，鹽亦都會使用韓國最頂級的醬油鹽，而不係用普通既海鹽，辣椒亦都係採用韓國貨。真係食到正宗韓味～而最吸引我既係，佢地既醬油蟹係已經拆左肉😜同啲蟹籽一齊鋪係冷蕎麥麵既面頭，啖啖肉又唔洗整污糟手，真係懶人福音🤩2⃣️火焰醬燒排骨（$188）超級打卡able🔥店員會即席倒酒，然後點火！個排骨係有啲似BBQ醬醃既～甜甜地。肉質比我想像中嫩滑！係完全唔鞋口唔痴牙！3️⃣秘製辣醬炒魷魚（$168）配上一盤生菜，可以包黎食，甜甜辣辣而且有好多菜、洋蔥、菇，魷魚又夠彈牙👍4️⃣草莓牛奶配蜂巢特飲（$95）呢款飲品好特別，除左有切半既草莓之外，仲拮住原粒蜂巢😳可以自己將草莓牛奶倒落個杯到，草莓牛奶完全就係韓國既草莓奶味道，但係少甜版，同埋草莓既味道係偏輕既，加埋個蜂巢就多翻分甜味🍓好飲。

.‼️❤️ 記得CLICK我PROFILE關注我呀 ❤️‼️.🇰🇷 Hιρ Kσɾҽαɳ Eαƚʂ @ 🌟 新沙洞大排檔《👽食神大媽愛韓食》.💁‍♀️ 圖片展示美食為：秘製辣醬炒魷魚 HKD 168新沙洞柚子味炸雞（半份）HKD 88宮廷燉牛肋骨鍋 HKD 288泡菜煎餅 HKD 98草莓牛奶酸榨冰 HKD 78草莓牛奶配蜂巢特飲 HKD 88.👽 最近就有朋友仔帶大媽去一間打卡一流嘅韓國餐廳，地道汽水箱子、螢光招牌、韓星海報、狂播K-Pop 😍 呢度絕對稱得上係裝修特色，整個主題就係類似韓國嘅夜攤，但係喺室內嘅，超有氣氛！.🦑 大媽聽朋友仔介紹話必食呢款「秘製辣醬炒魷魚」果然無介紹錯，大大碟啖啖肉，配埋生菜包住一齊食，真係不得了，超惹味！.🐔 食韓國嘢又點可以唔叫炸雞，食左辣魷魚，一於叫柚子味試下 🍊 好多汁，同埋有柚子皮，清香甜蜜，同埋唔會多炸粉，雞肉嫩滑大舊，完美配搭其他惹味美食。.🥘 另外呢，就揀咗主打嘅「宮廷燉牛肋骨鍋」。一上枱就覺得真係冇揀錯，視覺效果已經係超吸引。咬落啲牛肉非常之嫩滑，D牛排骨大大嚿都唔會韌。調味真係做得真係好出色，係好惹味好濃郁嘅湯汁，白蘿蔔索曬味，超滋補，好味又

放工約埋同事去大角咀搵食，行入橫街見到新沙洞大排檔五光十色嘅門面，即刻吸引我哋嘅目光，所以二話不說就衝入去。入面環境唔算好大，估唔到平日夜晚都會座無虛席，出面仲有人喺度等位，好彩我哋進場時間尚早，可以佔據有利位置。韓國菜通常都會有泡菜，而新沙洞另外仲有芽菜做前菜，其實份量係多一倍，不過因為太肚餓，食咗一半先記得影相😅😅依家食韓國菜又點少得食炸雞，我哋就揀咗柚子味嘅新沙洞炸雞，韓式柚子醬上再灑上芝麻，簡直係令人胃口大開。炸雞外皮鬆脆，肉質嫩滑，配個甜甜酸酸嘅柚子汁，可以減去油膩感，食多幾件都得。宮廷燉牛肋骨鍋嘅牛肋骨大大件，配有豐富嘅配菜一同燉煮，我就最鍾意佢嘅蘿蔔夠晒入味，個牛骨湯仲好甜，份量好大，如果落埋個烏冬食應該仲正。由於我覺得牛肋骨湯係需要配澱粉質，冇米氣到肚真係搞唔掂，所以就揀咗個炸蝦芝士紫菜飯卷。大大件嘅飯卷賣相吸引，食到脆炸大蝦之餘又有香濃芝士及沙律醬汁，頓時豐富了味覺享受。秘製辣醬炒魷魚嘅每條魷魚都軟綿綿好易咬，配上辣辣嘅醬汁，刺激味蕾，另外仲可以用生菜包住食，即刻解去辣度，真係越食越想食。飲品方面，我哋揀咗二人份量嘅草莓牛奶配蜂巢特飲，粉紅色嘅賣相絕對係女士們嘅最愛。