Video
Read full review
2021-09-18
428 views
今日一行十人去食飯當做節，侍應好好服務見差不多就算未齊人都招待我哋入去座。有個4人餐我覺得唔錯但屋企人唔想所以最後散叫。每樣餸都講下啦，首先，一啲前菜，雞絲粉皮，花生醬比例都算正常唔太膩有花生醬味但偏淡。酒糟醉雞，酒味好濃，雞好嫩滑，值得一試。小籠包，我覺得一般，皮好厚，雖然湯汁好多但味道偏淡，肉味唔夠濃。鍋貼，又係肉味偏少，而且煎得好硬，一般般。四川回鍋肉，聽個名就會覺得好辣，一向唔食得辣既我，因為怕辣初時無食，但係屋企人話根本無辣味叫我試下，就求其試試啦，其實點會無辣吖，只不過嗰種辣好輕，唔會有麻既感覺，無辣既後勁，撇除無辣之外，可以擺得入口。京葱牛肉，牛肉炒得好嫩，但刀功就麻麻喇，大小不均，仲要有啲連肉，超多京葱，整體味道偏咸，唔知係咪嗰廚師跑馬輸錢。奶油津白，超級膩，唔會想再食，見到啲菜下面全部都係cream，又不是特別好味。蟲草花炒翡翠苗，85蚊但份量好少，一眼望去只是2-3人份量，唔抵。至於味道，唔知係唔係翡翠苗不是時令菜，有啲苦。賽螃蟹及咕嚕肉，是今晚成餐最好味最正常既菜式，甜酸比較啱啱好，每件尺寸大小適中，肉唔硬但有咬口。稻成炒飯，好多飯焦，所以好硬，味道一般不算好味，
有個4人餐我覺得唔錯但屋企人唔想所以最後散叫。
每樣餸都講下啦，首先，一啲前菜，雞絲粉皮，花生醬比例都算正常唔太膩有花生醬味但偏淡。
酒糟醉雞，酒味好濃，雞好嫩滑，值得一試。
小籠包，我覺得一般，皮好厚，雖然湯汁好多但味道偏淡，肉味唔夠濃。
鍋貼，又係肉味偏少，而且煎得好硬，一般般。
四川回鍋肉，聽個名就會覺得好辣，一向唔食得辣既我，因為怕辣初時無食，但係屋企人話根本無辣味叫我試下，就求其試試啦，其實點會無辣吖，只不過嗰種辣好輕，唔會有麻既感覺，無辣既後勁，撇除無辣之外，可以擺得入口。
京葱牛肉，牛肉炒得好嫩，但刀功就麻麻喇，大小不均，仲要有啲連肉，超多京葱，整體味道偏咸，唔知係咪嗰廚師跑馬輸錢。
奶油津白，超級膩，唔會想再食，見到啲菜下面全部都係cream，又不是特別好味。
蟲草花炒翡翠苗，85蚊但份量好少，一眼望去只是2-3人份量，唔抵。至於味道，唔知係唔係翡翠苗不是時令菜，有啲苦。
賽螃蟹及咕嚕肉，是今晚成餐最好味最正常既菜式，甜酸比較啱啱好，每件尺寸大小適中，肉唔硬但有咬口。
鳯城咕嚕肉
$85
17 views
0 likes
0 comments
稻成炒飯，好多飯焦，所以好硬，味道一般不算好味，而且我好後期先知，原來隔離枱都有叫稻成炒飯，但食客發現有生物在裡面，我哋嗰兩盤同隔離枱係一齊送嚟，太唔乾淨喇，衛生好差。
整體感覺每碟份量只適合2-3人，好似我哋一行十人，有啲餸要叫兩碟。
稻成炒飯
$98
10 views
0 likes
0 comments
Post
