喜鍋 海鮮‧火鍋‧小廚 (Closed)

火鍋係冬天嘅好朋友，之前已經聽朋友介紹過呢間火鍋店，大讚佢嘅花膠鯊魚骨鍋，而且網上幾乎都係好評，今日終於搵到人陪我去食！食物選擇都幾多，單係湯底都有成17種咁多，肥牛都有唔少選擇，仲有唔少自製食材。竹庶馬蹄煲得幾濃，滋潤清甜，係火鍋嘅好拍檔。本來想試下花膠鯊魚骨鍋，但對佢附送嘅泡飯冇乜興趣，所以揀咗呢個新推出嘅魚湯海鮮鍋。海鮮鍋嘅魚湯味唔算突出，但勝在材料都幾豐富，有蝦、蟹仔、扇貝、蜆同大量菇蔬，而且海鮮都幾新鮮，絕對對得住價錢。牛頸脊色澤鮮嫩，油花均勻，入口質感爽嫩，肉味香濃，係我嘅至愛！蝦滑質感結實彈牙，加入大量蟹籽增加鮮味同口感。蔬菜拼盤份量唔算多，有生菜、芥蘭同白菜仔。今次得兩個人唔係食到好多嘢，下次一定要嗌埋花膠鯊魚骨鍋同挑戰下佢個牛魔王塔!

天氣轉涼，所以呢晚同女友一齊到「喜鍋」打邊爐，嗌咗好多嘢食，通通都令人好滿意😋。.🐓椒鹽雞軟骨$48女友知我鍾意食，所以第一時間嗌一份我食❤️。椒鹽炸雞軟骨幾特別，香脆可口，食極都唔夠。.🦑蟹籽墨魚油炸鬼$58油炸骨爽脆但唔油膩，墨魚肉香滑彈牙，面上嘅蟹籽點綴不少。我同女友都鍾意食，好推薦呢份油炸鬼😋。.🥘香茜皮蛋鍋$68清淡下火，飲完呢個湯唔會頸渴，女友都幾滿意。.🐂雪花美國肥牛$128雪花肥瘦均勻，厚薄適中，煮熟後仍然入口即溶，亦唔覺得好油膩，高質靚肥牛。.🐏羊肉片$98薄切羊肉片，淥熟後完全唔覺有膻味，點豉油食帶出佢嘅鮮味，女友都讚好👍🏻。.🍜讚岐烏冬$18 & 🥬蔬菜拼盤$48烏冬爽滑彈牙；拼盤有生菜、菜心同白菜，新鮮淰甜。.🍹竹庶馬蹄茅根$38真材實料，瓶內有竹庶、馬蹄、茅根同粟米，唔係開糖漿沖個味出嚟。飲完清涼解渴，好滿意。.💁🏻‍♂️總括來講，食物新鮮好味，飲品真材實料。服務態度良好，環境寬敞舒適。我同女友食得好滿足，值得推薦！

天氣時凉時暖，真係令人摸不着頭腦，今晚又涼返啲，仲下着雨，這天氣去火鍋也不錯，決意同友人一起火鍋旁取暖（有點誇張添....）。本以為火鍋店地方小小，因為只見一邊兩張卡座，另一邊一排長櫈配二至四人枱，坐坐下就知道原來還有上層。一走進內裏便看到一個幾層的大水缸，養着不同種類的生猛海鮮，看來今晚必定大飽口福。店內裝潢富心思，牆上除了有推介菜式的相片外，還有幾幅巨大的香港昔日景色海報，帶點懷舊的感覺。細閱各份餐牌，分別有餐前小食、特色火鍋湯底、牛肉類、豬羊雞、海鮮/河鮮、自家製丸子/餃子、粉麵、各類火鍋配料和新鮮菇菜。******************************點齊食品就先作好準備，做咩？就是混醬，有紅椒、炸蒜、胡麻醬、蔥花、蒜蓉、XO醬和豉油。愛火辣辣的我就加大量紅椒，再加些蔥花和炸蒜粒，配埋醬油，簡簡單單。******************************再準備定一渣凍竹庶馬蹄茅根($38)用來清熱降火。睇到落足料，內有紅蘿蔔、馬蹄、竹蔗和粟米，最後要差點連渣都吃掉。呷一口，冰涼透心，甜度剛好，清甜滋潤，用來配火鍋最適合不過。*******************

今次帶咗表妹去食好西由於表妹都好食得🤣於是我哋就去咗喜鍋打邊爐着重美顏嘅我叫左個養顏湯底招牌花膠鯊魚骨膠原湯底 ($168)湯底啲料好足 勁多花膠配上佢送嘅甘香泡飯 超正👍🏻之後又點少得頂級安格斯牛頸脊 ($178)配上花膠湯底 牛味更突出至於手打五寶丸 ($88) 都好特別 粒粒都好新鮮當然呢度最特別就係有得叫吊桶食啦 ($48)價錢唔貴 而且份量都好夠最後我推薦大家飲佢哋嘅竹庶馬蹄茅根 ($38)勁清甜 打邊爐飲一流🤤________________________裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)________________________唔信我嘅可以自己去試試😂

※本文以用餐當日的環境、服務和食物質素為準，口味亦因人而異，文章只作參考之用。 -香港一年四季都鍾意打邊爐，小妹也是，特別係一段時間無打過邊爐就會突然心血來潮想食火鍋，就來到友人推薦的「喜鍋」，地點就腳，就在油麻地地鐵站附近。餐廳有兩層，我們被安排坐在「卡位」特別舒適！餐牌上的選擇很多，而且價錢也真的比較經濟，另外仲有供應數款飯前小食過過口癮。醬料 $10/位竹庶馬蹄茅根 $38打邊爐比較熱氣，叫一渣清甜既竹庶茅根俠就岩晒，甜度適中，飲完喉嚨頓時舒服多了。蟹籽墨魚油炸鬼 $58炸至香脆的油炸鬼釀入煙韌的墨魚滑在內，墨魚味突出，香口又好食。藥膳醉雞鍋（半隻）$128醉雞鍋一送上黎已經聞到濃烈酒香，半隻雞分開上，份量頗多，湯滾時店員會幫手落雞件；湯底入面仲有蟲草花、杞子同紅棗等，除左酒味外仲帶點甘甜的味道，雞肉不鞋口，味道不俗。至尊本地牛頸脊 （小）$208本地牛頸脊每片都切得較厚身，每片肥瘦不一，不過同樣咬落有嚼勁，牛味突出，揀多脂肪位的，咀嚼時有陣陣油脂香，頗好食。自家製響鈴 $42、芝士竹輪 $42仲有火鍋必點既炸響鈴，響鈴都係餐廳自家製，吸湯一流，小心燙咀；煙煙韌韌既竹輪咬落芝士爆

這天是跟一群小夥伴去吃火鍋，地點就選在油麻地的一間火鍋店，因為聽說這裡有別處吃不到的骨膠原湯底喔。我們坐上了二樓，環境蠻舒適，桌椅整齊，前後也有電視供客人看。先來看看餐牌吧，有很多不同的配料可以看到，亦有很多特色的食物，如牛魔皇塔、石蚌魚之類的。也有不少小食可以供客人點。當然少不了的是吃火鍋最愛配上的酒精飲料了。在湯底還沒上場前，我們首先是混上自己喜愛的配醬，畢竟吃火鍋不能少了醬料呀。可以看出醬料有很多不同的種類，任君自己搭配。我這樣不吃辣，口味也較清淡的就只是配上了香蔥跟炸蒜。要留意上鍋後醬料會收走，所以要加什麼就先加了喔。不久，期待的湯底上場了！這就是今天的目的︰招牌花膠沙魚骨膠原湯鍋！建議還沒落配料前也先嘗一口湯試試，會喝得出來很濃郁，很足料，而且帶上少許黏，彷彿你一口就是一口膠原。要注意這湯鍋會配上一個泡飯。這個泡飯可好吃了。把濃濃的花膠沙魚骨膠原湯澆入內，混著湯的鮮味的泡飯香氣四溢，而且飯質不同普通香米，而是帶脆的，很特別，讓口感得到昇華。然後登場的是牛魔皇塔，一看就知道份量可不是說笑的，一片又一片紅彤彤帶些少許脂肪的牛肉就這樣鋪在面前。這是最底層的牛肉，來自出名的安格斯牛身