九重鮮 (Closed)

對上一次食九重鮮是在大坑的分店，第一次的體驗是驚喜的，海鮮新鮮粥底綿甜，今次再次光臨，不過去了黃埔這間分店。今次門口推介一個平價版的蒸氣鍋，價錢比平時的套餐平了一半，當然食物不夠豐富。最後我們都是選擇了首爾塔，要食緊係要食好D。四小碟前菜有芽菜、白菜仔、醃蘿蔔及甜紅黑豆。飲品-蘆薈汁及提子汁，兩者都有粒粒果肉，不會太甜。我們先選了魚湯粥底。主角到場 - 五層塔店員說溫度到90度就可以吃。第一層是蟶子及象拔蚌蟶子依然大隻，味道鮮甜但肉質較鞋象拔蚌很鮮味，味質很嫩第二層是元貝、蝦、百頁豆腐，元貝及蝦肉新鮮，尤其是蝦肉特別爽口。第三層是刀蚌、北寄貝及龍躉，全部海鮮都有點鞋，可能是我們吃得太慢，蒸過了火，但味道都很鮮甜，龍躉肉很有魚味，是我至愛。第四層是蟹，花蛤及木瓜等，有很多膏，幾乎整隻都是膏，反而肉不多，蟹肉不是太新鮮，肉質有點散，花蛤很鮮甜，木瓜又甜又腍。第五層是鮑魚、丸及蔬菜類，鮑魚是全晚最好吃的，味道鮮且彈牙；豬肉丸很有肉味，有肉汁及彈牙；粟米、南瓜及蕃薯中，最好吃的是南瓜，非常甜。食粥時間，幾乎所有海鮮精華全部都集中在粥底。不太覺有魚湯味而且粥底未煲得夠時間，米還是一粒粒，未開花，

黃埔鐵路站開通後, 我都未到此一遊過, 趁今日無飯開, 約咗位住紅磡嘅朋友去食飯放工由中環過去, 半個鐘唔使, 超方便!由於2個女仔都鐘意食, 但又唔想食咁油膩嘅食物, 於是佢提議來吃蒸海鮮其實蒸海鮮已經HIT咗好耐, 不過我只品嚐過一次, 印象蒸出來的海鮮及粥底是很鮮甜!今次就來另一間試試去到門口, 見到有韓國字, 才知道這是韓國餐廳, 有點驚訝, 還以為是中菜館呢! 真係大鄉里 門面都幾大, 行入少少仲放置咗韓服比人影相由侍應帶我們入座, 可能晚飯時間尚早, 加上是平日, 餐廳還未滿座而裝修也比我相象中"新潮", 因我相象是像傳統中式菜館般慶幸的侍應安排最後一張卡位給我倆, 坐得舒服, 傾得開心坐下來, Menu都未睇, 侍應就送上前菜, 醬料及沙律給我們檯上還有一枝清水, 就像韓國餐廳一樣, 唔使叫侍應先比我地醬料由左至右: 柚子豉油, 自家製韓式辣醬, 海鹽麻油因應自己口味來蘸來吃, 不過我們最喜歡就是海鹽麻油, 因為很香口, 其實辣醬也不錯, 是比較辣的當然清吃蒸出來的食物是最原汁原味的~呢度既Menu, 有幾款套餐, 但落單的經理隆重推介"雪濃湯海鮮塔"套餐, 因為入面包括

最近好流行蒸氣火鍋，唔少放題同酒樓都推出左蒸氣火鍋。之前食過放題既蒸氣火鍋，覺得不過不失（可能因為唔係正宗既關係）。但係我又好想試下正宗蒸氣火鍋，男朋友就搵到間食蒸氣火鍋既專門店-----九重鮮。餐廳以簡潔大氣的木材作主題，而餐具都是跟韓式的鐵碗。每枱都有韓式小食，免費仼添。海鮮塔共有三款選擇，我們選擇了中價類別的首爾塔（$398 + 10%，兩位起)我們都不飲酒，所以另外叫了韓國橙汁！第一次飲呢個牌子既橙汁，好好飲！我最滿意就是店員的服務，很熱心地教我們如何吃這個首爾塔。第一次吃如此正宗的蒸氣火鍋，令我好興奮。塔頂有個温度計，85度就開始可以食。店員說精準地計算首爾塔的溫度才能夠食到最鮮嫩的海鮮！第一層有蟶子及象拔蚌，伴點車厘茄、絲瓜及菇菌。蟶子好鮮甜，可以想像到佢係好新鮮，完全可以不用沾醬汁！第二層有帶子、蝦。我最中意個帶子，大大粒而且肉質鮮嫩！第三層有蟹、花甲、青口、魚、南瓜及雲耳。估唔到有蟹食，而且隻蟹係有膏添！第四層有鮑魚、螺、大蜆、南瓜、粟米、娃娃菜、蘿蔔、冬菇及蕃薯。食左咁多海鮮終於有啲菜食下，啲菜擺係第四層可以吸收埋上幾層既海鮮汁，令娃娃菜、蘿蔔更加鮮甜！最底下一層就係