龍點心 (中達大廈)

Open Now

Now Closed

今日晏左起身，落到黎尖沙咀都已經過左早茶時段，行過海防道#龍點心 ，見到晚飯時段亦有點心同飯粥供應。而點心更是精心設計，款式夠曬創新，依加做埋會員仲有折扣優惠。今晚系到食晚飯就當補番早茶喇!🏅普通擔擔麵（辣）估唔到呢度都有得食擔擔麵，湯底花生味同辣味平均，口感夠杰，索左個湯汁令麵質更淋，肉醬豐富，口感好有層次。🏅芝士鮮蝦腐皮卷腐皮卷一般口感比較皺皮，但呢度嘅油脆多D，內裏嘅芝士口感熱軟， 外脆內軟。🏅黑金流沙包3隻上臺時熱辣辣，趁熱食番個啦！撕開個包就流曬金沙出黎，香濃既味道，包夠鬆軟。🏅黑松露珍香燒賣 3 隻賣相不俗，紫色外皮頗為吸精，豬肉肉質比較腍，好紮實，味道亦都唔太單調。🏅筍尖蝦餃皇4隻蝦餃都幾大粒既，皮夠薄，蝦肉都夠爽口，同傳統嘅蝦餃一樣，仲配埋辣椒油。🏅准杞螺片燉竹絲雞 燉湯好足料，內有烏雞，螺片，准杞，豬肉，每一羮都充滿淡淡清甜，飲完喉嚨好舒服。🏅宮廷桂花糕（2件）將桂花糕雕塑成朵花咁，除左外形吸引外，口感亦煙煙韌韌。飲番杯茶食一流!

今天跟一跟潮流同朋友去飲夜茶。【🍤龍點心🐉】地址：📍尖沙咀海防道38－40號中達大廈1樓，就在遊客區九龍公園隔離，地點很方便，樓下看到門面已被給引， 源樓梯上一樓， 玻璃門望見店內裝修別緻而整齊， 店員即時招呼坐下，開了一壺香片， 用qr code自助點餐很是方便。個人比較傳統，飲茶必點蝦餃燒賣，再看看有很多新式點心，來個新舊交融。🌟筍尖蝦餃皇✨懷舊燒賣兩樣都好食，兩樣主要材料蝦仁大大隻，處理得好好，蝦仁非常彈牙有鮮味。✨芝士鮮蝦腐皮卷用腐皮包裹鮮蝦加芝士炸，皮脆蝦彈芝士香而不膩。✨脆脆富貴紅米腸粉腸粉皮包裹脆米紙層，中間係鮮蝦仁，再跟三款醬汁，好好味道。🌟一口鹹水角傳統鹹水角，新式製法展現眼前，外脆，中間煙韌，內裏鹹香，一口一個方便好吃。✨蘆薈鮮奶燉椰皇原隻椰皇加入鮮奶及蘆薈燉製，有椰香，有奶香，入口滑溜，仲有粒粒鮮蘆薈清新。龍點心出品高於價錢，呢個價錢性價比係高，會是回頭之選。

今日去尖沙咀想飲啖茶食下點心~見到呢間啲點心好似幾靚幾得意，就一於去試下先！裝修有別於一般茶樓/點心鋪，紅紅綠綠，似港式大排檔style多啲~懷舊燒賣 $40係一般酒樓嘅蟹籽豬肉燒賣，咬落去都幾香口，唔會好乾身或者太油，肉質都幾厚實筍尖蝦餃皇 $40雖然叫蝦餃皇，但個size都唔算大粒，蝦肉餡都幾爽口，蝦餃皮唔會太厚身，同埋唔會太黏，唔會痴埋一舊脆脆富貴紅米腸粉 $50腸粉份量都算多，配上3款醬汁(胡麻醬、泰式酸辣醬、豉油)，睇擺盤都覺得好有心思，外皮紅卜卜，仲有沙律醬點綴，好打卡able食落去脆卜卜，好香口啊！但配上沙律醬酸酸地，好似唔太夾咁3款醬入面，最鍾意都係最classic嘅豉油~麻醬都算係腸粉醬常客，但泰式酸辣醬有啲多餘呢~但其實唔點汁都已經好食芝士鮮蝦腐皮卷 $42咬落去個外皮幾脆口，但食落都feel到偏油嘅，要飲多幾啖茶解下膩先~個餡都幾好，蝦肉都飽滿，啲芝士仲係流心㗎！龍炸拼 $78 (大澳蝦醬鮮蝦卷、一口鹹水角、蘿蔔絲酥、龍芋酥)呢款炸物拼盤有少少令人失望啊鹹水角同鮮蝦卷都唔錯，但蘿蔔絲酥同龍芋酥真係麻麻地~蘿蔔絲酥外層都算鬆化，但入面蘿蔔絲已變成蓉，食落又無咩味~龍