媽咪雞蛋仔 (Closed)

今日下午有點肚餓，晚上約了男朋友食串燒，所以想食少少嘢。當然要支持香港人小店！好感動香港人的堅持及信念，排著隊還是會繼續等候！這間多間分店不同口味及款式的雞蛋仔及夾餅，更有不同飲品選擇，更有優惠：買雞蛋仔/夾餅，買飲品就減$4。可惜今日無夾餅，所以選了粒粒朱古力味的雞蛋仔！甜甜的朱古力味，有溶溶的朱古力，中間更有煙韌麻薯！熱辣辣的雞蛋仔好外脆卜卜內面軟軟口感，甜又美味，好正！服務有耐性有禮貌，香港人加油！

📍 媽咪雞蛋仔 粒粒朱古力雞蛋仔 @ $3之前klook有激安美食節，用code買媽咪雞蛋仔既voucher都係$3咋。咁啱weekend經過就用埋張voucher。呢間仲有米芝蓮推介，好多人排隊買。-拎上手係熱辣辣，雞蛋仔外脆內軟，外皮超級脆，餡既質地有少少煙韌，口感層次好豐富。最中意媽咪雞蛋仔係佢就算凍左都唔會變淋，變到chef lemon整個底毛巾咁。朱古力味道濃郁，朱古力餡分佈平均，啖啖都有朱古力，份量亦非常足，情侶們一人一粒慢慢share黎食就啱啱好。唯一少少唔好係偏甜。-地址： 尖沙咀加拿分道8-12號嘉芬大廈地下-推介指數👍🏻👍🏻👍🏻👍🏻👍🏻抵食指數👍🏻👍🏻👍🏻👍🏻👍🏻(5個👍🏻為滿分)

媽咪雞蛋仔其實從紅磡開始已經幾鍾意食， 當時鋪頭細細，仲記得門外有一個好大嘅雞蛋仔公仔，好得意而且都好多人排隊。之後已經越開越多分店，今日嚟到尖沙咀見到就想食返個雞蛋仔。呢度d雞蛋仔越出越多味道，但係我都係鍾情於朱古力粒粒雞蛋仔唔知係咪尖沙咀比較多遊客，大概等咗成十五分鐘以上先至有得食 。講返雞蛋仔整得好香脆，粒粒都脆好犀利。每一粒都有朱古力餡，而且朱古力嘅味道非常香濃，唔係牛奶朱古力，似係黑朱古力，真係好食。雖然要二十幾蚊，但係真係好味

午飯後同同事經過，見無咩人就二話不說買雞蛋仔試下，一份粒粒朱古力，一份白芝麻味，即叫即整，連吹乾(可令雞蛋仔更香脆），共等了15分鐘粒粒朱古力雞蛋仔，$18，外表係原味，內裡係溶左既朱古力醬，唔太甜，不過唔係粒粒都有朱古力醬白芝麻雞蛋仔，$18，有驚喜的一隻味道，炒過既芝麻好香，加埋脆脆既雞蛋仔一流，推介