翔壽司

Open Now

Now Closed

夏天到雖然要減肥，點減都好 ... 晚餐都係要食嘅難得仔仔肯陪我出尖沙咀食飯知佢鐘意食日本野 ， 加上我想食啲少油啲嘅野，咁一於試吓呢間用日本小店。呢間壽司店所用嘅米，係日本產嘅米，即刻加分餐廳位於尖沙咀厚福街地下。店子不大，約只有10個座位左右。我哋去到已經八點半，相對人不多，只需要等候大約5-10分鐘已經有坐位了。店子雖少，不過勝在魚生、壽司選擇都算不少。仲有日本生蠔添。而且餐廳也有提供呢期大受歡迎嘅 Omakase ，吾想煩吾想揀就啱曬今晚先來一份二人前「精選刺身併盤」，刺身真係不錯，好開心有油甘魚同池魚，另外仲有三文魚、帶子同大大隻甜蝦，每款兩件價錢只係$158 ，抵食刺身好新鮮加上厚切，好合我心意。刺身真係不能太薄，咁樣食落先至有咬口試咗刺身不錯，吾少得要試埋個魚生飯。呢個「北海丼」$188 ， 有我最鐘意三文魚籽、海膽等等合共六款魚生，三文魚籽大大粒係超正。雖然話減肥，但兩個人食一份刺身加魚生飯，當然唔夠飽啦所以最後加多十件自選壽司🍣價錢只需$168，超抵食。我同阿仔特別欣賞壽司的飯，飯的軟硬適中，醋味巧好，一啖入口混和魚生鮮甜，真真真係好好味。左口魚邊、魴鮄、金綫鯛魚都好

自從恢復晚市之後，大家都努力還返啲生日飯債，友人就提議去厚福街搵食，貪呢度多選擇。嚟到大家都表示唔係太肚餓，於是就選擇咗翔壽司食吓壽司刺身。小店規模不大，店內就只有圍住壽司師傅工作枱嘅曲尺形吧枱，大概只有十數個座位，感覺猶如置身喺日本築地嘅壽司小店內。我哋選擇咗精選刺身(二人前)，包括有三文魚、帶子、池魚、甜蝦、油甘魚各兩件，每款都新鮮甘甜。另外揀咗特上壽司盛合，總共有十款不同壽司🍣。海膽鮮甜醇厚，有入口即溶嘅感覺。三文魚籽粒粒晶瑩飽滿，咬落鮮味。牡丹蝦肉質厚實肥美甘甜。帶子味道鮮甜，肉質柔軟。炙燒金線鯛肉質經火炙後更加嫩滑有口感。拖羅雖不算十分肥美，但亦帶鹹香。深海池魚肉質較爽口，試一口足以令人回味。同樣係池魚，上面加咗薑蓉及葱花，香而不辣。特別要讚賞嘅就係呢度嘅服務，員工會首先問客人食唔食Wasabi，我同朋友各有喜好，於是壽司師傅就冇將Wasabi放入壽司內，而係將之放喺碟嘅旁邊，真係非常貼心嘅服務。

好耐冇食日本野啦，今日咁岩要出尖沙咀，所以就去出名多野食的厚福街看看，見到這間在厚福街地舖的壽司店，感覺乾靜衛生，所以便試試。餐廳是一間小店，只有8-10個位左右，全是bar枱，能夠看到壽司師傅整壽司，而且也可詢問他們當天什麼較新鮮。看看點餐紙，有套餐也有單點。精選刺身(二人前)，這個拼盤包括有三文魚、帶子、池魚、甜蝦和油甘魚，刺身非常新鮮而且都幾厚切，帶子和甜蝦很鮮甜，三文魚、池魚和油甘魚好香魚油味，池魚還配有薑蓉，令味道更鮮味!鰤魚、金目鯛、腦天、火炙金線鯛、銀雪魚和鰻魚bb軍艦，這幾款壽司當中腦天其實是吞拿魚額頭肉，所以特別嫩滑而且有香濃的吞拿魚味!銀雪魚入口即溶，而且好香魚油味!鰻魚BB的口感有點像魷魚，爽口鮮甜，好特別!食每款壽司前再食點酸薑清清味蕾，更能食到魚的鮮味!估唔到這間小店的魚生非常新鮮而且上菜追度很快，大家可考慮來這裡食個追食!

近期好興食立食壽司，見到厚福街有間新開的立食壽司，梗係要趁下個熱潮去試下。立食即是企係度食，沒有座位坐的，所以客人都不會留太久，食完就會走，那麼餐廳就不需要太大間，這間只有約10個企位，裡面有3位壽司師傅，每位師傅會serve特定的客人。menu都有各式各樣的選擇，可以散叫，亦可以叫套餐，想食豪d，仲可以叫omakase。上壽司盛合(三文魚籽/帶子/赤蝦/灸燒金目鯛/吞拿魚/池魚/油甘魚/魴鮄) 點這個壽司盛合可以試不同款式既壽司，最岩三心兩意既我，三文魚籽軍艦既紫菜能保持爽脆，証明所有壽司係即刻新鮮製作的，而所有壽司飯亦已預先調味，可以不用點豉油，灸燒金目鯛很香口，燒完後更能帶出魚油香味、第一次食魴鮄魚，味道清甜，魚味不算太突出。精選刺身(二人前) (三文魚/帶子/池魚/甜蝦/油甘魚) 而這個二人前的剌身份量不會太多，三文魚油脂分佈平均、帶子相當厚實、油甘魚肥美、甜蝦鮮甜多汁，有別於赤蝦的爽口。